完整藏文原文 · 德格版页 当前仅加载第 43 函德格 12a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་སྐྱེས་པར་གྱུར། །སྡིག་པའི་གྲོགས་པོ་རྗེས་འབྲངས་པས། །མགོན་དང་སྐྱབས་བྱེད་སུ་ཡང་མེད། །སྟོན་པ་ཆེན་པོ་མ་གཏོགས་པར། །ཕྱོགས་བཅུར་བདག་གི་མགོན་བྱེད་མེད། །བདག་གིས་རྒྱལ་སྲིད་སྤངས་ནས་ནི། །ནམ་འཚོའི་བར་དུ་སྐྱབས་སུ་
D64.043.0012a01.01མཆིས། །དགེ་སློང་དེས་ནི་རྒྱལ་པོ་དང་། །གཡོག་འཁོར་བསམ་པ་རིག་གྱུར་ནས། །དམ་པའི་དོན་ནི་རབ་ཏུ་བཤད། །རྒྱལ་པོས་ཐོས་ནས་དང་བ་ཐོབ། །འཁོར་ནི་བྱེ་བ་བརྒྱ་སྟོང་དང་། །རྒྱལ་སྲིད་སྤངས་ནས་རབ་ཏུ་བྱུང་། །སྦྱངས་པའི་སྡོམ་པ་བླངས་པས་ན། །གཞན་
D64.043.0012a02.01གྱིས་འགྲོན་གཉེར་ཡོང་མི་ལེན། །དེ་ཚེ་རྒྱལ་པོའི་ཕོ་བྲང་ནང་། །བཙུན་མོ་འཁོར་བཅས་བརྒྱད་ཁྲི་རྣམས། །དམ་པའི་དོན་ནི་ཐོས་པས་ན། །ཕྱིར་མི་ལྡོག་ལ་གནས་པར་གྱུར། །རྒྱལ་པོས་སངས་རྒྱས་གསུངས་པ་བཞིན། །ལོ་ནི་ཉི་ཤུ་རྩ་བཞིའི་བར། །ཉིན་མཚན་རྟག་པར་
D64.043.0012a03.01སྡིག་བཤགས་ཀྱང་། །འོན་ཀྱང་སྡིག་པའི་ལས་མ་ཟད། །ལོ་ནི་བྱེ་མང་སྡུག་བསྔལ་མྱོང་། །སྡིག་ཟད་དེ་བཞིན་གཤེགས་དང་ཕྲད། །སྔོན་ནི་སྐྲག་པར་བྱས་པའི་རྒྱུས། །རྣམ་སྨིན་ལྷག་མ་རྟག་པར་དམན། །མཐར་གྱིས་རྣལ་འབྱོར་རབ་བསྒོམས་ཏེ། །སངས་རྒྱས་བྱེ་བ་
D64.043.0012a04.01སྟོང་མཆོད་ནས། །སོ་སོར་ཞིང་ཁམས་གཞན་དག་ཏུ། །ཐམས་ཅད་མངོན་པར་རྫོགས་སངས་རྒྱས། །ཐམས་ཅད་ཀུན་ཀྱང་མཚན་འཐུན་པར། །ཡོན་ཏན་གྲགས་པ་ཞེས་བྱར་གྱུར། །དེ་ཚེ་རྒྱལ་པོ་རྒྱ་ཆེར་བྱིན། །དགེ་སྦྱོང་བྱམས་བཟོད་དེ་ལ་ནི། །གདུག་པའི་སེམས་ནི་
D64.043.0012a05.01བསྐྱེད་པས་ན། །ལོ་ནི་བྱེ་བ་མང་པོར་ཡང་། །སྔོན་གྱི་སྡིག་ལས་མངོན་གྱུར་པས། །ངུ་འབོད་ཆེན་པོར་ལྷུང་བར་གྱུར། །རྣམ་སྨིན་དེ་ནི་ཟད་ནས་ཀྱང་། །སླར་ཡང་མི་ལུས་ཐོབ་གྱུར་ཏེ། །དེ་བཞིན་གཤེགས་པ་ཀུན་སྤྱན་ཕྲད། །རྟག་ཏུ་བསྙེན་བཀུར་རིམ་གྲོ་བྱས། །གཞན་
D64.043.0012a06.01ཡང་སངས་རྒྱས་བྱེ་བ་ཕྲག །བརྒྱད་ཅུ་དག་ལ་རིམ་གྲོ་བྱས། །དེ་ཡི་འོག་ཏུ་སངས་རྒྱས་པ། །དེ་ནི་ང་བདག་ཉིད་ཡིན་ནོ། །ཆོས་སྨྲ་ཉེས་པ་མེད་པ་ལ། །གནོད་པ་བྱས་པའི་དགེ་སློང་ནི། །མ་འོངས་མངོན་པར་འཚང་རྒྱ་བ། །བྱང་ཆུབ་སེམས་དཔའ་བྱམས་པ་ཡིན། །
D64.043.0012a07.01