上座部大分别（巴利原文）

Theravāda Vinaya

Mahāvibhaṅga

Sekhiyakaṇḍa

Parimaṇḍalavagga

8. Dutiyaokkhittacakkhusikkhāpada

Tena samayena buddho bhagavā sāvatthiyaṁ viharati jetavane anāthapiṇḍikassa ārāme.

Tena kho pana samayena chabbaggiyā bhikkhū tahaṁ tahaṁ olokentā antaraghare nisīdanti …pe….

“Okkhittacakkhu antaraghare nisīdissāmīti sikkhā karaṇīyā”ti.

Okkhittacakkhunā antaraghare nisīditabbaṁ yugamattaṁ pekkhantena.

Yo anādariyaṁ paṭicca tahaṁ tahaṁ olokento antaraghare nisīdati, āpatti dukkaṭassa.

Anāpatti—

asañcicca,

assatiyā,

ajānantassa,

gilānassa,

āpadāsu,

ummattakassa,

ādikammikassāti.

Aṭṭhamasikkhāpadaṁ niṭṭhitaṁ.