上座部《发趣论》（巴利原文）

Maggādhipati dhammo maggārammaṇassa dhammassa adhipatipaccayena paccayo— ārammaṇādhipati, sahajātādhipati. <b>Ārammaṇādhipati</b>—ariyā maggā vuṭṭhahitvā maggaṁ garuṁ katvā paccavekkhanti. <b>Sahajātādhipati</b>—maggādhipati adhipati sampayuttakānaṁ maggārammaṇānaṁ khandhānaṁ adhipatipaccayena paccayo.

Maggādhipati dhammo maggahetukassa dhammassa adhipatipaccayena paccayo. <b>Sahajātādhipati</b>—maggādhipati adhipati sampayuttakānaṁ maggahetukānaṁ khandhānaṁ adhipatipaccayena paccayo.

Maggādhipati dhammo maggārammaṇassa ca maggādhipatissa ca adhipatipaccayena paccayo—ārammaṇādhipati, sahajātādhipati. <b>Ārammaṇādhipati</b>—ariyā maggā vuṭṭhahitvā maggaṁ garuṁ katvā paccavekkhanti. <b>Sahajātādhipati</b>—maggādhipati adhipati sampayuttakānaṁ maggārammaṇānañca maggādhipatīnañca khandhānaṁ adhipatipaccayena paccayo.

Maggādhipati dhammo maggahetukassa ca maggādhipatissa ca dhammassa adhipatipaccayena paccayo. <b>Sahajātādhipati</b>—maggādhipati adhipati sampayuttakānaṁ maggāhetukānañca maggādhipatīnañca khandhānaṁ adhipatipaccayena paccayo.

Maggārammaṇo ca maggādhipati ca dhammā maggārammaṇassa dhammassa adhipatipaccayena paccayo. <b>Sahajātādhipati</b>—maggārammaṇā ca maggādhipatī ca adhipati sampayuttakānaṁ maggārammaṇānaṁ khandhānaṁ adhipatipaccayena paccayo.

Maggārammaṇo ca maggādhipati ca dhammā maggādhipatissa dhammassa adhipatipaccayena paccayo. <b>Sahajātādhipati</b>—maggārammaṇā ca maggādhipatī ca adhipati sampayuttakānaṁ maggādhipatīnaṁ khandhānaṁ adhipatipaccayena paccayo.

Maggārammaṇo ca maggādhipati ca dhammā maggārammaṇassa ca maggādhipatissa ca dhammassa adhipatipaccayena paccayo. <b>Sahajātādhipati</b>—maggārammaṇā ca maggādhipatī ca adhipati sampayuttakānaṁ maggārammaṇānañca maggādhipatīnañca khandhānaṁ adhipatipaccayena paccayo.

Maggahetuko ca maggādhipati ca dhammā maggārammaṇassa dhammassa adhipatipaccayena paccayo. <b>Ārammaṇādhipati</b>—ariyā maggā vuṭṭhahitvā maggaṁ garuṁ katvā paccavekkhanti.

Maggahetuko ca maggādhipati ca dhammā maggahetukassa dhammassa adhipatipaccayena paccayo. <b>Sahajātādhipati</b>—maggahetukā ca maggādhipatī ca adhipati sampayuttakānaṁ maggahetukānaṁ khandhānaṁ adhipatipaccayena paccayo.

Maggahetuko ca maggādhipati ca dhammā maggādhipatissa dhammassa adhipatipaccayena paccayo—ārammaṇādhipati, sahajātādhipati. <b>Ārammaṇādhipati</b>—ariyā maggā vuṭṭhahitvā maggaṁ garuṁ katvā paccavekkhanti. <b>Sahajātādhipati</b>—maggahetukā ca maggādhipatī ca adhipati sampayuttakānaṁ maggādhipatīnaṁ khandhānaṁ adhipatipaccayena paccayo.

Maggahetuko ca maggādhipati ca dhammā maggārammaṇassa ca maggādhipatissa ca dhammassa adhipatipaccayena paccayo. <b>Ārammaṇādhipati</b>—ariyā maggā vuṭṭhahitvā maggaṁ garuṁ katvā paccavekkhanti.

