上座部《发趣论》（巴利原文）

Paṭṭhānapakaraṇa

Dhammānuloma (1), Dukatikapaṭṭhānapāḷi (3)

3.14. Saraṇaduka, Tika

3.14.2.1–7. Paṭiccādivāra

Paccayacatukka

Saraṇaṁ sukhāya vedanāya sampayuttaṁ dhammaṁ paṭicca saraṇo sukhāya vedanāya sampayutto dhammo uppajjati hetupaccayā.

Araṇaṁ sukhāya vedanāya sampayuttaṁ dhammaṁ paṭicca araṇo sukhāya vedanāya sampayutto dhammo uppajjati hetupaccayā. (Saṅkhittaṁ.)

Hetuyā dve, ārammaṇe dve …pe… kamme dve, vipāke ekaṁ …pe… avigate dve. (Saṅkhittaṁ. Sahajātavāropi …pe… pañhāvāropi sabbattha vitthāretabbā.)

Saraṇaṁ dukkhāya vedanāya sampayuttaṁ dhammaṁ paṭicca saraṇo dukkhāya vedanāya sampayutto dhammo uppajjati hetupaccayā.

Saraṇaṁ dukkhāya vedanāya sampayuttaṁ dhammaṁ paṭicca saraṇo dukkhāya vedanāya sampayutto dhammo uppajjati ārammaṇapaccayā. (Saṅkhittaṁ.)

Hetuyā ekaṁ, ārammaṇe dve …pe… avigate dve. (Saṅkhittaṁ.)

(Sahajātavārampi …pe… pañhāvārampi vitthāretabbaṁ.)

Saraṇaṁ adukkhamasukhāya vedanāya sampayuttaṁ dhammaṁ paṭicca saraṇo adukkhamasukhāya vedanāya sampayutto dhammo uppajjati hetupaccayā.

Araṇaṁ adukkhamasukhāya vedanāya sampayuttaṁ dhammaṁ paṭicca araṇo adukkhamasukhāya vedanāya sampayutto dhammo uppajjati hetupaccayā. (Saṅkhittaṁ.)

Hetuyā dve, ārammaṇe dve …pe… avigate dve. (Saṅkhittaṁ.)

(Sahajātavārampi …pe… pañhāvārampi sabbattha vitthāretabbaṁ.)

Saraṇadukavedanāttikaṁ niṭṭhitaṁ.

3.14.3. Saraṇaduka, Vipākattika

3.14.3.1–7. Paṭiccādivāra

Paccayacatukka

Araṇaṁ vipākaṁ dhammaṁ paṭicca araṇo vipāko dhammo uppajjati hetupaccayā. (Saṅkhittaṁ.)

Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ. Sahajātavārepi …pe… pañhāvārepi sabbattha ekaṁ.)

Saraṇaṁ vipākadhammadhammaṁ paṭicca saraṇo vipākadhammadhammo uppajjati hetupaccayā.

Araṇaṁ vipākadhammadhammaṁ paṭicca araṇo vipākadhammadhammo uppajjati hetupaccayā. (Saṅkhittaṁ.)

Hetuyā dve, ārammaṇe dve …pe… avigate dve. (Saṅkhittaṁ. Sahajātavārampi …pe… pañhāvārampi vitthāretabbaṁ.)

Araṇaṁ nevavipākanavipākadhammadhammaṁ paṭicca araṇo nevavipākanavipākadhammadhammo uppajjati hetupaccayā. (Saṅkhittaṁ.)

Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ. Sahajātavārepi …pe… pañhāvārepi sabbattha ekaṁ.)

3.14.4. Saraṇaduka, Upādinnattika

3.14.4.1–7. Paṭiccādivāra

Paccayacatukka

Araṇaṁ upādinnupādāniyaṁ dhammaṁ paṭicca araṇo upādinnupādāniyo dhammo uppajjati hetupaccayā. (Saṅkhittaṁ.)

Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ. Sahajātavārepi …pe… pañhāvārepi sabbattha ekaṁ.)

