完整藏文原文 · 德格版页 当前仅加载第 44 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོས་ནས་དགའ་ན། འོད་སྲུང་དེ་ནི་དེ་དག་གི་ཐོས་པའི་དང་པོ་མ་ཡིན་ནོ། །འོད་སྲུང་འདི་ལྟ་སྟེ། དཔེར་ན་ནོར་བུ་མཁན་ཞིག་གིས་ནོར་བུ་རིན་པོ་ཆེ་མཐོང་ནས་གང་གི་ཚེ་དགའ་བར་གྱུར་པ་དེ་ནི་ནོར་བུ་མཁན་དེས་ནོར་བུ་རིན་པོ་ཆེ་གདོད་མཐོང་བ་མ་ཡིན་གྱི། དེ་ནི་སྔོན་ནས་རྒྱུན་ཏུ་ནོར་བུ་རིན་པོ་ཆེ་མཐོང་
D90.044.0200b01.01བའོ་ཞེས་ཤེས་པར་བྱའོ། །འོད་སྲུང་དེ་བཞིན་དུ་གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་མ་སྐྱེས་པ་དང་མ་བྱུང་བ་ནས་དངོས་པོ་མེད་པའི་བར་འདི་ཐོས་ནས་ཡིད་དགའ་བ་དང་། རབ་ཏུ་དགའ་བར་གྱུར་ཅིང་མགུ་བ་དང་། རངས་པ་དང་། ཡིད་བདེ་བ་སྐྱེས་ན་འོད་སྲུང་འདི་ནི་དེ་དག་གི་ཐོས་
D90.044.0200b02.01པའི་དང་པོ་མ་ཡིན་ནོ། །འོད་སྲུང་དེ་དག་ནི་འདི་སྐད་དུ་སྨྲ་བར་འགྱུར་ཏེ། གང་འདི་འཇམ་དཔལ་གཞོན་ནུར་གྱུར་པས་མ་སྐྱེས་པ་ནས་དངོས་པོ་མེད་པ་དང་། མ་བྱུང་བའི་བར་དུ་བསྟན་པ་འདི་ཉིད་སྨྲོས་ཤིག་ཅེས་ཟེར་བར་འགྱུར་ཏེ། དེ་དག་ནི་སྔོན་རྒྱུན་ཏུ་འཇམ་དཔལ་གཞོན་ནུར་གྱུར་པ་ལ་བསྙེན་
D90.044.0200b03.01བཀུར་བྱས་པར་གྱུར་པའོ། །འོད་སྲུང་འདི་ལྟ་སྟེ་དཔེར་ན་མི་ལ་ལ་ཞིག་གྲོང་ངམ། གྲོང་ཁྱེར་རམ། གྲོང་རྡལ་ལམ། གྲོང་གང་ཡང་རུང་བ་ཞིག་ཏུ་དགོས་པ་ལ་ལའི་ཕྱིར་སོན་པར་གྱུར་ལ། ཡང་དུས་གཞན་ཞིག་ན་དེའི་དྲུང་དུ་མི་ལ་ལ་ཞིག་སོང་སྟེ། གྲོང་ཁྱེར་དེའི་བསྔགས་པ་བརྗོད་ཅིང་ཀུན་
D90.044.0200b04.01དགའི་ར་བ་ཉམས་དགའ་བ་དང་། ཡུལ་ཉམས་དགའ་བ་དང་། རྫིང་བུ་ཉམས་དགའ་བ་དང་། སྐྱེད་མོས་ཚལ་ཉམས་དགའ་བ་དང་། ཆུ་མིག་དང་། མཚེའུ་དང་། མཚོ་བྲན་ཉམས་དགའ་བ་དང་། མེ་ཏོག་དང་། འབྲས་བུ་ཉམས་དགའ་བ་དེ་དག་གི་བསྔགས་པ་བརྗོད་ནས། དེས་དེ་ཐོས་པ་དང་
D90.044.0200b05.01དགའ་བར་ཚོར་ཏ་ཡིད་བདེ་བ་སྐྱེས་ནས་ཡང་དང་ཡང་འདི་སྐད་དུ་ཀྱེ་སྐྱེས་བུ་དེ་ཉིད་ཟློས་ཏེ་བརྗོད་ཅིག་ཅེས་འཚོལ་ན། མི་དེས་ནི་སྔོན་ཡང་གྲོང་ཁྱེར་དེ་དང་། ཀུན་དགའི་ར་བ་ཉམས་དགའ་བ་དང་། ཡུལ་ཉམས་དགའ་བ་དང་། རྫིང་བུ་ཉམས་དགའ་བ་དང་། སྐྱེད་མོས་ཚལ་ཉམས་དགའ་བ་དང་།
D90.044.0200b06.01ཆུ་མིག་དང་། མཚེའུ་དང་། མཚོ་བྲན་ཉམས་དགའ་བ་དང་། མེ་ཏོག་དང་། འབྲས་བུ་ཉམས་དགའ་བ་དག་ཀྱང་མྱོང་བ་ཡིན་པར་མི་དེས་དེ་ལྟར་རྟོགས་པར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་དེ་ཐོས་ནས་ཡིད་ཆེར་དགའ་བ་དང་། རབ་ཏུ་དགའ་བར་གྱུར་ཏེ། མགུ་བ་དང་། རངས་པ་དང་།
D90.044.0200b07.01