完整藏文原文 · 德格版页 当前仅加载第 43 函德格 12b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཚེ་རྒྱལ་པོ་ཕོ་བྲང་ནང་། །བཙུན་མོའི་འཁོར་ནི་བརྒྱད་ཁྲི་རྣམས། །ཤིན་ཏུ་དང་བས་དགེ་རྩ་བསྐྱེད། །སངས་རྒྱས་ཚད་མེད་རིམ་གྲོ་བྱས། །དེ་ལྟར་སྤྱོད་པ་རབ་བསྐྱེད་ནས། །སེམས་ཅན་ཕན་གདགས་སྨོན་ལམ་བཏབ། །སངས་རྒྱས་བྱེ་བ་སྟོང་མཆོད་ནས། །སོ་སོར་
D64.043.0012b01.01མངོན་པར་འཚང་རྒྱ་ཡང་། །ངས་དེང་ཁྱོད་ལ་བསྒོ་བ་ནི། །ཐམས་ཅད་གནོད་སེམས་མ་སྐྱེད་ཅིག །གང་ཞིག་བྱམས་བསྒོམས་སངས་རྒྱས་བསྔགས། །མྱུར་དུ་བྱང་ཆུབ་ཆེན་པོ་འཐོབ། །དེ་ལྟ་བས་ན་གློག་ཐོབ་སེམས་ཅན་རྣམས་ཀྱི་དབང་པོ་དང་། རང་བཞིན་དང་། བསམ་
D64.043.0012b02.01པ་དག་ལ་མི་མཁས་བ་དག་གིས་དུས་ཐམས་ཅད་དུ་གནོད་སེམས་བསྐྱེད་པར་མི་བྱའོ། །གློག་ཐོབ་འདི་ལྟ་སྟེ་དཔེར་ན་རི་རྣམས་ཀྱི་ནང་ན་རི་རབ་མཆོག་ཏུ་གྱུར་པ་དེ་བཞིན་དུ་དེ་བཞིན་གཤེགས་པའི་ཡེ་ཤེས་ཀྱང་ཡེ་ཤེས་རྣམས་ཀྱི་ནང་ན་མཆོག་དང་གཙོ་བོ་དང་། བླ་ན་མེད་པར་
D64.043.0012b03.01གྱུར་པ་ཡིན་ནོ། །འདི་ལྟ་སྟེ་དཔེར་ན་ཆུ་བོ་ཐམས་ཅད་ཀྱི་ནང་ན་རྒྱ་མཚོ་མཆོག་ཏུ་གྱུར་པ་དེ་བཞིན་དུ་དེ་བཞིན་གཤེགས་པའི་ཡེ་ཤེས་ཀྱང་ཡེ་ཤེས་རྣམས་ཀྱི་ནང་ན་མཆོག་ཏུ་ཟབ་ཅིང་རྒྱ་ཆེ་བར་གྱུར་པ་ཡིན་ནོ། །གཞན་ཡང་འདི་ལྟ་སྟེ་དཔེར་ན་རྒྱལ་པོ་རྣམས་ཀྱི་ནང་ན་འཁོར་ལོས་
D64.043.0012b04.01སྒྱུར་བའི་རྒྱལ་པོ་མཆོག་དང་། གཙོ་བོ་དང་། བླ་མར་གྱུར་པ་དེ་བཞིན་དུ་དེ་བཞིན་གཤེགས་པའི་ཡེ་ཤེས་ཀྱང་ཡེ་ཤེས་རྣམས་ཀྱི་ནང་ན་གོང་ན་མེད་པར་གྱུར་པ་ཡིན་ནོ། །གློག་ཐོབ་དེ་བཞིན་གཤེགས་པ་ནི་དེ་ལྟ་བུའི་མཁྱེན་པ་དང་ལྡན་པའི་ཕྱིར་སེམས་ཅན་ཐམས་ཅད་ཀྱི་འདོད་ཆགས་
D64.043.0012b05.01དང་། ཞེ་སྡང་དང་། གཏི་མུག་སྤྱོད་པའི་སེམས་དང་སེམས་ལས་བྱུང་བ་འཇུག་ཅིང་འགྱུར་བ་ཇི་སྙེད་པ་དེ་དག་ཐམས་ཅད་དེ་བཞིན་གཤེགས་པས་རབ་ཏུ་མཁྱེན་ཅིང་སེ་གོལ་གཏོགས་པ་གཅིག་ལ་ཐམས་ཅད་ཡོངས་སུ་སྡུད་པར་མཛད་དོ། །གློག་ཐོབ་དེ་བཞིན་གཤེགས་པ་ནི་རྣམ་པ་
D64.043.0012b06.01ཐམས་ཅད་མཁྱེན་པ་ཉིད་དང་ལྡན་པས་འདི་ལྟ་སྟེ་དཔེར་ན་སྐྱེས་བུ་མིག་དང་ལྡན་པས་རྩོལ་བ་ལ་མི་ལྟོས་པར་རང་གི་ལག་མཐིལ་ན་སྐྱུ་རུ་རའི་འབྲས་བུ་གསལ་བར་མཐོང་ཞིང་ཐེ་ཚོམ་མེད་པ་དེ་བཞིན་དུ་དེ་བཞིན་གཤེགས་པ་ཡང་སེམས་ཅན་ཐམས་ཅད་ཀྱི་སེམས་ཅན་གྱི་སྤྱོད་པ་ཇི་སྙེད་པ་དེ་དག་
D64.043.0012b07.01