Saraṇaṁ anupādinnupādāniyaṁ dhammaṁ paṭicca saraṇo anupādinnupādāniyo dhammo uppajjati hetupaccayā … tīṇi.

Araṇaṁ anupādinnupādāniyaṁ dhammaṁ paṭicca araṇo anupādinnupādāniyo dhammo uppajjati hetupaccayā.

Saraṇaṁ anupādinnupādāniyañca araṇaṁ anupādinnupādāniyañca dhammaṁ paṭicca araṇo anupādinnupādāniyo dhammo uppajjati hetupaccayā. (Saṅkhittaṁ.)

Hetuyā pañca, ārammaṇe dve …pe… avigate pañca. (Saṅkhittaṁ.)

(Sahajātavārampi …pe… pañhāvārampi sabbattha vitthāretabbaṁ.)

Araṇaṁ anupādinnaanupādāniyaṁ dhammaṁ paṭicca araṇo anupādinnaanupādāniyo dhammo uppajjati hetupaccayā. (Saṅkhittaṁ.)

Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ. Sahajātavārepi …pe… pañhāvārepi sabbattha ekaṁ.)

3.14.5. Saraṇaduka, Saṅkiliṭṭhattika

3.14.5.1–7. Paṭiccādivāra

Paccayacatukka

Saraṇaṁ saṅkiliṭṭhasaṅkilesikaṁ dhammaṁ paṭicca saraṇo saṅkiliṭṭhasaṅkilesiko dhammo uppajjati hetupaccayā. (Saṅkhittaṁ.)

Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ. Sahajātavārepi …pe… pañhāvārepi sabbattha ekaṁ.)

Araṇaṁ asaṅkiliṭṭhasaṅkilesikaṁ dhammaṁ paṭicca araṇo asaṅkiliṭṭhasaṅkilesiko dhammo uppajjati hetupaccayā. (Saṅkhittaṁ.)

Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ. Sahajātavārepi …pe… pañhāvārepi sabbattha ekaṁ.)

Araṇaṁ asaṅkiliṭṭhaasaṅkilesikaṁ dhammaṁ paṭicca araṇo asaṅkiliṭṭhaasaṅkilesiko dhammo uppajjati hetupaccayā. (Saṅkhittaṁ.)

Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ. Sahajātavārepi …pe… pañhāvārepi sabbattha ekaṁ.)

3.14.6. Saraṇaduka, Vitakkattika

3.14.6.1–7. Paṭiccādivāra

Paccayacatukka

Saraṇaṁ savitakkasavicāraṁ dhammaṁ paṭicca saraṇo savitakkasavicāro dhammo uppajjati hetupaccayā.

Araṇaṁ savitakkasavicāraṁ dhammaṁ paṭicca araṇo savitakkasavicāro dhammo uppajjati hetupaccayā. (Saṅkhittaṁ.)

Hetuyā dve, ārammaṇe dve …pe… avigate dve. (Saṅkhittaṁ.)

(Sahajātavārampi …pe… pañhāvārampi vitthāretabbaṁ.)

Araṇaṁ avitakkavicāramattaṁ dhammaṁ paṭicca araṇo avitakkavicāramatto dhammo uppajjati hetupaccayā. (Saṅkhittaṁ.)

Hetuyā ekaṁ …pe… avigate ekaṁ. (Saṅkhittaṁ. Sahajātavārepi …pe… pañhāvārepi sabbattha ekaṁ.)

Araṇaṁ avitakkaavicāraṁ dhammaṁ paṭicca araṇo avitakkaavicāro dhammo uppajjati hetupaccayā. (Saṅkhittaṁ.)

Hetuyā ekaṁ (sabbattha ekaṁ) …pe… avigate ekaṁ. (Saṅkhittaṁ.)

3.14.7. Saraṇaduka, Pītittika

3.14.7.1–7. Paṭiccādivāra

Paccayacatukka

Saraṇaṁ pītisahagataṁ dhammaṁ paṭicca saraṇo pītisahagato dhammo uppajjati hetupaccayā.

