完整巴利原文 · 稳定分页 当前仅加载第 205 阅读页；保留 Bilara 原生段落标识，每页最多 120 段。
Kathāvatthu
kv14.8:0.1Mahāpaṇṇāsaka
kv14.8:0.2Cuddasamavagga
kv14.8:0.3Abyākatakathā
kv14.8:0.4Diṭṭhigataṁ abyākatanti?
kv14.8:1.1Āmantā.
kv14.8:1.2Vipākābyākataṁ kiriyābyākataṁ rūpaṁ nibbānaṁ cakkhāyatanaṁ …pe…
kv14.8:1.3phoṭṭhabbāyatananti?
kv14.8:1.4Na hevaṁ vattabbe …pe…
kv14.8:1.5diṭṭhigataṁ abyākatanti?
kv14.8:1.6Āmantā.
kv14.8:1.7Diṭṭhigatasampayutto phasso abyākatoti?
kv14.8:1.8Na hevaṁ vattabbe …pe…
kv14.8:1.9diṭṭhigataṁ abyākatanti?
kv14.8:1.10Āmantā.
kv14.8:1.11Diṭṭhigatasampayuttā vedanā …pe…
kv14.8:1.12saññā …pe…
kv14.8:1.13cetanā …pe…
kv14.8:1.14cittaṁ abyākatanti?
kv14.8:1.15Na hevaṁ vattabbe …pe….
kv14.8:1.16Diṭṭhigatasampayutto phasso akusaloti?
kv14.8:2.1Āmantā.
kv14.8:2.2Diṭṭhigataṁ akusalanti?
kv14.8:2.3Na hevaṁ vattabbe …pe…
kv14.8:2.4diṭṭhigatasampayuttā vedanā saññā cetanā cittaṁ akusalanti?
kv14.8:2.5Āmantā.
kv14.8:2.6Diṭṭhigataṁ akusalanti?
kv14.8:2.7Na hevaṁ vattabbe …pe….
kv14.8:2.8Diṭṭhigataṁ abyākatanti?
kv14.8:3.1Āmantā.
kv14.8:3.2Aphalaṁ avipākanti?
kv14.8:3.3Na hevaṁ vattabbe …pe…
kv14.8:3.4nanu saphalaṁ savipākanti?
kv14.8:3.5Āmantā.
kv14.8:3.6Hañci saphalaṁ savipākaṁ, no ca vata re vattabbe—
kv14.8:3.7“diṭṭhigataṁ abyākatan”ti.
kv14.8:3.8Diṭṭhigataṁ abyākatanti?
kv14.8:4.1Āmantā.
kv14.8:4.2Nanu micchādiṭṭhiparamāni vajjāni vuttāni bhagavatāti?
kv14.8:4.3Āmantā.
kv14.8:4.4Hañci micchādiṭṭhiparamāni vajjāni vuttāni bhagavatā, no ca vata re vattabbe—
kv14.8:4.5“diṭṭhigataṁ abyākatan”ti.
kv14.8:4.6Diṭṭhigataṁ abyākatanti?
kv14.8:5.1Āmantā.
kv14.8:5.2Nanu vuttaṁ bhagavatā—
kv14.8:5.3“micchādiṭṭhi kho, vaccha, akusalā, sammādiṭṭhi kusalā”ti.
kv14.8:5.4Attheva suttantoti?
kv14.8:5.5Āmantā.
kv14.8:5.6Tena hi na vattabbaṁ—
kv14.8:5.7“diṭṭhigataṁ abyākatan”ti.
kv14.8:5.8Diṭṭhigataṁ abyākatanti?
kv14.8:6.1Āmantā.
kv14.8:6.2Nanu vuttaṁ bhagavatā—
kv14.8:6.3“micchādiṭṭhissa kho ahaṁ, puṇṇa, dvinnaṁ gatīnaṁ aññataraṁ gatiṁ vadāmi—
kv14.8:6.4nirayaṁ vā tiracchānayoniṁ vā”ti.
kv14.8:6.5Attheva suttantoti?
kv14.8:6.6Āmantā.
kv14.8:6.7Tena hi na vattabbaṁ—
kv14.8:6.8“diṭṭhigataṁ abyākatan”ti.
kv14.8:6.9Na vattabbaṁ—
kv14.8:7.1“diṭṭhigataṁ abyākatan”ti?
kv14.8:7.2Āmantā.
kv14.8:7.3Nanu vuttaṁ bhagavatā—
kv14.8:7.4“‘sassato loko’ti kho, vaccha, abyākatametaṁ,
kv14.8:7.5‘asassato loko’ti kho, vaccha, abyākatametaṁ,
kv14.8:7.6‘antavā loko’ti kho, vaccha, abyākatametaṁ,
kv14.8:7.7‘anantavā loko’ti kho, vaccha …pe…
kv14.8:7.8‘taṁ jīvaṁ taṁ sarīran’ti kho, vaccha …pe…
kv14.8:7.9‘aññaṁ jīvaṁ aññaṁ sarīran’ti kho, vaccha …pe…
kv14.8:7.10‘hoti tathāgato paraṁ maraṇā’ti kho, vaccha …pe…
kv14.8:7.11‘na hoti tathāgato paraṁ maraṇā’ti kho, vaccha …pe…
kv14.8:7.12‘hoti ca na ca hoti tathāgato paraṁ maraṇā’ti kho, vaccha …pe…
kv14.8:7.13‘neva hoti na na hoti tathāgato paraṁ maraṇā’ti kho, vaccha, abyākatametan”ti.
kv14.8:7.14Attheva suttantoti?
kv14.8:7.15Āmantā.
kv14.8:7.16Tena hi diṭṭhigataṁ abyākatanti.
kv14.8:7.17Diṭṭhigataṁ abyākatanti?
kv14.8:8.1Āmantā.
kv14.8:8.2Nanu vuttaṁ bhagavatā—
kv14.8:8.3“micchādiṭṭhikassa, bhikkhave, purisapuggalassa yañceva kāyakammaṁ yathādiṭṭhisamattaṁ samādinnaṁ, yañca vacīkammaṁ …pe… yañca manokammaṁ, yā ca cetanā, yā ca patthanā, yo ca paṇidhi, ye ca saṅkhārā, sabbe te dhammā aniṭṭhāya akantāya amanāpāya ahitāya dukkhāya saṁvattantī”ti.
kv14.8:8.4Attheva suttantoti?
kv14.8:8.5Āmantā.
kv14.8:8.6Tena hi na vattabbaṁ—
kv14.8:8.7“diṭṭhigataṁ abyākatan”ti.
kv14.8:8.8Abyākatakathā niṭṭhitā.
kv14.8:8.9