完整藏文原文 · 德格版页 当前仅加载第 41 函德格 293b 版页；藏文 NFD、目录标记与异常页序保留在来源切片中，重复版页行以稳定序号区分。
པར་རྫོགས་པའི་སངས་རྒྱས་དེའི་ཚེའི་ཚད་ནི་ཚད་མེད་གྲངས་མེད་པར་འགྱུར་བར་རིག་པར་བྱའོ། །རིགས་ཀྱི་བུ་འདི་ལྟ་སྟེ། དཔེར་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་སྐྱེས་བུ་ལ་ལ་ཞིག་གིས་རྡུལ་ཕྲ་རབ་ཏུ་བརླགས་ཏེ། ཐལ་བར་བྱས་པ་དེ་ལས་
D59.041.0293b01.01སྐྱེས་བུ་ལ་ལ་ཞིག་གིས་རྡུལ་ཕྲ་རབ་ཀྱི་རྡུལ་གཅིག་ཁྱེར་ཏེ། རྡུལ་ཕྲ་རབ་ཀྱི་རྡུལ་ཇི་སྙེད་པ་དེ་སྙེད་ཀྱི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདས་ནས་དེར་རྡུལ་ཕྲ་རབ་ཀྱི་རྡུལ་གཅིག་བཞག་སྟེ། སྐྱེས་བུ་དེས་ཚུལ་དེ་བཞིན་དུ་ཤར་ཕྱོགས་ལོགས་སུ་རྡུལ་
D59.041.0293b02.01ཕྲ་རབ་ཀྱི་རྡུལ་དེ་དག་ཐམས་ཅད་ཟད་ཟད་དུ་བཀོད་པར་གྱུར་ལ། དེ་བཞིན་དུ་སྐྱེས་བུ་གཉིས་པ་ཞིག་སྐྱེས་ཏེ། དེས་ཀྱང་ལྷོ་ཕྱོགས་ལོགས་སུ་དེ་སྙེད་ཀྱི་རྡུལ་ཕྲ་རབ་ཀྱི་རྡུལ་རེ་རེ་ནས། ཚུལ་དེ་བཞིན་དུ་བོར་ཏེ། དེ་བཞིན་དུ་ཕྱོགས་བཅུར་སྐྱེས་བུ་དེ་ལྟ་བུ་རེ་རེས་ཚུལ་དེ་
D59.041.0293b03.01དང་འདྲ་བར་དེ་སྙེད་ཀྱི་རྡུལ་ཕྲ་རབ་ཀྱི་རྡུལ་ཟད་ཟད་དུ་རེ་རེ་ནས་བོར་ན་རིགས་ཀྱི་བུ་དེ་ཇི་སྙམ་དུ་སེམས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་དག་བརྒྱ་ཕྲག་ནི་འདི་སྙེད་ཅིག་ཡོད་དོ། །སྟོང་ཕྲག་ནི་འདི་སྙེད་ཅིག་ཡོད་དོ། །འབུམ་ཕྲག་ནི་འདི་སྙེད་ཅིག་
D59.041.0293b04.01ཡོད་དོ། །བྱེ་བ་ཕྲག་ནི་འདི་སྙེད་ཅིག་ཡོད་དོ། །བྱེ་བ་བརྒྱ་ཕྲག་ནི་འདི་སྙེད་ཅིག་ཡོད་དོ། །བྱེ་བ་སྟོང་ཕྲག་ནི་འདི་སྙེད་ཅིག་ཡོད་དོ། །བྱེ་བ་འབུམ་ཕྲག་ནི་འདི་སྙེད་ཅིག་ཡོད་དོ། །བྱེ་བ་ཁྲག་ཁྲིག་འབུམ་ཕྲག་ནི་འདི་སྙེད་ཅིག་ཡོད་དོ། །གཏམས་ཕྲག་ནི་འདི་སྙེད་ཅིག་ཡོད་དོ། །
D59.041.0293b05.01དཀྲིགས་ཕྲག་ནི་འདི་སྙེད་ཅིག་ཡོད་དོ། །མི་འཁྲུགས་པ་ཕྲག་ནི་འདི་སྙེད་ཅིག་ཡོད་དོ། །ཞེས་བྱ་བར་ཚད་གཟུང་བར་ནུས་སམ། གསོལ་པ། བཅོམ་ལྡན་འདས་དེ་ནི་མི་ནུས་སོ། །བདེ་བར་གཤེགས་པ་དེ་ནི་མི་ནུས་སོ། །བཅོམ་ལྡན་འདས་ཀྱིས་བཀའ་སྩལ་པ།
D59.041.0293b06.01རིགས་ཀྱི་བུ་སྐྱེས་བུ་བཅུ་པོ་དེ་དག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཇི་སྙེད་ཅིག་འདས་པ་དང་གང་དག་ཏུ་ཕྱིན་ཏེ། རྡུལ་ཕྲ་རབ་ཀྱི་རྡུལ་དེ་དག་བོར་བ་དང་། གང་དག་ལས་འདས་ཏེ་རྡུལ་ཕྲ་རབ་མ་བོར་བའི་འཇིག་རྟེན་གྱི་ཁམས་དེ་དག་ཐམས་ཅད་བཏགས་
D59.041.0293b07.01