完整藏文原文 · 德格版页 当前仅加载第 41 函德格 266a 版页；藏文 NFD、目录标记与异常页序保留在来源切片中，重复版页行以稳定序号区分。
དང་མི་སྟེན། ཉན་ཐོས་ཀྱི་བསླབ་པ་ལ་མི་སློབ། ཉན་ཐོས་ཀྱི་ཐེག་པ་དང་ལྡན་པའི་ཆོས་མི་སྟོན། གཞན་ཡང་ཉན་ཐོས་ཀྱི་ཐེག་པ་ཡང་དག་པར་འཛིན་དུ་མི་འཇུག་ཅིང་རང་སངས་རྒྱས་ཀྱི་ཐེག་པ་ཡང་དེ་བཞིན་པ་དང་། གང་འདི་སངས་རྒྱས་ཀྱི་ཆོས་ཡོངས་སུ་བསྒྲུབ་པའི་
D59.041.0266a01.01ཕྱིར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་འཇུག་པའོ། །ཤཱ་རིའི་བུ་དེ་ལ་གཞན་དག་སངས་རྒྱས་ཀྱི་ཐེག་པ་ཡང་དག་པར་འཛིན་དུ་འཇུག་པའི་བྱང་ཆུབ་སེམས་དཔའ་ནི་གནས་བཅུ་ཡོངས་སུ་འཛིན་ཏོ། །བཅུ་གང་ཞེ་ན། འདི་ལྟ་སྟེ། ཉན་ཐོས་དང་། རང་
D59.041.0266a02.01སངས་རྒྱས་མེད་པའི་སངས་རྒྱས་ཀྱི་ཞིང་ཡོངས་སུ་འཛིན་པ་དང་། བྱང་ཆུབ་སེམས་དཔའ་འབའ་ཞིག་གི་དགེ་འདུན་རབ་ཏུ་རྙེད་པ་དང་། དེ་ལ་སངས་རྒྱས་བཅོམ་ལྡན་འདས་རྣམས་དགོངས་པ་དང་། སངས་རྒྱས་བཅོམ་ལྡན་འདས་རྣམས་དེའི་ཚུལ་ཡོངས་སུ་སྒྲོགས་ཤིང་ཆོས་སྟོན་པ་དང་། འདི་
D59.041.0266a03.01ལྟ་སྟེ། དེ་བརྒྱ་བྱིན་ཉིད་དམ། ཚངས་པ་ཉིད་ཀྱི་ཕྱིར་སེམས་དང་སེམས་ལས་བྱུང་བ་རྒྱ་ཆེན་པོ་སྐྱེད་པ་དང་། མིར་གྱུར་ན་ཡང་འཁོར་ལོས་སྒྱུར་བའི་རྒྱལ་པོར་འགྱུར་བ་དང་། སངས་རྒྱས་མཐོང་བ་དང་འབྲལ་བར་མི་འགྱུར་བ་དང་། ལྷ་དང་མི་རྣམས་དགའ་བར་འགྱུར་བ་དང་། གཡོག་
D59.041.0266a04.01འཁོར་མི་ཕྱེད་པར་འགྱུར་བ་དང་། བསོད་ནམས་ཀྱི་ཕུང་པོ་ཚད་མེད་གྲངས་མེད་པ་ཡོངས་སུ་འཛིན་པའོ། །ཤཱ་རིའི་བུ་དེ་ཅིའི་ཕྱིར་ཞེ་ན། གང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་སེམས་ཅན་ཇི་སྙེད་པ་དེ་དག་ཐམས་ཅད་དགྲ་བཅོམ་པའི་འབྲས་བུ་མངོན་སུམ་དུ་བྱ་བ་ལ་བཀོད་
D59.041.0266a05.01པ་དང་། རང་སངས་རྒྱས་ཀྱི་འབྲས་བུ་མངོན་སུམ་དུ་བྱ་བ་ལ་བཀོད་པ་བས་གང་རིགས་ཀྱི་བུ་འམ། རིགས་ཀྱི་བུ་མོ་གཅིག་ཡང་དག་པར་རྫོགས་པའི་བྱང་ཆུབ་ཀྱི་སེམས་ལ་བཞག་ན་དེ་ནི་དེ་བས་བསོད་ནམས་ཆེས་མང་དུ་སྐྱེད་དོ། །ཤཱ་རིའི་བུ་དེ་ཅིའི་ཕྱིར་ཞེ་ན། ཉན་ཐོས་དང་རང་སངས་
D59.041.0266a06.01རྒྱས་སྐྱེས་པས་ནི་སངས་རྒྱས་ཀྱི་རིགས་མི་འཆད་པར་མི་འགྱུར་ཏེ། སངས་རྒྱས་འབྱུང་བ་མེད་ན་ཉན་ཐོས་དང་། རང་སངས་རྒྱས་འབྱུང་བར་མི་འགྱུར་གྱི། ཤཱ་རིའི་བུ་སངས་རྒྱས་འབྱུང་བ་ཡོད་ན་སངས་རྒྱས་ཀྱི་རིགས་མི་འཆད་ཅིང་ཉན་ཐོས་དང་། རང་སངས་རྒྱས་སུ་གདགས་པ་ཡང་ཡོད་པར་འགྱུར་
D59.041.0266a07.01