Araṇaṁ pītisahagataṁ dhammaṁ paṭicca araṇo pītisahagato dhammo uppajjati hetupaccayā. (Saṅkhittaṁ.)

Hetuyā dve, ārammaṇe dve …pe… avigate dve. (Saṅkhittaṁ. Sahajātavāropi …pe… pañhāvāropi sabbattha vitthāretabbā.)

Saraṇaṁ sukhasahagataṁ dhammaṁ paṭicca saraṇo sukhasahagato dhammo uppajjati hetupaccayā.

Araṇaṁ sukhasahagataṁ dhammaṁ paṭicca araṇo sukhasahagato dhammo uppajjati hetupaccayā. (Saṅkhittaṁ.)

Hetuyā dve, ārammaṇe dve …pe… avigate dve. (Saṅkhittaṁ. Sahajātavāropi …pe… pañhāvāropi vitthāretabbā.)

Saraṇaṁ upekkhāsahagataṁ dhammaṁ paṭicca saraṇo upekkhāsahagato dhammo uppajjati hetupaccayā.

Araṇaṁ upekkhāsahagataṁ dhammaṁ paṭicca araṇo upekkhāsahagato dhammo uppajjati hetupaccayā. (Saṅkhittaṁ.)

Hetuyā dve, ārammaṇe dve …pe… avigate dve. (Saṅkhittaṁ. Sahajātavārepi …pe… pañhāvārepi vitthāretabbo.)

3.14.8. Saraṇaduka, Dassanenapahātabbattika

3.14.8.1–7. Paṭiccādivāra

Paccayacatukka

Saraṇaṁ dassanena pahātabbaṁ dhammaṁ paṭicca saraṇo dassanena pahātabbo dhammo uppajjati hetupaccayā. (Saṅkhittaṁ.)

Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ. Sahajātavārepi …pe… pañhāvārepi sabbattha ekaṁ.)

Saraṇaṁ bhāvanāya pahātabbaṁ dhammaṁ paṭicca saraṇo bhāvanāya pahātabbo dhammo uppajjati hetupaccayā. (Saṅkhittaṁ.)

Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ. Sahajātavārepi …pe… pañhāvārepi sabbattha ekaṁ.)

Araṇaṁ nevadassanena nabhāvanāya pahātabbaṁ dhammaṁ paṭicca araṇo nevadassanena nabhāvanāya pahātabbo dhammo uppajjati hetupaccayā.

Hetuyā ekaṁ (sabbattha ekaṁ) …pe… avigate ekaṁ. (Saṅkhittaṁ.)

3.14.9. Saraṇaduka, Dassanenapahātabbahetukattika

3.14.9.1–7. Paṭiccādivāra

Paccayacatukka

Saraṇaṁ dassanena pahātabbahetukaṁ dhammaṁ paṭicca saraṇo dassanena pahātabbahetuko dhammo uppajjati hetupaccayā. (Saṅkhittaṁ.)

Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ. Sahajātavārepi …pe… pañhāvārepi sabbattha ekaṁ.)

Saraṇaṁ bhāvanāya pahātabbahetukaṁ dhammaṁ paṭicca saraṇo bhāvanāya pahātabbahetuko dhammo uppajjati hetupaccayā. (Saṅkhittaṁ.)

Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ. Sahajātavārepi …pe… pañhāvārepi sabbattha ekaṁ.)

Saraṇaṁ nevadassanena nabhāvanāya pahātabbahetukaṁ dhammaṁ paṭicca araṇo nevadassanena nabhāvanāya pahātabbahetuko dhammo uppajjati hetupaccayā. (Saṅkhittaṁ.)

Hetuyā tīṇi, ārammaṇe ekaṁ, adhipatiyā ekaṁ …pe… sahajāte tīṇi, aññamaññe ekaṁ, nissaye tīṇi …pe… kamme tīṇi, vipāke ekaṁ …pe… avigate tīṇi. (Saṅkhittaṁ. Sabbattha vitthāretabbaṁ.)