Maggahetuko ca maggādhipati ca dhammā maggahetukassa ca maggādhipatissa ca dhammassa adhipatipaccayena paccayo. <b>Sahajātādhipati</b>—maggahetukā ca maggādhipatī ca adhipati sampayuttakānaṁ maggahetukānañca maggādhipatīnañca khandhānaṁ adhipatipaccayena paccayo.

Anantara

Maggārammaṇo dhammo maggārammaṇassa dhammassa anantarapaccayena paccayo— purimā purimā maggārammaṇā khandhā pacchimānaṁ pacchimānaṁ maggārammaṇānaṁ khandhānaṁ anantarapaccayena paccayo. Āvajjanā maggārammaṇānaṁ khandhānaṁ anantarapaccayena paccayo.

Maggārammaṇo dhammo maggādhipatissa dhammassa anantarapaccayena paccayo— purimā purimā maggārammaṇā khandhā pacchimānaṁ pacchimānaṁ maggādhipatīnaṁ khandhānaṁ anantarapaccayena paccayo. Āvajjanā maggādhipatīnaṁ khandhānaṁ anantarapaccayena paccayo.

Maggārammaṇo dhammo maggārammaṇassa ca maggādhipatissa ca dhammassa anantarapaccayena paccayo—purimā purimā maggārammaṇā khandhā pacchimānaṁ pacchimānaṁ maggārammaṇānañca maggādhipatīnañca khandhānaṁ anantarapaccayena paccayo. Āvajjanā maggārammaṇānañca maggādhipatīnañca khandhānaṁ anantarapaccayena paccayo.

Maggādhipati dhammo maggādhipatissa dhammassa anantarapaccayena paccayo— purimā purimā maggādhipatī khandhā pacchimānaṁ pacchimānaṁ maggādhipatīnaṁ khandhānaṁ anantarapaccayena paccayo.

Maggādhipati dhammo maggārammaṇassa dhammassa anantarapaccayena paccayo— purimā purimā maggādhipatī khandhā pacchimānaṁ pacchimānaṁ maggārammaṇānaṁ khandhānaṁ anantarapaccayena paccayo.

Maggādhipati dhammo maggārammaṇassa ca maggādhipatissa ca dhammassa anantarapaccayena paccayo—purimā purimā maggādhipatī khandhā pacchimānaṁ pacchimānaṁ maggārammaṇānañca maggādhipatīnañca khandhānaṁ anantarapaccayena paccayo.

Maggārammaṇo ca maggādhipati ca dhammā maggārammaṇassa dhammassa anantarapaccayena paccayo—purimā purimā maggārammaṇā ca maggādhipatī ca khandhā pacchimānaṁ pacchimānaṁ maggārammaṇānaṁ khandhānaṁ anantarapaccayena paccayo.

Maggārammaṇo ca maggādhipati ca dhammā maggādhipatissa dhammassa anantarapaccayena paccayo—purimā purimā maggārammaṇā ca maggādhipatī ca khandhā pacchimānaṁ pacchimānaṁ maggādhipatīnaṁ khandhānaṁ anantarapaccayena paccayo.

Maggārammaṇo ca maggādhipati ca dhammā maggārammaṇassa ca maggādhipatissa ca dhammassa anantarapaccayena paccayo—purimā purimā maggārammaṇā ca maggādhipatī ca khandhā pacchimānaṁ pacchimānaṁ maggārammaṇānañca maggādhipatīnañca khandhānaṁ anantarapaccayena paccayo.

Samanantarādi

Maggārammaṇo dhammo maggārammaṇassa dhammassa samanantarapaccayena paccayo …pe… (anantarasadisaṁ) sahajātapaccayena paccayo … aññamaññapaccayena paccayo … nissayapaccayena paccayo …. (Tīsupi sattarasa pañhā kātabbā.)

Upanissaya

Maggārammaṇo dhammo maggārammaṇassa dhammassa upanissayapaccayena paccayo— anantarūpanissayo, pakatūpanissayo …pe…. <b>Pakatūpanissayo</b>—paccavekkhaṇā paccavekkhaṇāya upanissayapaccayena paccayo.

Maggārammaṇo dhammo maggādhipatissa dhammassa upanissayapaccayena paccayo— anantarūpanissayo, pakatūpanissayo …pe…. <b>Pakatūpanissayo</b>—paccavekkhaṇā paccavekkhaṇāya upanissayapaccayena paccayo.

