完整藏文原文 · 德格版页 当前仅加载第 44 函德格 199b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ཞེ་ན། མི་བས་པ་ནི་བས་པར་མི་འགྱུར་ཞིང་། ཡོངས་སུ་བས་པར་མི་མཆིའོ། །གང་དག་འཁོར་བ་ལས་ཀྱང་མ་འདས་ལ། འཁོར་བའི་གྲངས་སུ་ཡང་མི་མཆི་བ་དང་། གང་དག་ལམ་དང་བྲལ་བ་ཡང་མ་ལགས་ཤིང་། ལམ་གྱི་འདུ་ཤེས་མི་སྐྱེད་པ་དེ་དག་གིས་བསྟན་པ་འདིའི་དོན་
D90.044.0199b01.01འཚལ་བར་འགྱུར་རོ། །དེ་སྐད་ཅེས་གསོལ་པ་དང་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་ལེགས་སོ་ལེགས་སོ། །ཁྱོད་ཀྱིས་ཚིག་འདི་ལེགས་པར་སྨྲས་པའོ། །དེ་ནས་དེའི་ཚེ་བཅོམ་ལྡན་འདས་ལ་ཚེ་དང་ལྡན་པ་འོད་
D90.044.0199b02.01སྲུང་ཆེན་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་མ་མཆིས་པའི་དུས་ན་གང་ལ་ལ་ཆོས་འདུལ་བ་ཟབ་མོ་འདི་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་ཉན་པ་དང་། མོས་པ་དང་ཀུན་འཚལ་བ་དང་། རབ་ཏུ་འཛིན་པར་འགྱུར་བ་འབྱུང་བ་མཆིས་སམ། དེ་སྐད་
D90.044.0199b03.01ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་བཀའ་སྩལ་ཏོ། །འོད་སྲུང་འཁོར་འདི་ཉིད་ན་ཡང་གང་དག་མ་འོངས་པའི་དུས་ན་ཆོས་འདུལ་བ་ཟབ་མོ་འདི་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་ཉན་པ་དང་། མོས་པ་དང་།
D90.044.0199b04.01ཀུན་ཤེས་པ་དང་། རབ་ཏུ་འཛིན་པར་འགྱུར་བའི་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དེ་དག་ཡོད་དོ། །འོད་སྲུང་འདི་ལྟ་སྟེ་དཔེར་ན་ཁྱིམ་བདག་གམ། ཁྱིམ་བདག་གི་བུ་ཞིག་ནོར་བུ་རིན་པོ་ཆེ་བརྒྱ་སྟོང་རི་བ་སྟོར་ན་སྡུག་བསྔལ་བ་དང་ཡིད་མི་བདེ་བར་འགྱུར་རོ། །
D90.044.0199b05.01དེ་ཉིད་རྙེད་ན་བདེ་བ་དང་ཡིད་བདེ་བ་སྐྱེ་ཞིང་ཀུན་ནས་དཀྲིས་པའི་ཡིད་ལ་བྱེད་པ་མེད་པར་འགྱུར་རོ། །འོད་སྲུང་དེ་བཞིན་དུ་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དེ་དག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་མ་སྐྱེས་པ་དང་། མ་བྱུང་བ་དང་། རང་བཞིན་
D90.044.0199b06.01གྱིས་ཡོངས་སུ་མྱ་ངན་ལས་འདས་པ་ནས་དངོས་པོ་མེད་པའི་བར་དུ་མ་ཐོས་པ་ན་འདི་སྙམ་དུ་བདག་ཅག་གིས་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་མ་སྐྱེས་པ་དང་། མ་བྱུང་བ་དང་། རང་བཞིན་གྱིས་ཡོངས་སུ་མྱ་ངན་ལས་འདས་པ་ནས་དངོས་པོ་མེད་པའི་བར་འདི་ལྟ་བུ་འདི་མ་ཐོས་སོ་སྙམ་དུ་
D90.044.0199b07.01