完整藏文原文 · 德格版页 当前仅加载第 34 函德格 265a 版页；藏文 NFD、目录标记与异常页序保留在来源切片中，重复版页行以稳定序号区分。
འདུ་ཤེས་མེད་པར་འགྱུར་རོ། །ཕག་དང་ཅེ་སྤྱང་ལ་སོགས་པ་དང་འདྲ་བར་ངོ་ཚ་མེད་པར་འགྱུར་རོ། །དེ་ནས་མི་དགེ་བ་ལ་སྦྱོར་ཞིང་ཚེ་བྲི་ནས་ཚེ་ལོ་བཅུ་པར་འགྱུར་རོ། །ལོ་ལྔ་པའི་ཁྱེའུ་ལ་ལོ་ལྔ་པའི་བུ་མོ་བག་མར་ལེན་ནོ། །ཡང་ལོ་ལྔའི་ནང་ཉིད་དུ་བུ་དང་བུ་མོ་དང་ཚ་བོ་དང་
D35.034.0265a01.01ཚ་མོའང་འབྱུང་ངོ་། །དེའི་དུས་སུ་མཚོན་གྱི་བསྐལ་པ་བར་མ་འབྱུང་བར་འགྱུར་རོ། །བསྐལ་པ་བར་མ་གསུམ་སྟེ། མུ་གེའི་བསྐལ་པ་བར་མ་དང་། ནད་ཀྱི་བསྐལ་པ་བར་མ་དང་། མཚོན་གྱི་བསྐལ་པ་བར་མའོ། །དེ་ལ་གང་གི་ཚེ་འཇིག་རྟེན་གྱི་སེམས་ཅན་རྣམས་ལ་འདོད་པ་
D35.034.0265a02.01ལྷག་པར་སྐྱེས་ནས་མུ་གེའི་བསྐལ་པ་བར་མར་འགྱུར་རོ། །གང་གི་ཚེ་གཏི་མུག་ལྷག་པར་ཆེ་སྟེ། ནད་ཀྱི་བསྐལ་པ་བར་མར་འགྱུར་རོ། །གང་གི་ཚེ་སྐྱོན་དུ་གྱུར་པ་དེའི་དུས་སུ་མཚོན་གྱི་བསྐལ་པ་བར་མར་འགྱུར་རོ། །མུ་གེའི་བསྐལ་པ་བར་མས་སེམས་ཅན་རྣམས་བརླག་པར་བྱས་ནས་
D35.034.0265a03.01{ཡི་དགས་,ཡི་དྭགས་}སུ་སྐྱེ་བར་འགྱུར་རོ། །ནད་ཀྱི་བསྐལ་པ་བར་མས་སེམས་ཅན་རྣམས་བརླག་པར་བྱས་ནས་དུད་འགྲོར་སྐྱེ་བར་བྱེད་དོ། །མཚོན་གྱི་བསྐལ་པ་བར་མས་སེམས་ཅན་རྣམས་བརླག་པར་བྱས་ནས་དམྱལ་བར་སྐྱེ་བར་འགྱུར་རོ། །དེའི་ཚེ་མི་རྣམས་ཕན་ཚུན་དུ་{རི་དགས་,རི་དྭགས་}ཀྱི་འདུ་ཤེས་དང་
D35.034.0265a04.01བཅས་པ་ཐོབ་པར་གྱུར་ནས་མཚོན་སོ་གཅིག་པ་དང་། མཚོན་སོ་གཉིས་པ་དང་། སྤུ་གྲིའི་སོ་དང་འདྲ་བའི་མཚོན་ཆ་རྣམས་བཟུང་ནས་ཕན་ཚུན་གསོད་པར་བྱེད་དོ། །དེ་རྣམས་སུ་མཁས་པ་གང་ཞིག་དེས་འཇོམས་པར་ཐོས་ནས་རིའི་སུལ་ལ་སོགས་པར་ཞག་བདུན་གྱི་ཁ་ཟས་བཟུང་སྟེ་
D35.034.0265a05.01ཡིབ་ནས་སྡོད་དོ། །དེ་རྣམས་སུ་མ་ཡིབ་པའི་སེམས་ཅན་ལྷག་མ་རྣམས་ཕན་ཚུན་དུ་རྡེག་ཅིང་གསོད་དོ། །ས་གཞི་ཐམས་ཅད་ཤ་དང་ཁྲག་ཏུ་འགྱུར་རོ། །དེའི་དུས་སུ་སྤྲིན་ཆེན་པོ་འདུས་ནས་ཆར་འབེབས་པར་བྱེད་དོ། །ལྷ་ཡིས་ཆར་བབ་པའི་རྗེས་སུ་དྲི་ཞིམ་པའི་ཆར་འབབ་ཅིང་
D35.034.0265a06.01འབབ་པར་བྱེད་དོ། །དེ་རྣམས་ཀྱི་དུས་སུ་གནས་ཐམས་ཅད་ཡིད་དུ་འོང་བར་འགྱུར་རོ། །གནས་ཐམས་ཅད་དག་པར་གྱུར་ནས་འབྲས་ཤུན་པ་ཅན་གྱི་ཆར་འབབ་ཅིང་འབབ་པར་འགྱུར་རོ། །འབྲས་ཤུན་པ་ཅན་གྱི་ཆར་ཕབ་པའི་རྗེས་སུ་འབྲས་ཤུན་པ་མེད་པའི་ཆར་འབབ་ཅིང་འབབ་པར་
D35.034.0265a07.01