完整巴利原文 · 稳定分页 当前仅加载第 216 阅读页；保留 Bilara 原生段落标识，每页最多 120 段。
Kathāvatthu
kv15.10:0.1Mahāpaṇṇāsaka
kv15.10:0.2Pannarasamavagga
kv15.10:0.3Asaññasattupikakathā
kv15.10:0.4Saññāvedayitanirodhasamāpatti asaññasattupikāti?
kv15.10:1.1Āmantā.
kv15.10:1.2Atthi saññāvedayitanirodhaṁ samāpannassa alobho kusalamūlaṁ, adoso kusalamūlaṁ, amoho kusalamūlaṁ, saddhā vīriyaṁ sati samādhi paññāti?
kv15.10:1.3Na hevaṁ vattabbe …pe…
kv15.10:1.4natthi saññāvedayitanirodhaṁ samāpannassa alobho kusalamūlaṁ, adoso kusalamūlaṁ …pe… paññāti?
kv15.10:1.5Āmantā.
kv15.10:1.6Hañci natthi saññāvedayitanirodhaṁ samāpannassa alobho kusalamūlaṁ, adoso kusalamūlaṁ, amoho kusalamūlaṁ, saddhā vīriyaṁ sati samādhi paññā, no ca vata re vattabbe—
kv15.10:1.7“saññāvedayitanirodhasamāpatti asaññasattupikā”ti.
kv15.10:1.8Saññāvedayitanirodhasamāpatti asaññasattupikāti?
kv15.10:2.1Āmantā.
kv15.10:2.2Atthi saññāvedayitanirodhaṁ samāpannassa phasso vedanā saññā cetanā cittanti?
kv15.10:2.3Na hevaṁ vattabbe …pe…
kv15.10:2.4natthi saññāvedayitanirodhaṁ samāpannassa phasso vedanā saññā cetanā cittanti?
kv15.10:2.5Āmantā.
kv15.10:2.6Aphassakassa maggabhāvanā …pe… acittakassa maggabhāvanāti?
kv15.10:2.7Na hevaṁ vattabbe …pe…
kv15.10:2.8nanu saphassakassa maggabhāvanā …pe… sacittakassa maggabhāvanāti?
kv15.10:2.9Āmantā.
kv15.10:2.10Hañci saphassakassa maggabhāvanā …pe…
kv15.10:2.11sacittakassa maggabhāvanā, no ca vata re vattabbe—
kv15.10:2.12“saññāvedayitanirodhasamāpatti asaññasattupikā”ti.
kv15.10:2.13Saññāvedayitanirodhasamāpatti asaññasattupikāti?
kv15.10:3.1Āmantā.
kv15.10:3.2Ye keci saññāvedayitanirodhaṁ samāpajjanti, sabbe te asaññasattupikāti?
kv15.10:3.3Na hevaṁ vattabbe …pe….
kv15.10:3.4Na vattabbaṁ—
kv15.10:4.1“saññāvedayitanirodhasamāpatti asaññasattupikā”ti?
kv15.10:4.2Āmantā.
kv15.10:4.3Nanu idhāpi asaññī tatrāpi asaññīti?
kv15.10:4.4Āmantā.
kv15.10:4.5Hañci idhāpi asaññī tatrāpi asaññī, tena vata re vattabbe—
kv15.10:4.6“saññāvedayitanirodhasamāpatti asaññasattupikā”ti.
kv15.10:4.7Asaññasattupikakathā niṭṭhitā.
kv15.10:4.8