完整藏文原文 · 德格版页 当前仅加载第 44 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་པའི་ཕྱིར་གཟུངས་དང་། ཐོགས་པ་མེད་པའི་སྤོབས་པ་འཐོབ་པར་འགྱུར་རོ། །བརྒྱད་གང་ཞེ་ན། ཆོས་ལ་བླ་མར་བྱེད་པའི་ཕྱིར་དང་། མཁན་པོ་དང་། སློབ་དཔོན་ལ་རིམ་གྲོ་བྱེད་པའི་ཕྱིར་དང་། ཆོས་ཡོངས་སུ་གཉེར་བ་ལ་སྐྱོ་བ་མེད་པའི་
D84.044.0100a01.01ཕྱིར་དང་། ཇི་སྐད་ཐོས་པ་བཞིན་དུ་ཡང་དག་པར་སྟོན་པར་བྱེད་པའི་ཕྱིར་དང་། ཆོས་ལ་སེར་སྣ་མི་བྱེད་པའི་ཕྱིར་དང་། གཞན་གྱི་ཉེས་པ་སྒྲོགས་པར་མི་བྱེད་པའི་ཕྱིར་དང་། །ཆོས་སྨྲ་བ་དག་ལ་མཁན་པོ་བཞིན་དུ་གུས་པས་སྲི་ཞུ་བྱེད་པའི་ཕྱིར་དང་། གཞན་
D84.044.0100a02.01གྱི་ཉེས་པ་མི་མཐོང་ཞིང་ཉེས་པ་སྤོང་བར་སྐུལ་བར་བྱེད་པའི་ཕྱིར་ཏེ། འདི་ནི་བྱང་ཆུབ་སེམས་དཔའ་ཆོས་བརྒྱད་དང་ལྡན་ན་གཟུངས་དང་། ཐོགས་པ་(མད་,མེད་)པའི་སྤོབས་པ་ཕུན་སུམ་ཚོགས་པ་འཐོབ་པར་འགྱུར་བ་ཞེས་བྱའོ། །དེ་ནས་བཅོམ་ལྡན་འདས་ཀྱིས་ཡང་ཚིགས་
D84.044.0100a03.01སུ་བཅད་དེ་བཀའ་སྩལ་པ། རྩེ་གཅིག་རྟག་ཏུ་ཆོས་གཉེར་བ། །མཁན་པོ་དགེ་བཤེས་རིམ་གྲོ་བྱེད། །སྡིག་པའི་གྲོགས་པོ་སྤོང་བས་ན། །མི་ཟད་གཏེར་འཛིན་ཐོབ་པར་འགྱུར། །མང་ཐོས་ཡོངས་སུ་སྐྱོ་མེད་པར། །རབ་བརྩོན་ཆོས་ནི་གཉེར་བར་
D84.044.0100a04.01བྱེད། །ཇི་སྐད་ཐོས་བཞིན་སྟོན་བྱེད་པས། །རྙེད་པ་དག་ལ་རེ་ཚོལ་མེད། །སྤོབས་པ་རྣམ་དག་གང་ཐོབ་པ། །འཁོར་མང་དགའ་བར་བྱེད་པས་ན། །ཆོས་སྦྱིན་པ་ལ་རབ་མོས་ཤིང་། །སེར་སྣ་ཕྲག་དོག་སྤོང་བར་བྱེད། །ཆོས་སྤྱོད་མངོན་པར་ཞེན་མེད་
D84.044.0100a05.01ཅིང་། །གཟུངས་ནི་གང་ཞིག་ཐོབ་འགྱུར་བ། །ཁྲིམས་སྲུང་རང་ལུས་ལྟ་བས་ན། །གཞན་གྱི་ཉེས་སྐྱོན་ཡོང་མི་ཚོལ། །བྱམས་དང་སྙིང་རྗེ་གནས་གྱུར་ཅིང་། །དུས་མིན་ཚིག་ནི་མི་སྨྲ་བས། །ཐོགས་མེད་སྤོབས་པ་ཐོབ་གྱུར་ནས། །སྤྲོ་ཚིག་ཕ་རོལ་
D84.044.0100a06.01ཕྱིན་པ་སྟོན། །ཆོས་ནི་ལེགས་པར་སྨྲ་བ་ལ། །མཁན་པོ་བཞིན་དུ་གུས་པར་བྱེད། །སྐྱོན་འཆབ་ཉེས་པ་སྤོང་སྐུལ་བས། །མི་ཟད་ཀུན་འཛིན་རྒྱ་མཚོ་འཐོབ། །གཞན་ཡང་བུ་མོ་བྱང་ཆུབ་སེམས་དཔའ་ནི་ཆོས་རྣམ་པ་བརྒྱད་དང་ལྡན་པའི་ཕྱིར་སངས་རྒྱས་
D84.044.0100a07.01