完整藏文原文 · 德格版页 当前仅加载第 43 函德格 116b 版页；藏文 NFD、目录标记与异常页序保留在来源切片中，重复版页行以稳定序号区分。
བསམས་པ་ཙམ་གྱིས་{ཡི་དགས་,ཡི་དྭགས་}ཀྱི་འཇིག་རྟེན་དུ་སྐྱེས་པའི་སེམས་ཅན་རྣམས་ཡོངས་སུ་ཐར་བར་བགྱིད་པར་སྤྲོ་ལགས་སོ། །བྱང་ཆུབ་སེམས་དཔའ་ཉི་འོད་ཀྱིས་གསོལ་པ། བཅོམ་ལྡན་འདས་བདག་ནི་སེམས་ཅན་ཡོངས་སུ་མ་སྨིན་པ་རྣམས་ཡོངས་སུ་སྨིན་པར་བགྱིད་པར་སྤྲོ་ལགས་
D68.043.0116b01.01སོ། །བྱང་ཆུབ་སེམས་དཔའ་དྲི་མ་མེད་པར་གྲགས་པས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་ཀྱི་བསམ་པ་ཐམས་ཅད་ཡོངས་སུ་རྫོགས་པར་བགྱིད་པར་སྤྲོ་ལགས་སོ། །བྱང་ཆུབ་སེམས་དཔའ་གཟི་བརྗིད་སྟོབས་ཀྱིས་གསོལ་པ། བཅོམ་ལྡན་འདས་
D68.043.0116b02.01བདག་ནི་སེམས་ཅན་རྣམས་ཀྱི་ངན་སོང་གི་ཤུལ་འགུམས་པར་སྤྲོ་ལགས་སོ། །བྱང་ཆུབ་སེམས་དཔའ་ཡིད་གཉིས་སྤོང་གིས་གསོལ་པ། བཅོམ་ལྡན་འདས་བདག་ནི་སེམས་ཅན་དམན་པ་རྣམས་སྒྲོལ་བར་སྤྲོ་ལགས་སོ། །བྱང་ཆུབ་སེམས་དཔའ་བག་ཚ་བ་མེད་པར་གནས་པས་
D68.043.0116b03.01གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་བསྡུ་བའི་སླད་དུ་ལེགས་སོ་ཞེས་བགྱི་བ་སྩོལ་བར་སྤྲོ་ལགས་སོ། །བྱང་ཆུབ་སེམས་དཔའ་ཡེ་ཤེས་དཔལ་གྱིས་གསོལ་པ། བཅོམ་ལྡན་འདས་བདག་ནི་སེམས་ཅན་མོས་པ་སྣ་ཚོགས་དང་ལྡན་པ་རྣམས་མོས་པ་ཇི་ལྟ་བ་བཞིན་
D68.043.0116b04.01དུ་ཡོངས་སུ་སྨིན་པར་བགྱིད་པར་སྤྲོ་ལགས་སོ། །བྱང་ཆུབ་སེམས་དཔའ་གནས་པ་དཔག་མེད་ཀྱིས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་ལ་འདུས་མ་བགྱིས་ཀྱི་ཤུལ་ཉེ་བར་སྟོན་པར་སྤྲོ་ལགས་སོ། །བྱང་ཆུབ་སེམས་དཔའ་ཆོས་ཐམས་ཅད་ལ་བག་ཚ་བ་མེད་པར་
D68.043.0116b05.01གནས་པས་གསོལ་པ། བཅོམ་ལྡན་འདས་བདག་ནི་མོས་པ་སྣ་ཚོགས་དང་ལྡན་པའི་སེམས་ཅན་རྣམས་ལ་མོས་པ་ཇི་ལྟ་བ་བཞིན་ཡང་དག་པར་སྟོན་པར་སྤྲོ་ལགས་སོ། །བྱང་ཆུབ་སེམས་དཔའ་རིན་ཆེན་དཔལ་གྱིས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་ལ་རིན་
D68.043.0116b06.01པོ་ཆེའི་ཕུང་པོ་ཀུན་ཏུ་སྟོན་པར་སྤྲོ་ལགས་སོ། །བྱང་ཆུབ་སེམས་དཔའ་བློ་གྲོས་བཟང་པོས་གསོལ་པ། བཅོམ་ལྡན་འདས་བདག་ནི་གཟུགས་སྡུག་པ་སྟོན་པས་སེམས་ཅན་རྣམས་ཡོངས་སུ་སྨིན་པར་བགྱིད་པར་སྤྲོ་ལགས་སོ། །བྱང་ཆུབ་སེམས་དཔའ་དྲི་མེད་གཟི་བརྗིད་ཀྱིས་གསོལ་
D68.043.0116b07.01