3.14.10. Saraṇaduka, Ācayagāmittika

3.14.10.1–7. Paṭiccādivāra

Paccayacatukka

Saraṇaṁ ācayagāmiṁ dhammaṁ paṭicca saraṇo ācayagāmī dhammo uppajjati hetupaccayā.

Araṇaṁ ācayagāmiṁ dhammaṁ paṭicca araṇo ācayagāmī dhammo uppajjati hetupaccayā. (Saṅkhittaṁ.)

Hetuyā dve, ārammaṇe dve …pe… avigate dve. (Saṅkhittaṁ.) (Sahajātavārepi …pe… pañhāvārepi sabbattha vitthāretabbo.)

Araṇaṁ apacayagāmiṁ dhammaṁ paṭicca araṇo apacayagāmī dhammo uppajjati hetupaccayā. (Saṅkhittaṁ.)

Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ.) (Sahajātavārepi …pe… pañhāvārepi sabbattha ekaṁ.)

Araṇaṁ nevācayagāmināpacayagāmiṁ dhammaṁ paṭicca araṇo nevācayagāmināpacayagāmī dhammo uppajjati hetupaccayā. (Saṅkhittaṁ.)

Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ.) (Sahajātavārepi …pe… pañhāvārepi sabbattha ekaṁ.)

3.14.11. Saraṇaduka, Sekkhattika

3.14.11.1–7. Paṭiccādivāra

Paccayacatukka

Araṇaṁ sekkhaṁ dhammaṁ paṭicca araṇo sekkho dhammo uppajjati hetupaccayā. (Saṅkhittaṁ.)

Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ.) (Sahajātavārepi …pe… pañhāvārepi sabbattha ekaṁ.)

Araṇaṁ asekkhaṁ dhammaṁ paṭicca araṇo asekkho dhammo uppajjati hetupaccayā. (Saṅkhittaṁ.)

Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ.) (Sahajātavārepi …pe… pañhāvārepi sabbattha ekaṁ.)

Saraṇaṁ nevasekkhanāsekkhaṁ dhammaṁ paṭicca saraṇo nevasekkhanāsekkho dhammo uppajjati hetupaccayā … tīṇi.

Araṇaṁ nevasekkhanāsekkhaṁ dhammaṁ paṭicca araṇo nevasekkhanāsekkho dhammo uppajjati hetupaccayā.

Saraṇaṁ nevasekkhanāsekkhañca araṇaṁ nevasekkhanāsekkhañca dhammaṁ paṭicca araṇo nevasekkhanāsekkho dhammo uppajjati hetupaccayā. (Saṅkhittaṁ.)

Hetuyā pañca, ārammaṇe dve, adhipatiyā pañca …pe… avigate pañca. (Saṅkhittaṁ. Sahajātavārepi …pe… pañhāvārepi sabbattha vitthāretabbo.)

3.14.12. Saraṇaduka, Parittattika

3.14.12.1–7. Paṭiccādivāra

Paccayacatukka

Saraṇaṁ parittaṁ dhammaṁ paṭicca saraṇo paritto dhammo uppajjati hetupaccayā … tīṇi.

Araṇaṁ parittaṁ dhammaṁ paṭicca araṇo paritto dhammo uppajjati hetupaccayā.

Saraṇaṁ parittañca araṇaṁ parittañca dhammaṁ paṭicca araṇo paritto dhammo uppajjati hetupaccayā. (Saṅkhittaṁ.)

Hetuyā pañca, ārammaṇe dve …pe… avigate pañca. (Saṅkhittaṁ.) (Sahajātavārepi …pe… pañhāvārepi sabbattha vitthāretabbo.)

Araṇaṁ mahaggataṁ dhammaṁ paṭicca araṇo mahaggato dhammo uppajjati hetupaccayā. (Saṅkhittaṁ.)

Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ.) (Sahajātavārepi …pe… pañhāvārepi sabbattha ekaṁ.)

Araṇaṁ appamāṇaṁ dhammaṁ paṭicca araṇo appamāṇo dhammo uppajjati hetupaccayā. (Saṅkhittaṁ.)