完整藏文原文 · 德格版页 当前仅加载第 34 函德格 264b 版页；藏文 NFD、目录标记与异常页序保留在来源切片中，重复版页行以稳定序号区分。
ཟད་ཆོས་སུ་བྱས་པའི་དུམ་བུ་ལག་པའམ། མགྲིན་པའམ། རྣ་བ་རྣམས་སུ་འམ། སྐྲ་རྣམས་ལ་འགེབས་སོ། །བག་མ་ལེན་པ་དང་། སོ་ནམ་དང་། ཚོང་ལ་སོགས་པ་བྱས་ནས། འཚོ་བའི་ཕྱིར་དུ་སྤྱོད་ཅིང་འགྲོ་བར་བྱེད་དོ། །དེའི་ཚེ་ཡོན་སྟེར་ཅིང་དགེ་
D35.034.0264b01.01འདུན་གྱི་ཆེད་དུ་དེ་ཐམས་ཅད་སྟེར་བར་བྱེད་དེ། དེའི་ཚེ་ངས་ཀུན་དགའ་བོ་དགེ་འདུན་གྱི་ཡོན་གྱི་འབྲས་བུ་ནི་གྲངས་མེད་པར་བཤད་དོ། །སོང་ཞིང་སོང་བའི་དུས་སུ། འདི་ཅི་བདག་གི་དོན་དུ་ངུར་སྨྲིག་གི་དུམ་བུ་བཏོགས་ནས་དགོན་པའམ་ནགས་ཚལ་དུ་སྐྱུར་བར་བྱེད་དོ། །དེ་
D35.034.0264b02.01རྣམས་ཀྱི་དུས་སུ་རྟགས་ཙམ་འཛིན་པའི་བར་གྱི་དུས་ནུབ་པར་འགྱུར་རོ། །འདི་ནི་རྟགས་ཙམ་འཛིན་པའི་བར་གྱི་དུས་ནུབ་པའི་དུས་ཞེས་བྱ་བ་ཡིན་ནོ། །དེ་ནས་ཡང་དག་པར་རྫོགས་པའི་སངས་རྒྱས་ཀྱི་བསྟན་པ་ལོ་སྟོང་ཕྲག་ལྔ་པ་ལ་རྙེད་པ་དང་བཀུར་སྟི་ལ་སོགས་པའི་རྙེད་པ་ཆུང་
D35.034.0264b03.01ངོ་། །སྐུ་གདུང་རྣམས་རྙེད་བཀུར་བྱེད་པའི་གནས་སུ་འགྲོ་བར་བྱེད་དོ། །སོང་ཞིང་སོང་བའི་དུས་སུ། གནས་ཐམས་ཅད་དུ་བཀུར་སྟི་དང་བསྟི་སྟང་མ་ཐོབ་ནས། བསྟན་པ་ཐ་མའི་དུས་སུ་ཀླུའི་ཡུལ་དང་། ལྷའི་འཇིག་རྟེན་དང་། ཚངས་པའི་འཇིག་རྟེན་གྱི་གནས་ཐམས་ཅད་ནས་
D35.034.0264b04.01འོངས་ནས། སྐུ་གདུང་ཐམས་ཅད་བྱང་ཆུབ་ཀྱི་སྙིང་པོ་ཁོ་ནར་བསྡུས་ཏེ་སངས་རྒྱས་ཀྱི་སྐུ་རུ་གྱུར་ནས། གཤིན་རྗེ་རྫུ་འཕྲུལ་དུ་མ་སྟོན་པ་དང་འདྲ་བར་གཞན་ལ་སྟོན་ནོ། །དེའི་གནས་སུ་སེམས་ཅན་མིར་གྱུར་པའི་མིང་ཡང་མེད་དོ། །སྟོང་ཕྲག་བཅུའི་ལྷའི་འཇིག་རྟེན་གྱི་ཁོར་ཡུག་གི་བར་
D35.034.0264b05.01ཐམས་ཅད་འདུས་ནས། དེ་རིང་སྟོབས་བཅུ་པ་ཡོངས་སུ་མྱ་ངན་ལས་འདའ་བར་བྱེད་དོ། །དེང་ནས་བཟུང་ནས་མུན་ནག་ཏུ་གྱུར་ཏོ། །ཞེས་ངུ་བར་བྱེད་དོ། །སྐུ་གདུང་ཐམས་ཅད་ལ་མེའི་ཁམས་ལངས་ནས་དེའི་སྐུ་ལུས་ལྷག་མ་མེད་པར་སྲེག་པར་བྱེད་དོ། །འདི་ནི་སྐུ་གདུང་གི་བར་
D35.034.0264b06.01གྱི་དུས་ནུབ་པ་ཞེས་བྱ་བ་ཡིན་ནོ། །དེ་ནས་ལོ་སྟོང་ཕྲག་ལྔ་པོ་འདིར་བསྟན་པ་ནུབ་པར་གྱུར་ནས་འཇིག་རྟེན་པ་རྣམས་ལ་མི་དགེ་བ་ལྷག་པར་འཕེལ་བར་བྱེད་དོ། །ཞེས་བྱ་བའི་དོན་ནོ། །མི་རྣམས་ལ་ངོ་ཚ་དང་ཁྲེལ་མེད་པར་འགྱུར་ཞིང་མ་དང་། བུ་མོ་དང་། སྲིང་མོ་ལ་སོགས་པའི་
D35.034.0264b07.01