完整巴利原文 · 稳定分页 当前仅加载第 282 阅读页；保留 Bilara 原生段落标识，每页最多 120 段。
Kathāvatthu
kv23.5:0.1Mahāpaṇṇāsaka
kv23.5:0.2Tevīsatimavagga
kv23.5:0.3Aparinipphannakathā
kv23.5:0.4Rūpaṁ aparinipphannanti?
kv23.5:1.1Āmantā.
kv23.5:1.2Rūpaṁ na aniccaṁ na saṅkhataṁ na paṭiccasamuppannaṁ na khayadhammaṁ na vayadhammaṁ na virāgadhammaṁ na nirodhadhammaṁ na vipariṇāmadhammanti?
kv23.5:1.3Na hevaṁ vattabbe …pe…
kv23.5:1.4nanu rūpaṁ aniccaṁ saṅkhataṁ paṭiccasamuppannaṁ khayadhammaṁ vayadhammaṁ virāgadhammaṁ nirodhadhammaṁ vipariṇāmadhammanti?
kv23.5:1.5Āmantā.
kv23.5:1.6Hañci rūpaṁ aniccaṁ saṅkhataṁ …pe…
kv23.5:1.7vipariṇāmadhammaṁ, no ca vata re vattabbe—
kv23.5:1.8“rūpaṁ aparinipphannan”ti.
kv23.5:1.9Dukkhaññeva parinipphannanti?
kv23.5:2.1Āmantā.
kv23.5:2.2Nanu yadaniccaṁ taṁ dukkhaṁ vuttaṁ bhagavatā—
kv23.5:2.3“rūpaṁ aniccan”ti?
kv23.5:2.4Āmantā.
kv23.5:2.5Hañci yadaniccaṁ taṁ dukkhaṁ vuttaṁ bhagavatā—
kv23.5:2.6“rūpaṁ aniccaṁ”, no ca vata re vattabbe—
kv23.5:2.7“dukkhaññeva parinipphannan”ti …pe….
kv23.5:2.8Vedanā …pe…
kv23.5:3.1saññā …
kv23.5:3.2saṅkhārā …
kv23.5:3.3viññāṇaṁ …
kv23.5:3.4cakkhāyatanaṁ …pe…
kv23.5:3.5dhammāyatanaṁ …
kv23.5:3.6cakkhudhātu …
kv23.5:3.7dhammadhātu …
kv23.5:3.8cakkhundriyaṁ …pe…
kv23.5:3.9aññātāvindriyaṁ aparinipphannanti?
kv23.5:3.10Āmantā.
kv23.5:3.11Aññātāvindriyaṁ na aniccaṁ …pe…
kv23.5:3.12na vipariṇāmadhammanti?
kv23.5:3.13Na hevaṁ vattabbe …pe…
kv23.5:3.14nanu aññātāvindriyaṁ aniccaṁ saṅkhataṁ …pe… vipariṇāmadhammanti?
kv23.5:3.15Āmantā.
kv23.5:3.16Hañci aññātāvindriyaṁ aniccaṁ saṅkhataṁ paṭiccasamuppannaṁ khayadhammaṁ vayadhammaṁ virāgadhammaṁ nirodhadhammaṁ vipariṇāmadhammaṁ, no ca vata re vattabbe—
kv23.5:3.17“aññātāvindriyaṁ aparinipphannan”ti.
kv23.5:3.18Dukkhaññeva parinipphannanti?
kv23.5:4.1Āmantā.
kv23.5:4.2Nanu yadaniccaṁ taṁ dukkhaṁ vuttaṁ bhagavatā—
kv23.5:4.3“aññātāvindriyaṁ aniccan”ti?
kv23.5:4.4Āmantā.
kv23.5:4.5Hañci yadaniccaṁ taṁ dukkhaṁ vuttaṁ bhagavatā—
kv23.5:4.6“aññātāvindriyaṁ aniccaṁ”, no ca vata re vattabbe—
kv23.5:4.7“dukkhaññeva parinipphannan”ti.
kv23.5:4.8Aparinipphannakathā niṭṭhitā.
kv23.5:4.9Tevīsatimo vaggo.
kv23.5:4.10Tassuddānaṁ
kv23.5:4.11Ekādhippāyena methuno dhammo paṭisevitabbo, arahantānaṁ vaṇṇena amanussā methunaṁ dhammaṁ paṭisevanti, bodhisatto issariyakāmakārikāhetu vinipātaṁ gacchati, gabbhaseyyaṁ okkamati, dukkarakārikaṁ akāsi, aparantapaṁ akāsi, aññaṁ satthāraṁ uddisi, atthi na rāgo rāgapatirūpako, atthi na doso dosapatirūpako, atthi na moho mohapatirūpako atthi na kileso kilesapatirūpako, rūpaṁ aparinipphannaṁ aññātāvindriyaṁ aparinipphannanti.
kv23.5:5.1Khuddako aḍḍhapaṇṇāsako.
kv23.5:5.2Tassuddānaṁ
kv23.5:5.3Navaṁ, nibbuti, ekādhippāyoti.
kv23.5:6.1Paṇṇāsakuddānaṁ
kv23.5:6.2Mahāniyāmo anusayā,
kv23.5:7.1niggaho khuddakapañcamo;
kv23.5:7.2Parappavādamaddanā,
kv23.5:7.3suttamūlasamāhitā;
kv23.5:7.4Ujjotanā satthusamaye,
kv23.5:7.5kathāvatthupakaraṇeti.
kv23.5:7.6Pañcattiṁsabhāṇavāraṁ
kv23.5:7.7kathāvatthupakaraṇaṁ niṭṭhitaṁ.
kv23.5:7.8