Maggārammaṇo dhammo maggārammaṇassa ca maggādhipatissa ca dhammassa upanissayapaccayena paccayo—anantarūpanissayo, pakatūpanissayo …pe…. <b>Pakatūpanissayo</b>—paccavekkhaṇā paccavekkhaṇāya upanissayapaccayena paccayo.

Maggahetuko dhammo maggahetukassa dhammassa upanissayapaccayena paccayo. <b>Pakatūpanissayo</b>—paṭhamo maggo dutiyassa maggassa upanissayapaccayena paccayo …pe… tatiyo maggo catutthassa maggassa upanissayapaccayena paccayo.

Maggahetuko dhammo maggārammaṇassa dhammassa upanissayapaccayena paccayo. <b>Ārammaṇūpanissayo</b>—ariyā maggā vuṭṭhahitvā maggaṁ garuṁ katvā paccavekkhanti.

Maggahetuko dhammo maggādhipatissa dhammassa upanissayapaccayena paccayo— ārammaṇūpanissayo, pakatūpanissayo …pe…. <b>Pakatūpanissayo</b>—paṭhamo maggo dutiyassa maggassa …pe… tatiyo maggo catutthassa maggassa upanissayapaccayena paccayo.

Maggahetuko dhammo maggārammaṇassa ca maggādhipatissa ca dhammassa upanissayapaccayena paccayo. <b>Ārammaṇūpanissayo</b>—ariyā maggā vuṭṭhahitvā maggaṁ garuṁ katvā paccavekkhanti.

Maggahetuko dhammo maggahetukassa ca maggādhipatissa ca dhammassa upanissayapaccayena paccayo. <b>Pakatūpanissayo</b>—paṭhamo maggo dutiyassa maggassa …pe… tatiyo maggo catutthassa maggassa upanissayapaccayena paccayo.

Maggādhipati dhammo maggādhipatissa dhammassa upanissayapaccayena paccayo— ārammaṇūpanissayo, anantarūpanissayo, pakatūpanissayo …pe…. <b>Pakatūpanissayo</b>—paṭhamo maggo dutiyassa maggassa …pe… tatiyo maggo catutthassa maggassa upanissayapaccayena paccayo; paccavekkhaṇā paccavekkhaṇāya upanissayapaccayena paccayo.

Maggādhipati dhammo maggārammaṇassa dhammassa upanissayapaccayena paccayo— ārammaṇūpanissayo, anantarūpanissayo, pakatūpanissayo …pe…. <b>Pakatūpanissayo</b>—paccavekkhaṇā paccavekkhaṇāya upanissayapaccayena paccayo.

Maggādhipati dhammo maggahetukassa dhammassa upanissayapaccayena paccayo. <b>Pakatūpanissayo</b>—paṭhamo maggo dutiyassa maggassa …pe… tatiyo maggo catutthassa maggassa upanissayapaccayena paccayo.

Maggādhipati dhammo maggārammaṇassa ca maggādhipatissa ca dhammassa upanissayapaccayena paccayo—ārammaṇūpanissayo, anantarūpanissayo, pakatūpanissayo …pe…. <b>Pakatūpanissayo</b>—paccavekkhaṇā paccavekkhaṇāya upanissayapaccayena paccayo.

Maggādhipati dhammo maggahetukassa ca maggādhipatissa ca dhammassa upanissayapaccayena paccayo. <b>Pakatūpanissayo</b>—paṭhamo maggo dutiyassa maggassa …pe… tatiyo maggo catutthassa maggassa upanissayapaccayena paccayo.

Maggārammaṇo ca maggādhipati ca dhammā maggārammaṇassa dhammassa upanissayapaccayena paccayo—anantarūpanissayo, pakatūpanissayo …pe…. <b>Pakatūpanissayo</b>—paccavekkhaṇā paccavekkhaṇāya upanissayapaccayena paccayo.

Maggārammaṇo ca maggādhipati ca dhammā maggādhipatissa dhammassa upanissayapaccayena paccayo—anantarūpanissayo, pakatūpanissayo …pe…. <b>Pakatūpanissayo</b>—paccavekkhaṇā paccavekkhaṇāya upanissayapaccayena paccayo.

