完整巴利原文 · 稳定分页 当前仅加载第 185 阅读页；保留 Bilara 原生段落标识，每页最多 120 段。
Kathāvatthu
kv12.8:0.1Mahāpaṇṇāsaka
kv12.8:0.2Dvādasamavagga
kv12.8:0.3Jīvitāvoropanakathā
kv12.8:0.4Diṭṭhisampanno puggalo sañcicca pāṇaṁ jīvitā voropeyyāti?
kv12.8:1.1Āmantā.
kv12.8:1.2Diṭṭhisampanno puggalo sañcicca mātaraṁ jīvitā voropeyya …pe…
kv12.8:1.3pitaraṁ jīvitā voropeyya …pe…
kv12.8:1.4arahantaṁ jīvitā voropeyya …pe…
kv12.8:1.5duṭṭhena cittena tathāgatassa lohitaṁ uppādeyya …pe…
kv12.8:1.6saṅghaṁ bhindeyyāti?
kv12.8:1.7Na hevaṁ vattabbe …pe….
kv12.8:1.8Diṭṭhisampanno puggalo sañcicca pāṇaṁ jīvitā voropeyyāti?
kv12.8:2.1Āmantā.
kv12.8:2.2Diṭṭhisampanno puggalo satthari agāravoti?
kv12.8:2.3Na hevaṁ vattabbe …pe…
kv12.8:2.4dhamme …pe…
kv12.8:2.5saṅghe …pe…
kv12.8:2.6sikkhāya agāravoti?
kv12.8:2.7Na hevaṁ vattabbe …pe….
kv12.8:2.8Nanu diṭṭhisampanno puggalo satthari sagāravoti?
kv12.8:3.1Āmantā.
kv12.8:3.2Hañci diṭṭhisampanno puggalo satthari sagāravo, no ca vata re vattabbe—
kv12.8:3.3“diṭṭhisampanno puggalo sañcicca pāṇaṁ jīvitā voropeyyā”ti.
kv12.8:3.4Nanu diṭṭhisampanno puggalo dhamme …pe…
kv12.8:3.5saṅghe …pe…
kv12.8:3.6sikkhāya sagāravoti?
kv12.8:3.7Āmantā.
kv12.8:3.8Hañci diṭṭhisampanno puggalo sikkhāya sagāravo, no ca vata re vattabbe—
kv12.8:3.9“diṭṭhisampanno puggalo sañcicca pāṇaṁ jīvitā voropeyyā”ti.
kv12.8:3.10Diṭṭhisampanno puggalo satthari agāravoti?
kv12.8:4.1Āmantā.
kv12.8:4.2Diṭṭhisampanno puggalo buddhathūpe ohadeyya omutteyya niṭṭhubheyya buddhathūpe apabyāmato kareyyāti?
kv12.8:4.3Na hevaṁ vattabbe …pe….
kv12.8:4.4Diṭṭhisampanno puggalo sañcicca pāṇaṁ jīvitā voropeyyāti?
kv12.8:5.1Āmantā.
kv12.8:5.2Nanu vuttaṁ bhagavatā—
kv12.8:5.3“seyyathāpi, bhikkhave, mahāsamuddo ṭhitadhammo velaṁ nātivattati;
kv12.8:5.4evameva kho, bhikkhave, yaṁ mayā sāvakānaṁ sikkhāpadaṁ paññattaṁ taṁ mama sāvakā jīvitahetupi nātikkamantī”ti.
kv12.8:5.5Attheva suttantoti?
kv12.8:5.6Āmantā.
kv12.8:5.7Tena hi na vattabbaṁ—
kv12.8:5.8“diṭṭhisampanno puggalo sañcicca pāṇaṁ jīvitā voropeyyā”ti.
kv12.8:5.9Jīvitā voropanakathā niṭṭhitā.
kv12.8:5.10