完整巴利原文 · 稳定分页 当前仅加载第 194 阅读页；保留 Bilara 原生段落标识，每页最多 120 段。
Kathāvatthu
kv13.7:0.1Mahāpaṇṇāsaka
kv13.7:0.2Terasamavagga
kv13.7:0.3Samāpannoassādetikathā
kv13.7:0.4Samāpanno assādeti, jhānanikanti jhānārammaṇāti?
kv13.7:1.1Āmantā.
kv13.7:1.2Taṁ jhānaṁ tassa jhānassa ārammaṇanti?
kv13.7:1.3Na hevaṁ vattabbe …pe…
kv13.7:1.4taṁ jhānaṁ tassa jhānassa ārammaṇanti?
kv13.7:1.5Āmantā.
kv13.7:1.6Tena phassena taṁ phassaṁ phusati, tāya vedanāya taṁ vedanaṁ vedeti, tāya saññāya taṁ saññaṁ sañjānāti, tāya cetanāya taṁ cetanaṁ ceteti, tena cittena taṁ cittaṁ cinteti, tena vitakkena taṁ vitakkaṁ vitakketi, tena vicārena taṁ vicāraṁ vicāreti, tāya pītiyā taṁ pītiṁ piyāyati, tāya satiyā taṁ satiṁ sarati, tāya paññāya taṁ paññaṁ pajānātīti?
kv13.7:1.7Na hevaṁ vattabbe …pe….
kv13.7:1.8Jhānanikanti cittasampayuttā, jhānaṁ cittasampayuttanti?
kv13.7:2.1Āmantā.
kv13.7:2.2Dvinnaṁ phassānaṁ …pe…
kv13.7:2.3dvinnaṁ cittānaṁ samodhānaṁ hotīti?
kv13.7:2.4Na hevaṁ vattabbe …pe….
kv13.7:2.5Jhānanikanti akusalaṁ, jhānaṁ kusalanti?
kv13.7:3.1Āmantā.
kv13.7:3.2Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṁ āgacchantīti?
kv13.7:3.3Na hevaṁ vattabbe …pe….
kv13.7:3.4Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṁ āgacchantīti?
kv13.7:4.1Āmantā.
kv13.7:4.2Nanu vuttaṁ bhagavatā—
kv13.7:4.3“cattārimāni, bhikkhave, suvidūravidūrāni.
kv13.7:4.4Katamāni cattāri?
kv13.7:4.5Nabhañca, bhikkhave, pathavī ca—
kv13.7:4.6idaṁ paṭhamaṁ suvidūravidūraṁ …pe… tasmā sataṁ dhammo asabbhi ārakā”ti.
kv13.7:4.7Attheva suttantoti?
kv13.7:4.8Āmantā.
kv13.7:4.9Tena hi na vattabbaṁ—
kv13.7:4.10“kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṁ āgacchantī”ti.
kv13.7:4.11Na vattabbaṁ—
kv13.7:5.1“samāpanno assādeti, jhānanikanti jhānārammaṇā”ti?
kv13.7:5.2Āmantā.
kv13.7:5.3Nanu vuttaṁ bhagavatā—
kv13.7:5.4“idha, bhikkhave, bhikkhu vivicceva kāmehi vivicca akusalehi dhammehi paṭhamaṁ jhānaṁ upasampajja viharati, so taṁ assādeti taṁ nikāmeti tena ca vittiṁ āpajjati;
kv13.7:5.5vitakkavicārānaṁ vūpasamā …pe… dutiyaṁ jhānaṁ …pe…
kv13.7:5.6tatiyaṁ jhānaṁ …pe…
kv13.7:5.7catutthaṁ jhānaṁ upasampajja viharati, so taṁ assādeti taṁ nikāmeti tena ca vittiṁ āpajjatī”ti.
kv13.7:5.8Attheva suttantoti?
kv13.7:5.9Āmantā.
kv13.7:5.10Tena hi samāpanno assādeti, jhānanikanti jhānārammaṇāti.
kv13.7:5.11Samāpanno assādetikathā niṭṭhitā.
kv13.7:5.12