完整巴利原文 · 稳定分页 当前仅加载第 168 阅读页；保留 Bilara 原生段落标识，每页最多 120 段。
Kathāvatthu
kv10.11:0.1Mahāpaṇṇāsaka
kv10.11:0.2Dasamavagga
kv10.11:0.3Aviññattidussilyantikathā
kv10.11:0.4Aviññatti dussilyanti?
kv10.11:1.1Āmantā.
kv10.11:1.2Pāṇātipātoti?
kv10.11:1.3Na hevaṁ vattabbe …pe…
kv10.11:1.4adinnādānanti?
kv10.11:1.5Na hevaṁ vattabbe …pe…
kv10.11:1.6kāmesumicchācāroti?
kv10.11:1.7Na hevaṁ vattabbe …pe…
kv10.11:1.8musāvādoti?
kv10.11:1.9Na hevaṁ vattabbe …pe…
kv10.11:1.10surāmerayamajjapamādaṭṭhānanti?
kv10.11:1.11Na hevaṁ vattabbe …pe….
kv10.11:1.12Pāpakammaṁ samādiyitvā dānaṁ dadantassa puññañca apuññañca ubho vaḍḍhantīti?
kv10.11:2.1Na hevaṁ vattabbe …pe…
kv10.11:2.2puññañca apuññañca ubho vaḍḍhantīti?
kv10.11:2.3Āmantā.
kv10.11:2.4Dvinnaṁ phassānaṁ …pe…
kv10.11:2.5dvinnaṁ cittānaṁ samodhānaṁ hotīti?
kv10.11:2.6Na hevaṁ vattabbe …pe…
kv10.11:2.7dvinnaṁ phassānaṁ …pe…
kv10.11:2.8dvinnaṁ cittānaṁ samodhānaṁ hotīti?
kv10.11:2.9Āmantā.
kv10.11:2.10Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṁ āgacchantīti?
kv10.11:2.11Na hevaṁ vattabbe …pe….
kv10.11:2.12Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṁ āgacchantīti?
kv10.11:3.1Āmantā.
kv10.11:3.2Nanu vuttaṁ bhagavatā—
kv10.11:3.3“cattārimāni, bhikkhave, suvidūravidūrāni.
kv10.11:3.4Katamāni cattāri?
kv10.11:3.5Nabhañca, bhikkhave, pathavī ca—
kv10.11:3.6idaṁ paṭhamaṁ suvidūravidūraṁ …pe… tasmā sataṁ dhammo asabbhi ārakā”ti.
kv10.11:3.7Attheva suttantoti?
kv10.11:3.8Āmantā.
kv10.11:3.9Tena hi na vattabbaṁ—
kv10.11:3.10“kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṁ āgacchantī”ti …pe….
kv10.11:3.11Na vattabbaṁ—
kv10.11:4.1“aviññatti dussilyan”ti?
kv10.11:4.2Āmantā.
kv10.11:4.3Nanu pāpakammaṁ samādinno āsīti?
kv10.11:4.4Āmantā.
kv10.11:4.5Hañci pāpakammaṁ samādinno āsi, tena vata re vattabbe—
kv10.11:4.6“aviññatti dussilyan”ti.
kv10.11:4.7Aviññatti dussilyantikathā niṭṭhitā.
kv10.11:4.8Dasamo vaggo.
kv10.11:4.9Tassuddānaṁ
kv10.11:4.10Upapattesiye pañcakkhandhe aniruddhe kiriyā pañcakkhandhā uppajjanti, maggasamaṅgissa rūpaṁ maggo, pañcaviññāṇasamaṅgissa atthi maggabhāvanā, pañcaviññāṇā kusalāpi akusalāpi, pañcaviññāṇā sābhogā, maggasamaṅgī dvīhi sīlehi samannāgato, sīlaṁ acetasikaṁ, sīlaṁ na cittānuparivatti, samādānahetukaṁ sīlaṁ vaḍḍhatīti, viññattisīlaṁ aviññatti dussilyanti.
kv10.11:5.1Dutiyo paṇṇāsako.
kv10.11:5.2Tassuddānaṁ
kv10.11:5.3Niyāmasaṅgahagatānisaṁsatā ca nirodhoti.
kv10.11:6.1