Paṭṭhāna · PATTHANA22.4 · 22.4. Kusalattika, Hetusahetukadukādi

完整巴利原文 · 稳定分页　当前仅加载第 780 阅读页；保留 Bilara 原生段落标识，每页最多 120 段。

0.1

Paṭṭhānapakaraṇa

patthana22.4:0.1

0.2

Dhammapaccanīyānuloma (4), Tikadukapaṭṭhānapāḷi (4)

patthana22.4:0.2

0.3

22.4. Kusalattika, Hetusahetukadukādi

patthana22.4:0.3

1.1

Nakusalaṁ nahetuñceva naahetukañca dhammaṁ paṭicca akusalo hetu ceva sahetuko ca dhammo uppajjati hetupaccayā. Nakusalaṁ nahetuñceva naahetukañca dhammaṁ paṭicca abyākato hetu ceva sahetuko ca dhammo uppajjati hetupaccayā … dve.

patthana22.4:1.1

2.1

(Naakusale dve, naabyākate dve. Paṭhamaṁ gaṇitakena ekaṁ, dutiyaṁ gaṇitakena ekaṁ, tatiyaṁ gaṇitakena ekaṁ, sabbattha nava pañhā.)

patthana22.4:2.1

3.1

Hetuyā nava …pe… vipāke tīṇi …pe… avigate nava.

patthana22.4:3.1

4.1

Nakusalaṁ naahetukañceva na ca hetuṁ dhammaṁ paṭicca akusalo sahetuko ceva na ca hetu dhammo uppajjati hetupaccayā. (Saṅkhittaṁ.) Hetuyā nava …pe… vipāke tīṇi …pe… avigate nava.

patthana22.4:4.1

5.1

Nakusalaṁ nahetuñceva nahetuvippayuttañca dhammaṁ paṭicca akusalo hetu ceva hetusampayutto ca dhammo uppajjati hetupaccayā. (Saṅkhittaṁ.) Hetuyā nava …pe… vipāke tīṇi …pe… avigate nava. (Hetusahetukasadisaṁ.)

patthana22.4:5.1

6.1

Nakusalaṁ nahetuvippayuttañceva nanahetuñca dhammaṁ paṭicca akusalo hetusampayutto ceva na ca hetu dhammo uppajjati hetupaccayā. (Saṅkhittaṁ.) Hetuyā nava …pe… vipāke tīṇi …pe… avigate nava.

patthana22.4:6.1

7.1

Nakusalaṁ nahetuṁ nasahetukaṁ dhammaṁ paṭicca abyākato nahetu sahetuko dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.

patthana22.4:7.1

8.1

Nakusalaṁ nahetuṁ naahetukaṁ dhammaṁ paṭicca akusalo nahetu ahetuko dhammo uppajjati hetupaccayā.

patthana22.4:8.1

9.1

Naakusalaṁ nahetuṁ naahetukaṁ dhammaṁ paṭicca abyākato nahetu ahetuko dhammo uppajjati hetupaccayā.

patthana22.4:9.1

10.1

Naabyākataṁ nahetuṁ naahetukaṁ dhammaṁ paṭicca abyākato nahetu ahetuko dhammo uppajjati hetupaccayā. (Gaṇitakena tīṇi pañhā.)

patthana22.4:10.1

11.1

Hetuyā cha, adhipatiyā cha …pe… aññamaññe tīṇi …pe… vipāke tīṇi …pe… avigate cha.

patthana22.4:11.1