完整巴利原文 · 稳定分页 当前仅加载第 220 阅读页；保留 Bilara 原生段落标识，每页最多 120 段。
Kathāvatthu
kv16.3:0.1Mahāpaṇṇāsaka
kv16.3:0.2Soḷasamavagga
kv16.3:0.3Sukhānuppadānakathā
kv16.3:0.4Paro parassa sukhaṁ anuppadetīti?
kv16.3:1.1Āmantā.
kv16.3:1.2Paro parassa dukkhaṁ anuppadetīti?
kv16.3:1.3Na hevaṁ vattabbe …pe…
kv16.3:1.4paro parassa dukkhaṁ na anuppadetīti?
kv16.3:1.5Āmantā.
kv16.3:1.6Paro parassa sukhaṁ na anuppadetīti?
kv16.3:1.7Na hevaṁ vattabbe …pe…
kv16.3:1.8paro parassa sukhaṁ anuppadetīti?
kv16.3:1.9Āmantā.
kv16.3:1.10Paro parassa attano sukhaṁ anuppadeti, aññesaṁ sukhaṁ anuppadeti, tassa sukhaṁ anuppadetīti?
kv16.3:1.11Na hevaṁ vattabbe …pe…
kv16.3:1.12paro parassa nevattano, na aññesaṁ, na tassa sukhaṁ anuppadetīti?
kv16.3:1.13Āmantā.
kv16.3:1.14Hañci paro parassa nevattano, na aññesaṁ, na tassa sukhaṁ anuppadeti, no ca vata re vattabbe—
kv16.3:1.15“paro parassa sukhaṁ anuppadetī”ti.
kv16.3:1.16Paro parassa sukhaṁ anuppadetīti?
kv16.3:2.1Āmantā.
kv16.3:2.2Añño aññassa kārako, paraṅkataṁ sukhaṁ dukkhaṁ añño karoti añño paṭisaṁvedetīti?
kv16.3:2.3Na hevaṁ vattabbe …pe….
kv16.3:2.4Na vattabbaṁ—
kv16.3:3.1“paro parassa sukhaṁ anuppadetī”ti?
kv16.3:3.2Āmantā.
kv16.3:3.3Nanu āyasmā udāyī etadavoca—
kv16.3:3.4“bahūnaṁ vata no bhagavā dukkhadhammānaṁ apahattā, bahūnaṁ vata no bhagavā sukhadhammānaṁ upahattā, bahūnaṁ vata no bhagavā akusalānaṁ dhammānaṁ apahattā, bahūnaṁ vata no bhagavā kusalānaṁ dhammānaṁ upahattā”ti.
kv16.3:3.5Attheva suttantoti?
kv16.3:3.6Āmantā.
kv16.3:3.7Tena hi paro parassa sukhaṁ anuppadetīti.
kv16.3:3.8Sukhānuppadānakathā niṭṭhitā.
kv16.3:3.9