完整巴利原文 · 稳定分页 当前仅加载第 192 阅读页；保留 Bilara 原生段落标识，每页最多 120 段。
Kathāvatthu
kv13.5:0.1Mahāpaṇṇāsaka
kv13.5:0.2Terasamavagga
kv13.5:0.3Nivutakathā
kv13.5:0.4Nivuto nīvaraṇaṁ jahatīti?
kv13.5:1.1Āmantā.
kv13.5:1.2Ratto rāgaṁ jahati, duṭṭho dosaṁ jahati, mūḷho mohaṁ jahati, kiliṭṭho kilese jahatīti?
kv13.5:1.3Na hevaṁ vattabbe …pe…
kv13.5:1.4rāgena rāgaṁ jahati, dosena dosaṁ jahati, mohena mohaṁ jahati, kilesehi kilese jahatīti?
kv13.5:1.5Na hevaṁ vattabbe …pe….
kv13.5:1.6Rāgo cittasampayutto, maggo cittasampayuttoti?
kv13.5:2.1Āmantā.
kv13.5:2.2Dvinnaṁ phassānaṁ …pe…
kv13.5:2.3dvinnaṁ cittānaṁ samodhānaṁ hotīti?
kv13.5:2.4Na hevaṁ vattabbe …pe…
kv13.5:2.5rāgo akusalo, maggo kusaloti?
kv13.5:2.6Āmantā.
kv13.5:2.7Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṁ āgacchantīti?
kv13.5:2.8Na hevaṁ vattabbe …pe….
kv13.5:2.9Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṁ āgacchantīti?
kv13.5:3.1Āmantā.
kv13.5:3.2Nanu vuttaṁ bhagavatā—
kv13.5:3.3“cattārimāni, bhikkhave, suvidūravidūrāni.
kv13.5:3.4Katamāni cattāri?
kv13.5:3.5Nabhañca, bhikkhave, pathavī ca—
kv13.5:3.6idaṁ paṭhamaṁ suvidūravidūraṁ …pe… tasmā sataṁ dhammo asabbhi ārakā”ti.
kv13.5:3.7Attheva suttantoti?
kv13.5:3.8Āmantā.
kv13.5:3.9Tena hi na vattabbaṁ—
kv13.5:3.10“kusalākusalā …pe…
kv13.5:3.11sammukhībhāvaṁ āgacchantī”ti.
kv13.5:3.12Nivuto nīvaraṇaṁ jahatīti?
kv13.5:4.1Āmantā.
kv13.5:4.2Nanu vuttaṁ bhagavatā—
kv13.5:4.3“so evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṁ khayañāṇāya cittaṁ abhininnāmetī”ti.
kv13.5:4.4Attheva suttantoti?
kv13.5:4.5Āmantā.
kv13.5:4.6Tena hi na vattabbaṁ—
kv13.5:4.7“nivuto nīvaraṇaṁ jahatī”ti …pe….
kv13.5:4.8Na vattabbaṁ—
kv13.5:5.1“nivuto nīvaraṇaṁ jahatī”ti?
kv13.5:5.2Āmantā.
kv13.5:5.3Nanu vuttaṁ bhagavatā—
kv13.5:5.4“tassa evaṁ jānato evaṁ passato kāmāsavāpi cittaṁ vimuccati …pe…
kv13.5:5.5avijjāsavāpi cittaṁ vimuccatī”ti.
kv13.5:5.6Attheva suttantoti?
kv13.5:5.7Āmantā.
kv13.5:5.8Tena hi nivuto nīvaraṇaṁ jahatīti.
kv13.5:5.9Nivutakathā niṭṭhitā.
kv13.5:5.10