Maggārammaṇo ca maggādhipati ca dhammā maggārammaṇassa ca maggādhipatissa ca dhammassa upanissayapaccayena paccayo—anantarūpanissayo, pakatūpanissayo …pe…. <b>Pakatūpanissayo</b>—paccavekkhaṇā paccavekkhaṇāya upanissayapaccayena paccayo.

Maggahetuko ca maggādhipati ca dhammā maggārammaṇassa dhammassa upanissayapaccayena paccayo. <b>Ārammaṇūpanissayo</b>—ariyā maggā vuṭṭhahitvā maggaṁ garuṁ katvā paccavekkhanti.

Maggahetuko ca maggādhipati ca dhammā maggahetukassa dhammassa upanissayapaccayena paccayo. <b>Pakatūpanissayo</b>—paṭhamo maggo dutiyassa maggassa …pe… tatiyo maggo catutthassa maggassa upanissayapaccayena paccayo.

Maggahetuko ca maggādhipati ca dhammā maggādhipatissa dhammassa upanissayapaccayena paccayo—ārammaṇūpanissayo, pakatūpanissayo …pe…. <b>Pakatūpanissayo</b>—paṭhamo maggo dutiyassa maggassa …pe… tatiyo maggo catutthassa maggassa upanissayapaccayena paccayo.

Maggahetuko ca maggādhipati ca dhammā maggārammaṇassa ca maggādhipatissa ca dhammassa upanissayapaccayena paccayo. <b>Ārammaṇūpanissayo</b>—ariyā maggā vuṭṭhahitvā maggaṁ garuṁ katvā paccavekkhanti.

Maggahetuko ca maggādhipati ca dhammā maggahetukassa ca maggādhipatissa ca dhammassa upanissayapaccayena paccayo. <b>Pakatūpanissayo</b>—paṭhamo maggo dutiyassa maggassa …pe… tatiyo maggo catutthassa maggassa upanissayapaccayena paccayo.

Āsevana

Maggārammaṇo dhammo maggārammaṇassa dhammassa āsevanapaccayena paccayo—purimā purimā maggārammaṇā khandhā pacchimānaṁ pacchimānaṁ maggārammaṇānaṁ khandhānaṁ āsevanapaccayena paccayo.

Maggārammaṇo dhammo maggādhipatissa dhammassa āsevanapaccayena paccayo. (Anantarasadisaṁ. Nava pañhā kātabbā, āvajjanā na kātabbā.)

Kammādi

Maggārammaṇo dhammo maggārammaṇassa dhammassa kammapaccayena paccayo— sahajātā …pe…. (Nānākkhaṇikā natthi, sattarasa pañhā kātabbā.)

Āhārādi

Maggārammaṇo dhammo maggārammaṇassa dhammassa āhārapaccayena paccayo … indriyapaccayena paccayo … jhānapaccayena paccayo … maggapaccayena paccayo … sampayuttapaccayena paccayo … atthipaccayena paccayo (ime satta paccayā sattarasa pañhā hetusadisā) … natthipaccayena paccayo … vigatapaccayena paccayo (anantarasadisā) … avigatapaccayena paccayo. (Sattarasa pañhā.)

Saṅkhyāvāra

Suddha

Hetuyā sattarasa, ārammaṇe nava, adhipatiyā ekavīsa, anantare nava, samanantare nava, sahajāte sattarasa, aññamaññe sattarasa, nissaye sattarasa, upanissaye ekavīsa, āsevane nava, kamme sattarasa, āhāre indriye jhāne magge sampayutte sattarasa, atthiyā sattarasa, natthiyā nava, vigate nava, avigate sattarasa. (Evaṁ gaṇetabbaṁ.)

Anulomaṁ.

Paccanīyuddhāra

Maggārammaṇo dhammo maggārammaṇassa dhammassa sahajātapaccayena paccayo … upanissayapaccayena paccayo.

Maggārammaṇo dhammo maggādhipatissa dhammassa sahajātapaccayena paccayo … upanissayapaccayena paccayo.

Maggārammaṇo dhammo maggārammaṇassa ca maggādhipatissa ca dhammassa sahajātapaccayena paccayo … upanissayapaccayena paccayo.

Maggahetuko dhammo maggahetukassa dhammassa sahajātapaccayena paccayo … upanissayapaccayena paccayo.

Maggahetuko dhammo maggārammaṇassa dhammassa ārammaṇapaccayena paccayo … upanissayapaccayena paccayo.

