完整藏文原文 · 德格版页 当前仅加载第 44 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་ཡང་ཚིགས་སུ་བཅད་དེ་བཀའ་སྩལ་པ། རྣལ་འབྱོར་ལམ་ནི་གང་སྒོམ་པ། །དགེ་སྦྱོང་སྐྱོན་འཕེན་དྲི་མ་མེད། །བར་སྣང་ཟླ་བ་རྣམ་དག་བཞིན། །སྡུག་བསྔལ་སེམས་ཅན་སྒྲོལ་བར་བྱེད། །ཡོན་ཏན་རྣམས་ནི་བསྡུ་བའི་ཕྱིར། །འཁོར་བས་
D84.044.0098b01.01ཡོངས་སུ་ངལ་མི་འགྱུར། །སེམས་ཅན་རང་བཞིན་རྟོག་བྱེད་ཅིང་། །རབ་བརྟེན་བརྩོན་འགྲུས་སྤྱོད་པར་བྱེད། །སངས་རྒྱས་ཞིང་ནི་ཚད་མེད་དུ། །སངས་རྒྱས་རྣམས་ནི་གུས་མཆོད་པས། །དེ་ཕྱིར་སྟོབས་བཅུ་གང་ལྡན་པ། །འཁོར་བས་ཡོངས་སུ་ངལ་མི་འགྱུར། །
D84.044.0098b02.01འཇིག་རྟེན་ཚད་མེད་དཔག་མེད་དུ། །བསམ་གྱིས་མི་ཁྱབ་ཆོས་སྟོན་ཅིང་། །དཀོན་མཆོག་གསུམ་གྱི་གདུང་མི་གཅོད། །ཆོས་རྒྱལ་ཉིད་དུ་མངོན་འཚང་རྒྱ། །ཚུལ་ཁྲིམས་དམ་པ་གང་སྲུང་བ། །འཁོར་བས་ངལ་བར་མི་འགྱུར་ཞིང་། །འཁོར་བའི་རང་བཞིན་
D84.044.0098b03.01གང་ཡིན་པ། །རྨི་ལམ་སྤྲིན་དང་གློག་ལྟར་ཤེས། །ཆོས་ལས་གང་ཞིག་རྣམ་གྲོལ་བ། །འཁོར་བས་ཡོངས་སུ་ངལ་མི་འགྱུར། །བྱང་ཆུབ་ལ་ནི་རབ་གནས་ཤིང་། །དགའ་བའི་སེམས་ཀྱིས་རྟག་ཏུ་བདེ། །ཐབས་ཀྱིས་ཕ་རོལ་གང་ཕྱིན་པ། །འཁོར་བས་
D84.044.0098b04.01ཡོངས་སུ་ངལ་མི་འགྱུར། །རྟག་པར་དམ་ཆོས་སྒྲུབ་པ་ཡང་། །བར་སྣང་ཟླ་བཞིན་འཕེལ་བར་འགྱུར། །སངས་རྒྱས་ཡོན་ཏན་གང་མོས་པ། །འཁོར་བས་ཡོངས་སུ་ངལ་མི་འགྱུར། །འཁོར་བ་མུ་མཐའ་མེད་གྱུར་ཀྱང་། །རྟག་པར་ཡང་དག་མཐའ་ལ་
D84.044.0098b05.01གནས། །ཡུད་ཙམ་ཤེས་རབ་རྗེས་འཐུན་པ། །འཁོར་བ་དག་གིས་ངལ་མི་འགྱུར། །གཞན་ཡང་བུ་མོ་ཆོས་བརྒྱད་དང་ལྡན་ན་སེམས་ཀྱི་ཁམས་མཉམ་པར་འགྱུར་རོ། །བརྒྱད་གང་ཞེ་ན། སེམས་ས་དང་མཚུངས་པར་གྱུར་པའི་ཕྱིར་དང་། སེམས་ཆུ་དང་མཚུངས་
D84.044.0098b06.01པར་གྱུར་པའི་ཕྱིར་དང་། སེམས་མེ་དང་མཚུངས་པར་གྱུར་པའི་ཕྱིར་དང་། སེམས་རླུང་དང་མཚུངས་པར་གྱུར་པའི་ཕྱིར་དང་། སེམས་ནམ་མཁའ་དང་མཚུངས་པར་གྱུར་པའི་ཕྱིར་དང་། སེམས་ཆོས་ཀྱི་དབྱིངས་དང་མཚུངས་པར་གྱུར་པའི་ཕྱིར་དང་། སེམས་
D84.044.0098b07.01