完整巴利原文 · 稳定分页 当前仅加载第 177 阅读页；保留 Bilara 原生段落标识，每页最多 120 段。
Kathāvatthu
kv11.8:0.1Mahāpaṇṇāsaka
kv11.8:0.2Ekādasamavagga
kv11.8:0.3Aniccatākathā
kv11.8:0.4Aniccatā parinipphannāti?
kv11.8:1.1Āmantā.
kv11.8:1.2Tāya aniccatāya aniccatā parinipphannāti?
kv11.8:1.3Na hevaṁ vattabbe …pe…
kv11.8:1.4tāya aniccatāya aniccatā parinipphannāti?
kv11.8:1.5Āmantā.
kv11.8:1.6Tāya tāyeva natthi dukkhassantakiriyā, natthi vaṭṭupacchedo, natthi anupādāparinibbānanti?
kv11.8:1.7Na hevaṁ vattabbe.
kv11.8:1.8Jarā parinipphannāti?
kv11.8:2.1Āmantā.
kv11.8:2.2Tāya jarāya jarā parinipphannāti?
kv11.8:2.3Na hevaṁ vattabbe …pe…
kv11.8:2.4tāya jarāya jarā parinipphannāti?
kv11.8:2.5Āmantā.
kv11.8:2.6Tāya tāyeva natthi dukkhassantakiriyā, natthi vaṭṭupacchedo, natthi anupādāparinibbānanti?
kv11.8:2.7Na hevaṁ vattabbe …pe….
kv11.8:2.8Maraṇaṁ parinipphannanti?
kv11.8:3.1Āmantā.
kv11.8:3.2Tassa maraṇassa maraṇaṁ parinipphannanti?
kv11.8:3.3Na hevaṁ vattabbe.
kv11.8:3.4Tassa maraṇassa maraṇaṁ parinipphannanti?
kv11.8:3.5Āmantā.
kv11.8:3.6Tassa tasseva natthi dukkhassantakiriyā, natthi vaṭṭupacchedo, natthi anupādāparinibbānanti?
kv11.8:3.7Na hevaṁ vattabbe …pe….
kv11.8:3.8Rūpaṁ parinipphannaṁ, rūpassa aniccatā atthīti?
kv11.8:4.1Āmantā.
kv11.8:4.2Aniccatā parinipphannā, aniccatāya aniccatā atthīti?
kv11.8:4.3Na hevaṁ vattabbe …pe…
kv11.8:4.4rūpaṁ parinipphannaṁ, rūpassa jarā atthīti?
kv11.8:4.5Āmantā.
kv11.8:4.6Jarā parinipphannā, jarāya jarā atthīti?
kv11.8:4.7Na hevaṁ vattabbe …pe….
kv11.8:4.8Rūpaṁ parinipphannaṁ, rūpassa bhedo atthi, antaradhānaṁ atthīti?
kv11.8:5.1Āmantā.
kv11.8:5.2Maraṇaṁ parinipphannaṁ, maraṇassa bhedo atthi, antaradhānaṁ atthīti?
kv11.8:5.3Na hevaṁ vattabbe …pe….
kv11.8:5.4Vedanā …pe…
kv11.8:6.1saññā … saṅkhārā …pe…
kv11.8:6.2viññāṇaṁ parinipphannaṁ, viññāṇassa aniccatā atthīti?
kv11.8:6.3Āmantā.
kv11.8:6.4Aniccatā parinipphannā, aniccatāya aniccatā atthīti?
kv11.8:6.5Na hevaṁ vattabbe …pe…
kv11.8:6.6viññāṇaṁ parinipphannaṁ, viññāṇassa jarā atthīti?
kv11.8:6.7Āmantā.
kv11.8:6.8Jarā parinipphannā, jarāya jarā atthīti?
kv11.8:6.9Na hevaṁ vattabbe …pe….
kv11.8:6.10Viññāṇaṁ parinipphannaṁ, viññāṇassa bhedo atthi, antaradhānaṁ atthīti?
kv11.8:7.1Āmantā.
kv11.8:7.2Maraṇaṁ parinipphannaṁ, maraṇassa bhedo atthi, antaradhānaṁ atthīti?
kv11.8:7.3Na hevaṁ vattabbe …pe….
kv11.8:7.4Aniccatākathā niṭṭhitā.
kv11.8:7.5Ekādasamo vaggo.
kv11.8:7.6Tassuddānaṁ
kv11.8:7.7Anusayā abyākatā, ahetukā, cittavippayuttā, aññāṇe vigate ñāṇī, ñāṇaṁ cittavippayuttaṁ, yattha sadde ñāṇaṁ pavattati, iddhibalena samannāgato kappaṁ tiṭṭheyya, cittasantati samādhi, dhammaṭṭhitatā, aniccatāti.
kv11.8:8.1