完整巴利原文 · 稳定分页 当前仅加载第 280 阅读页；保留 Bilara 原生段落标识，每页最多 120 段。
Kathāvatthu
kv23.3:0.1Mahāpaṇṇāsaka
kv23.3:0.2Tevīsatimavagga
kv23.3:0.3Issariyakāmakārikādikathā
kv23.3:0.4Bodhisatto issariyakāmakārikāhetu vinipātaṁ gacchatīti?
kv23.3:1.1Āmantā.
kv23.3:1.2Bodhisatto issariyakāmakārikāhetu nirayaṁ gacchati,
kv23.3:1.3sañjīvaṁ gacchati,
kv23.3:1.4kālasuttaṁ gacchati,
kv23.3:1.5tāpanaṁ gacchati,
kv23.3:1.6mahātāpanaṁ gacchati,
kv23.3:1.7saṅghātakaṁ gacchati,
kv23.3:1.8roruvaṁ gacchati …pe…
kv23.3:1.9avīciṁ gacchatīti?
kv23.3:1.10Na hevaṁ vattabbe …pe….
kv23.3:1.11Bodhisatto issariyakāmakārikāhetu vinipātaṁ gacchatīti?
kv23.3:2.1Āmantā.
kv23.3:2.2“Bodhisatto issariyakāmakārikāhetu vinipātaṁ gacchatī”ti—
kv23.3:2.3attheva suttantoti?
kv23.3:2.4Natthi.
kv23.3:2.5Hañci “bodhisatto issariyakāmakārikāhetu vinipātaṁ gacchatī”ti—
kv23.3:2.6nattheva suttanto, no ca vata re vattabbe—
kv23.3:2.7“bodhisatto issariyakāmakārikāhetu vinipātaṁ gacchatī”ti.
kv23.3:2.8Bodhisatto issariyakāmakārikāhetu gabbhaseyyaṁ okkamatīti?
kv23.3:3.1Āmantā.
kv23.3:3.2Bodhisatto issariyakāmakārikāhetu nirayaṁ upapajjeyya, tiracchānayoniṁ upapajjeyyāti?
kv23.3:3.3Na hevaṁ vattabbe …pe….
kv23.3:3.4Bodhisatto issariyakāmakārikāhetu gabbhaseyyaṁ okkamatīti?
kv23.3:4.1Āmantā.
kv23.3:4.2Bodhisatto iddhimāti?
kv23.3:4.3Na hevaṁ vattabbe …pe…
kv23.3:4.4bodhisatto iddhimāti?
kv23.3:4.5Āmantā.
kv23.3:4.6Bodhisattena chandiddhipādo bhāvito …pe…
kv23.3:4.7vīriyiddhipādo …pe…
kv23.3:4.8cittiddhipādo …pe…
kv23.3:4.9vīmaṁsiddhipādo bhāvitoti?
kv23.3:4.10Na hevaṁ vattabbe …pe….
kv23.3:4.11Bodhisatto issariyakāmakārikāhetu gabbhaseyyaṁ okkamatīti?
kv23.3:5.1Āmantā.
kv23.3:5.2“Bodhisatto issariyakāmakārikāhetu gabbhaseyyaṁ okkamatī”ti—
kv23.3:5.3attheva suttantoti?
kv23.3:5.4Natthi.
kv23.3:5.5Hañci “bodhisatto issariyakāmakārikāhetu gabbhaseyyaṁ okkamatī”ti—
kv23.3:5.6nattheva suttanto, no ca vata re vattabbe—
kv23.3:5.7“bodhisatto issariyakāmakārikāhetu gabbhaseyyaṁ okkamatī”ti.
kv23.3:5.8Bodhisatto issariyakāmakārikāhetu dukkarakārikaṁ akāsīti?
kv23.3:6.1Āmantā.
kv23.3:6.2Bodhisatto issariyakāmakārikāhetu “sassato loko”ti paccāgacchi,
kv23.3:6.3“asassato loko”ti …pe…
kv23.3:6.4“antavā loko”ti …pe…
kv23.3:6.5“anantavā loko”ti …
kv23.3:6.6“taṁ jīvaṁ taṁ sarīran”ti …
kv23.3:6.7“aññaṁ jīvaṁ aññaṁ sarīran”ti …
kv23.3:6.8“hoti tathāgato paraṁ maraṇā”ti …
kv23.3:6.9“na hoti tathāgato paraṁ maraṇā”ti …
kv23.3:6.10“hoti ca na ca hoti tathāgato paraṁ maraṇā”ti …pe…
kv23.3:6.11“neva hoti na na hoti tathāgato paraṁ maraṇā”ti paccāgacchīti?
kv23.3:6.12Na hevaṁ vattabbe …pe….
kv23.3:6.13Bodhisatto issariyakāmakārikāhetu dukkarakārikaṁ akāsīti?
kv23.3:7.1Āmantā.
kv23.3:7.2“Bodhisatto issariyakāmakārikāhetu dukkarakārikaṁ akāsī”ti—
kv23.3:7.3attheva suttantoti?
kv23.3:7.4Natthi.
kv23.3:7.5Hañci “bodhisatto issariyakāmakārikāhetu dukkarakārikaṁ akāsī”ti—
kv23.3:7.6nattheva suttanto, no ca vata re vattabbe—
kv23.3:7.7“bodhisatto issariyakāmakārikāhetu dukkarakārikaṁ akāsī”ti.
kv23.3:7.8Bodhisatto issariyakāmakārikāhetu aparantapaṁ akāsi, aññaṁ satthāraṁ uddisīti?
kv23.3:8.1Āmantā.
kv23.3:8.2Bodhisatto issariyakāmakārikāhetu “sassato loko”ti paccāgacchi …pe…
kv23.3:8.3“neva hoti na na hoti tathāgato paraṁ maraṇā”ti paccāgacchīti?
kv23.3:8.4Na hevaṁ vattabbe …pe….
kv23.3:8.5Bodhisatto issariyakāmakārikāhetu aññaṁ satthāraṁ uddisīti?
kv23.3:9.1Āmantā.
kv23.3:9.2“Bodhisatto issariyakāmakārikāhetu aññaṁ satthāraṁ uddisī”ti—
kv23.3:9.3attheva suttantoti?
kv23.3:9.4Natthi.
kv23.3:9.5Hañci “bodhisatto issariyakāmakārikāhetu aññaṁ satthāraṁ uddisī”ti—
kv23.3:9.6nattheva suttanto, no ca vata re vattabbe—
kv23.3:9.7“bodhisatto issariyakāmakārikāhetu aññaṁ satthāraṁ uddisī”ti.
kv23.3:9.8Issariyakāmakārikākathā niṭṭhitā.
kv23.3:9.9