完整巴利原文 · 稳定分页 当前仅加载第 260 阅读页；保留 Bilara 原生段落标识，每页最多 120 段。
Kathāvatthu
kv20.5:0.1Mahāpaṇṇāsaka
kv20.5:0.2Vīsatimavagga
kv20.5:0.3Maggakathā
kv20.5:0.4Pañcaṅgiko maggoti?
kv20.5:1.1Āmantā.
kv20.5:1.2Nanu aṭṭhaṅgiko maggo vutto bhagavatā, seyyathidaṁ—
kv20.5:1.3sammādiṭṭhi …pe… sammāsamādhīti?
kv20.5:1.4Āmantā.
kv20.5:1.5Hañci aṭṭhaṅgiko maggo vutto bhagavatā, seyyathidaṁ—
kv20.5:1.6sammādiṭṭhi …pe… sammāsamādhi, no ca vata re vattabbe—
kv20.5:1.7“pañcaṅgiko maggo”ti.
kv20.5:1.8Pañcaṅgiko maggoti?
kv20.5:2.1Āmantā.
kv20.5:2.2Nanu vuttaṁ bhagavatā—
kv20.5:2.3“Maggānaṁ aṭṭhaṅgiko seṭṭho,
kv20.5:3.1Saccānaṁ caturo padā;
kv20.5:3.2Virāgo seṭṭho dhammānaṁ,
kv20.5:3.3Dvipadānañca cakkhumā”ti.
kv20.5:3.4Attheva suttantoti?
kv20.5:4.1Āmantā.
kv20.5:4.2Tena hi aṭṭhaṅgiko maggoti.
kv20.5:4.3Sammāvācā maggaṅgaṁ, sā ca na maggoti?
kv20.5:5.1Āmantā.
kv20.5:5.2Sammādiṭṭhi maggaṅgaṁ, sā ca na maggoti?
kv20.5:5.3Na hevaṁ vattabbe …pe…
kv20.5:5.4sammāvācā maggaṅgaṁ, sā ca na maggoti?
kv20.5:5.5Āmantā.
kv20.5:5.6Sammāsaṅkappo …pe…
kv20.5:5.7sammāvāyāmo …pe…
kv20.5:5.8sammāsati …pe…
kv20.5:5.9sammāsamādhi maggaṅgaṁ, so ca na maggoti?
kv20.5:5.10Na hevaṁ vattabbe …pe….
kv20.5:5.11Sammākammanto …pe…
kv20.5:6.1sammāājīvo maggaṅgaṁ, so ca na maggoti?
kv20.5:6.2Āmantā.
kv20.5:6.3sammādiṭṭhi …pe… sammāsamādhi maggaṅgaṁ, so ca na maggoti?
kv20.5:6.4Na hevaṁ vattabbe …pe….
kv20.5:6.5Sammādiṭṭhi maggaṅgaṁ, sā ca maggoti?
kv20.5:7.1Āmantā.
kv20.5:7.2Sammāvācā maggaṅgaṁ, sā ca maggoti?
kv20.5:7.3Na hevaṁ vattabbe …pe…
kv20.5:7.4sammādiṭṭhi maggaṅgaṁ, sā ca maggoti?
kv20.5:7.5Āmantā.
kv20.5:7.6Sammākammanto …pe…
kv20.5:7.7sammāājīvo maggaṅgaṁ, so ca maggoti?
kv20.5:7.8Na hevaṁ vattabbe …pe….
kv20.5:7.9Sammāsaṅkappo …pe…
kv20.5:8.1sammāvāyāmo …pe…
kv20.5:8.2sammāsati …pe…
kv20.5:8.3sammāsamādhi maggaṅgaṁ, so ca maggoti?
kv20.5:8.4Āmantā.
kv20.5:8.5Sammāvācā …pe…
kv20.5:8.6sammākammanto …pe…
kv20.5:8.7sammāājīvo maggaṅgaṁ, so ca maggoti?
kv20.5:8.8Na hevaṁ vattabbe …pe….
kv20.5:8.9Ariyo aṭṭhaṅgiko maggoti?
kv20.5:9.1Āmantā.
kv20.5:9.2Nanu vuttaṁ bhagavatā—
kv20.5:9.3“pubbeva kho panassa kāyakammaṁ vacīkammaṁ ājīvo suparisuddho hoti;
kv20.5:9.4evamassāyaṁ ariyo aṭṭhaṅgiko maggo bhāvanāpāripūriṁ gacchatī”ti.
kv20.5:9.5Attheva suttantoti?
kv20.5:9.6Āmantā.
kv20.5:9.7Tena hi pañcaṅgiko maggoti.
kv20.5:9.8Pañcaṅgiko maggoti?
kv20.5:10.1Āmantā.
kv20.5:10.2Nanu vuttaṁ bhagavatā—
kv20.5:10.3“yasmiṁ kho, subhadda, dhammavinaye ariyo aṭṭhaṅgiko maggo na upalabbhati, samaṇopi tattha na upalabbhati, dutiyopi tattha samaṇo na upalabbhati, tatiyopi tattha samaṇo na upalabbhati, catutthopi tattha samaṇo na upalabbhati.
kv20.5:10.4Yasmiñca kho, subhadda, dhammavinaye ariyo aṭṭhaṅgiko maggo upalabbhati, samaṇopi tattha upalabbhati, dutiyopi …pe… tatiyopi …pe… catutthopi tattha samaṇo upalabbhati.
kv20.5:10.5Imasmiṁ kho, subhadda, dhammavinaye ariyo aṭṭhaṅgiko maggo upalabbhati. Idheva, subhadda, samaṇo, idha dutiyo samaṇo, idha tatiyo samaṇo, idha catuttho samaṇo. Suññā parappavādā samaṇebhi aññehī”ti.
kv20.5:10.6Attheva suttantoti?
kv20.5:10.7Āmantā.
kv20.5:10.8Tena hi aṭṭhaṅgiko maggoti.
kv20.5:10.9Maggakathā niṭṭhitā.
kv20.5:10.10