完整巴利原文 · 稳定分页 当前仅加载第 414 阅读页；保留 Bilara 原生段落标识，每页最多 120 段。
Paṭṭhānapakaraṇa
patthana14.1:0.1Dhammānulomapaccanīya (3), Dukapaṭṭhānapāḷi (2)
patthana14.1:0.214.1. Hetuduka
patthana14.1:0.3Hetu
patthana14.1:1.0Namo tassa Bhagavato Arahato Sammāsambuddhassa.
patthana14.1:1.1Hetuṁ dhammaṁ paṭicca nahetu dhammo uppajjati hetupaccayā—hetuṁ dhammaṁ paṭicca sampayuttakā khandhā cittasamuṭṭhānañca rūpaṁ; paṭisandhikkhaṇe …pe… hetuṁ dhammaṁ paṭicca nanahetu dhammo uppajjati hetupaccayā. Hetuṁ dhammaṁ paṭicca nahetu ca nanahetu ca dhammā uppajjanti hetupaccayā.
patthana14.1:2.1Nahetuṁ dhammaṁ paṭicca nanahetu dhammo uppajjati hetupaccayā. Nahetuṁ dhammaṁ paṭicca nahetu dhammo uppajjati hetupaccayā. Nahetuṁ dhammaṁ paṭicca nahetu ca nanahetu ca dhammā uppajjanti hetupaccayā.
patthana14.1:3.1Hetuñca nahetuñca dhammaṁ paṭicca nahetu dhammo uppajjati hetupaccayā. Hetuñca nahetuñca dhammaṁ paṭicca nanahetu dhammo uppajjati hetupaccayā. Hetuñca nahetuñca dhammaṁ paṭicca nahetu ca nanahetu ca dhammā uppajjanti hetupaccayā. (Saṅkhittaṁ.)
patthana14.1:4.1Hetuyā nava, ārammaṇe nava …pe… avigate nava. (Sahajātavārampi …pe… sampayuttavārampi paṭiccavārasadisaṁ.)
patthana14.1:5.1Hetu-ārammaṇa
patthana14.1:6.0Hetu dhammo nahetussa dhammassa hetupaccayena paccayo … tīṇi.
patthana14.1:6.1Hetu dhammo nahetussa dhammassa ārammaṇapaccayena paccayo … tīṇi.
patthana14.1:7.1Nahetu dhammo nanahetussa dhammassa ārammaṇapaccayena paccayo … tīṇi.
patthana14.1:8.1Hetu ca nahetu ca dhammā nahetussa dhammassa ārammaṇapaccayena paccayo … tīṇi. (Saṅkhittaṁ.)
patthana14.1:9.1Hetuyā tīṇi, ārammaṇe nava …pe… upanissaye nava, purejāte pacchājāte tīṇi, āsevane nava, kamme tīṇi, vipāke nava, āhāre tīṇi, indriye nava, jhāne tīṇi, magge sampayutte nava, vippayutte pañca …pe… avigate nava. (Pañhāvārampi evaṁ vitthāretabbaṁ.)
patthana14.1:10.1