完整巴利原文 · 稳定分页 当前仅加载第 235 阅读页；保留 Bilara 原生段落标识，每页最多 120 段。
Kathāvatthu
kv17.8:0.1Mahāpaṇṇāsaka
kv17.8:0.2Sattarasamavagga
kv17.8:0.3Navattabbaṁsaṅghobhuñjatītikathā
kv17.8:0.4Na vattabbaṁ—
kv17.8:1.1“saṅgho bhuñjati pivati khādati sāyatī”ti?
kv17.8:1.2Āmantā.
kv17.8:1.3Nanu atthi keci saṅghabhattāni karonti, uddesabhattāni karonti, yāgupānāni karontīti?
kv17.8:1.4Āmantā.
kv17.8:1.5Hañci atthi keci saṅghabhattāni karonti, uddesabhattāni karonti, yāgupānāni karonti, tena vata re vattabbe—
kv17.8:1.6“saṅgho bhuñjati pivati khādati sāyatī”ti.
kv17.8:1.7Na vattabbaṁ—
kv17.8:2.1“saṅgho bhuñjati pivati khādati sāyatī”ti?
kv17.8:2.2Āmantā.
kv17.8:2.3Nanu vuttaṁ bhagavatā—
kv17.8:2.4“gaṇabhojanaṁ paramparabhojanaṁ atirittabhojanaṁ anatirittabhojanan”ti?
kv17.8:2.5Āmantā.
kv17.8:2.6Hañci vuttaṁ bhagavatā—
kv17.8:2.7“gaṇabhojanaṁ paramparabhojanaṁ atirittabhojanaṁ anatirittabhojanaṁ”, tena vata re vattabbe—
kv17.8:2.8“saṅgho bhuñjati pivati khādati sāyatī”ti.
kv17.8:2.9Na vattabbaṁ—
kv17.8:3.1“saṅgho bhuñjati pivati khādati sāyatī”ti?
kv17.8:3.2Āmantā.
kv17.8:3.3Nanu aṭṭha pānāni vuttāni bhagavatā—
kv17.8:3.4ambapānaṁ, jambupānaṁ, cocapānaṁ, mocapānaṁ, madhukapānaṁ, muddikapānaṁ, sālukapānaṁ, phārusakapānanti?
kv17.8:3.5Āmantā.
kv17.8:3.6Hañci aṭṭha pānāni vuttāni bhagavatā—
kv17.8:3.7ambapānaṁ, jambupānaṁ, cocapānaṁ, mocapānaṁ, madhukapānaṁ, muddikapānaṁ, sālukapānaṁ, phārusakapānaṁ, tena vata re vattabbe—
kv17.8:3.8“saṅgho bhuñjati pivati khādati sāyatī”ti.
kv17.8:3.9Saṅgho bhuñjati pivati khādati sāyatīti?
kv17.8:4.1Āmantā.
kv17.8:4.2Maggo bhuñjati pivati khādati sāyati, phalaṁ bhuñjati pivati khādati sāyatīti?
kv17.8:4.3Na hevaṁ vattabbe …pe….
kv17.8:4.4Na vattabbaṁ saṅgho bhuñjatītikathā niṭṭhitā.
kv17.8:4.5