完整藏文原文 · 德格版页 当前仅加载第 43 函德格 117b 版页；藏文 NFD、目录标记与异常页序保留在来源切片中，重复版页行以稳定序号区分。
བར་བགྱིད་པར་སྤྲོ་ལགས་སོ། །བྱང་ཆུབ་སེམས་དཔའ་ཆོས་འབྱུང་གིས་གསོལ་པ། བཅོམ་ལྡན་འདས་བདག་ནི་ཆོས་ཀྱིས་སེམས་ཅན་རྣམས་ཡོངས་སུ་ཐར་པར་བགྱིད་པར་སྤྲོ་ལགས་སོ། །བྱང་ཆུབ་སེམས་དཔའ་ཅི་ཡང་མིན་གྱིས་གསོལ་པ། བཅོམ་ལྡན་འདས་བདག་
D68.043.0117b01.01ནི་སེམས་ཅན་རྣམས་ཀྱི་ཉོན་མོངས་པའི་དུག་ཐམས་ཅད་གཞིལ་བར་སྤྲོ་ལགས་སོ། །བྱང་ཆུབ་སེམས་དཔའ་ཟླ་མཆོག་གིས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་ལ་ཆོས་ཀྱི་ཕྱོགས་རབ་ཏུ་སྟོན་པར་སྤྲོ་ལགས་སོ། །བྱང་ཆུབ་སེམས་དཔའ་སེང་གེ་བློ་གྲོས་
D68.043.0117b02.01ཀྱིས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་ལ་ཆོས་ཀྱི་སྦྱིན་པ་སྩོལ་བར་སྤྲོ་ལགས་སོ། །བྱང་ཆུབ་སེམས་དཔའ་གཞོན་ནུ་འོད་ཀྱིས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་དམན་པའི་གནས་ནས་ཡོངས་སུ་ཐར་པར་བགྱིད་པར་སྤྲོ་ལགས་
D68.043.0117b03.01སོ། །བྱང་ཆུབ་སེམས་དཔའ་སངས་རྒྱས་དཔལ་གྱིས་གསོལ་པ། བཅོམ་ལྡན་འདས་བདག་ནི་ཤུལ་བཟང་པོ་སྟོན་པས་སེམས་ཅན་རྣམས་ཀྱི་ངན་སོང་གི་ཤུལ་འགོག་པར་སྤྲོ་ལགས་སོ། །བྱང་ཆུབ་སེམས་དཔའ་གསེར་འོད་ཀྱིས་གསོལ་པ། བཅོམ་ལྡན་འདས་བདག་ནི་
D68.043.0117b04.01ལུས་སྟོན་པས་སེམས་ཅན་རྣམས་ཡོངས་སུ་སྨིན་པར་བགྱིད་པར་སྤྲོ་ལགས་སོ། །བྱང་ཆུབ་སེམས་དཔའ་བསོད་ནམས་དཔལ་གྱིས་གསོལ་པ། བཅོམ་ལྡན་འདས་བདག་ནི་སེམས་ཅན་དོན་བགྱིད་པ་རྣམས་ཀྱི་དོན་བགྱིད་པར་སྤྲོ་ལགས་སོ། །བྱང་ཆུབ་སེམས་དཔའ་འགྲོ་བ་འཛིན་
D68.043.0117b05.01གྱིས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་ཀྱི་སེམས་ཅན་དམྱལ་བའི་སྒོ་འགུམས་པར་སྤྲོ་ལགས་སོ། །བྱང་ཆུབ་སེམས་དཔའ་བདུད་རྩི་འཆང་གིས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་འཁོར་བ་ལས་སྒྲོལ་བར་སྤྲོ་ལགས་སོ། །
D68.043.0117b06.01བྱང་ཆུབ་སེམས་དཔའ་དྲ་བ་ཅན་གྱི་འོད་གཞོན་ནུར་གྱུར་པས་གསོལ་པ། བཅོམ་ལྡན་འདས་བདག་ནི་སླད་མའི་ཚེ་སླད་མའི་དུས་ན་འོད་བསྟན་པས་སེམས་ཅན་རྣམས་ཀྱི་ཉོན་མོངས་པ་རབ་ཏུ་ཞི་བར་བགྱིད་པར་སྤྲོ་ལགས་སོ། །དེ་ནས་ཚེ་དང་ལྡན་པ་ཤཱ་རིའི་བུས་བྱང་ཆུབ་སེམས་དཔའ་
D68.043.0117b07.01