完整藏文原文 · 德格版页 当前仅加载第 42 函德格 208b 版页；藏文 NFD、目录标记与异常页序保留在来源切片中，重复版页行以稳定序号区分。
དྲི་བའི་རྒྱུ་དང་རྐྱེན་ཡོད་པར་གྱུར་ན་སྡུག་བསྔལ་དང་དུ་བླངས་ནས་སེམས་ཅན་རྣམས་སེམས་ཅན་དམྱལ་བ་ལས་ཐར་བར་བྱེད་པས་མཽད་གལ་མཁས་པ་དག་གིས་ཐོས་པར་གྱུར་ན་ངའི་མང་དུ་ཐོས་པའི་བསྔགས་པ་བརྗོད་དེ་བྱང་ཆུབ་ཏུ་སེམས་བསྐྱེད་དེ་སྦྱིན་པ་གཏོང་བར་བྱེད། ཚུལ་ཁྲིམས་སྲུང་བར་
D61.042.0208b01.01བྱེད། བཟོད་པ་སྒོམ་པར་བྱེད། བརྩོན་འགྲུས་རྩོམ་པར་བྱེད། དགེ་བའི་བཤེས་གཉེན་ལ་བསྟེན་པའི་བསྔགས་པ་རྗོད་པར་བྱེད་དོ། །མཽད་གལ་ངས་དེ་ལྟ་བུ་ཐོས་ནས་བརྩོན་འགྲུས་ཆེན་པོ་བསྐྱེད་དེ་ཆོས་ཡོངས་སུ་གཉེར་བའི་ཕྱིར་ལྷག་པའི་བསམ་པ་བསྐྱེད་ནས་སངས་རྒྱས་རྣམས་ཀྱི་ཆོས་
D61.042.0208b02.01ཕུན་སུམ་ཚོགས་པ་ཆེན་པོ་ཐོབ་པར་བྱ་བའི་ཆེད་དུ་བརྩོན་འགྲུས་བརྩམས་སོ། །ཕ་རོལ་དུ་ཕྱིན་པ་རྣམས་ཕུན་སུམ་ཚོགས་པར་བྱ་བའི་ཆེད་དུ་བཟོད་པ་ཡོངས་སུ་བསྒོམས་སོ། །མཽད་གལ་ངས་སྔོན་ཇི་ལྟར་བཟོད་པ་ཡོངས་སུ་བསྒོམས་ཤེ་ན། སྔོན་བྱང་ཆུབ་སེམས་དཔར་གྱུར་པ་ན་འདི་
D61.042.0208b03.01ལྟར་སེམས་བསྐྱེད་དེ། ཕྱོགས་བཅུའི་འཇིག་རྟེན་གྱི་ཁམས་དག་ན་ཡོད་པའི་སེམས་ཅན་ཇི་སྙེད་པ་གཟུགས་ཅན་ནམ། གཟུགས་མེད་པའམ། འདུ་ཤེས་ཅན་ནམ། འདུ་ཤེས་མེད་པའམ། འདུ་ཤེས་མེད་འདུ་ཤེས་མེད་མིན་ཡང་རུང་སྟེ། སེམས་ཅན་དེ་དག་ཐམས་ཅད་མ་ལུས་པར་
D61.042.0208b04.01མིའི་ལུས་ཐོབ་པར་གྱུར་ནས་ཐམས་ཅད་བདག་གི་དྲུང་དུ་འོངས་ཏེ། འདི་སྐད་དུ་ཀྱེ་ཁྱོད་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་ཡིན་ལ། བདག་ཅག་ནི་འདོད་པ་ལྔའི་བདེ་བ་དང་། འཚོ་བའི་ཡོ་བྱད་ཀྱིས་མང་དུ་ཕོངས་པ་ཡིན་ཏེ། ཁྱོད་གལ་ཏེ་བདག་ཅག་ལ་
D61.042.0208b05.01སྦྱིན་པར་མི་ནུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་མི་འགྱུར་རོ་ཞེས་སེམས་ཅན་དེ་དག་གིས་དེའི་ཚེ་ཚིག་བརླང་པོས་བརྒྱད་བཀག་གམ། མི་བདེན་པས་སྐྱོན་སྨོས་སམ། ཡིད་དང་མི་འཐུན་པའི་ཕྱིར་རལ་གྲི་དང་། དབྱུག་པ་དང་། གྱོ་མོ་དག་གིས་བདག་གི་ལུས་
D61.042.0208b06.01ལ་གནོད་པ་བྱས་ཀྱང་བདག་དེའི་ཚེ་ཞེ་སྡང་དང་འགྱོད་པ་མི་བསྐྱེད་པར་བདག་གིས་འདི་ལྟར་སེམས་རབ་ཏུ་གདུལ་བར་བྱའོ། །སེམས་ཅན་འདི་དག་ནི་གླེན་ཞིང་གཏི་མུག་པ་དང་། ཤེས་པ་མེད་པས་གཏི་མུག་གི་ལས་བྱེད་པ་ཡིན་ན། གལ་ཏེ་བདག་གིས་ཀྱང་སེམས་ཅན་གླེན་ཞིང་གཏི་མུག་
D61.042.0208b07.01