Maggahetuko dhammo maggādhipatissa dhammassa ārammaṇapaccayena paccayo … sahajātapaccayena paccayo … upanissayapaccayena paccayo.

Maggahetuko dhammo maggārammaṇassa ca maggādhipatissa ca dhammassa ārammaṇapaccayena paccayo … upanissayapaccayena paccayo.

Maggahetuko dhammo maggahetukassa ca maggādhipatissa ca dhammassa sahajātapaccayena paccayo … upanissayapaccayena paccayo.

Maggādhipati dhammo maggādhipatissa dhammassa sahajātapaccayena paccayo … upanissayapaccayena paccayo.

Maggādhipati dhammo maggārammaṇassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo.

Maggādhipati dhammo maggahetukassa dhammassa sahajātapaccayena paccayo … upanissayapaccayena paccayo.

Maggādhipati dhammo maggārammaṇassa ca maggādhipatissa ca dhammassa sahajātapaccayena paccayo … upanissayapaccayena paccayo.

Maggādhipati dhammo maggahetukassa ca maggādhipatissa ca dhammassa sahajātapaccayena paccayo … upanissayapaccayena paccayo.

Maggārammaṇo ca maggādhipati ca dhammā maggārammaṇassa dhammassa sahajātapaccayena paccayo … upanissayapaccayena paccayo.

Maggārammaṇo ca maggādhipati ca dhammā maggādhipatissa dhammassa sahajātapaccayena paccayo … upanissayapaccayena paccayo.

Maggārammaṇo ca maggādhipati ca dhammā maggārammaṇassa ca maggādhipatissa ca dhammassa sahajātapaccayena paccayo … upanissayapaccayena paccayo.

Maggahetuko ca maggādhipati ca dhammā maggārammaṇassa dhammassa ārammaṇapaccayena paccayo … upanissayapaccayena paccayo.

Maggahetuko ca maggādhipati ca dhammā maggahetukassa dhammassa sahajātapaccayena paccayo … upanissayapaccayena paccayo.

Maggahetuko ca maggādhipati ca dhammā maggādhipatissa dhammassa sahajātapaccayena paccayo … upanissayapaccayena paccayo.

Maggahetuko ca maggādhipati ca dhammā maggārammaṇassa ca maggādhipatissa ca dhammassa upanissayapaccayena paccayo.

Maggahetuko ca maggādhipati ca dhammā maggahetukassa ca maggādhipatissa ca dhammassa sahajātapaccayena paccayo … upanissayapaccayena paccayo.

1.17.7.2. Paccayapaccanīya

Saṅkhyāvāra

Suddha

Nahetuyā ekavīsa, naārammaṇe sattarasa (naārammaṇe gahite pakatārammaṇampi upanissayārammaṇampi dvepi chijjanti), naadhipatiyā ekavīsa, naanantare nasamanantare nasahajāte naaññamaññe nanissaye naupanissaye napurejāte napacchājāte naāsevane nakamme navipāke naāhāre naindriye najhāne namagge nasampayutte navippayutte noatthiyā nonatthiyā novigate noavigate ekavīsa. (Evaṁ gaṇetabbaṁ.)

Paccanīyaṁ.

1.17.7.3. Paccayānulomapaccanīya

Hetuduka

Hetupaccayā naārammaṇe sattarasa, naadhipatiyā naanantare nasamanantare naupanissaye napurejāte napacchājāte naāsevane nakamme navipāke naāhāre naindriye najhāne namagge navippayutte nonatthiyā novigate sattarasa. (Evaṁ gaṇetabbaṁ.)

Anulomapaccanīyaṁ.

1.17.7.4. Paccayapaccanīyānuloma

Nahetuduka

Nahetupaccayā ārammaṇe nava, adhipatiyā ekavīsa, anantare nava, samanantare nava, sahajāte sattarasa, aññamaññe sattarasa, nissaye sattarasa, upanissaye ekavīsa, āsevane nava, kamme sattarasa, āhāre sattarasa, indriye jhāne magge sampayutte sattarasa, atthiyā sattarasa, natthiyā nava, vigate nava, avigate sattarasa. (Evaṁ gaṇetabbaṁ.)

Paccanīyānulomaṁ.

Maggārammaṇattikaṁ niṭṭhitaṁ.