完整藏文原文 · 德格版页 当前仅加载第 51 函德格 291b 版页；藏文 NFD、目录标记与异常页序保留在来源切片中，重复版页行以稳定序号区分。
པར་འགྱུར་ལགས་སོ། །བཅོམ་ལྡན་འདས་དེ་བཞིན་དུ་ཆོས་ཐམས་ཅད་ནི་ཡང་དག་པའི་མཐའ་ཁོ་ནས་གནས་ལགས་སོ། །བཀའ་སྩལ་པ། འཇམ་དཔལ་ཁྱོད་ཀྱིས་ཡང་དག་པའི་མཐའ་ཤེས་སམ། གསོལ་པ། བཅོམ་ལྡན་འདས་འཚལ་ལགས་སོ། །
D118.051.0291b01.01བཀའ་སྩལ་པ། འཇམ་དཔལ་འོ་ན་ཡང་དག་པའི་མཐའ་གང་ན་འདུག །གསོལ་པ། བཅོམ་ལྡན་འདས་ཡང་དག་པའི་མཐའ་ནི་བདག་གི་མཐའ་གང་ན་མཆིས་པ་དེ་ན་མཆིས་ལགས་སོ། །ཡང་དག་པའི་མཐའ་ནི་སོ་སོའི་སྐྱེ་བོའི་ཆོས་རྣམས་གང་ན་མ་མཆིས་
D118.051.0291b02.01པ་དེ་ན་མཆིས་ལགས་སོ། །ཡང་དག་པའི་མཐའ་ནི་ལས་སམ། རྣམ་པར་སྨིན་པ་ཡང་མ་ལགས་ལ་ཆོས་ཐམས་ཅད་ཀྱི་མཐའ་ཡང་དེ་ཁོ་ན་ལགས་སོ། །བཅོམ་ལྡན་འདས་གང་དག་དེ་ལྟར་མོས་པ་དེ་དག་ནི་གང་ལས་ཀྱང་རྣམ་པར་གྲོལ་བ་མ་མཆིས་ལགས་
D118.051.0291b03.01སོ། །གང་དག་གང་ལས་ཀྱང་གྲོལ་བ་མ་མཆིས་པ་དེ་དག་ནི་ལོག་པ་ལས་རྣམ་པར་གྲོལ་བ་ལགས་སོ། །གང་དག་ལོག་པ་ལས་རྣམ་པར་གྲོལ་བ་དེ་དག་ནི་ཡང་དག་པར་རྣམ་པར་གྲོལ་བ་ལགས་སོ། །གང་དག་ཡང་དག་པར་རྣམ་པར་གྲོལ་བ་དེ་དག་ནི་སྤྱོད་ཡུལ་
D118.051.0291b04.01མ་ལགས་པ་ལ་ཞུགས་པ་ལགས་སོ། །གང་དག་སྤྱོད་ཡུལ་མ་ལགས་པ་ལ་ཞུགས་པ་དེ་དག་ནི་ཡང་དག་པར་ཞུགས་པ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་སྤྱོད་ཡུལ་མ་ལགས་པ་ཞེས་བགྱི་བ་ནི་སྤྱོད་ཡུལ་དེས་བགྱིས་ལགས་པ་སྟེ།
D118.051.0291b05.01དེའི་སླད་དུ་སྤྱོད་ཡུལ་མ་ལགས་པ་ཞེས་འདོགས་ལགས་སོ། །བཀའ་སྩལ་པ། འཇམ་དཔལ་སྤྱོད་ཡུལ་མ་ཡིན་པ་ཞེས་བྱ་བ་དེ་གང་གི་ཚིག་{བླ་དགས་,བླ་དྭགས་}ཡིན། གསོལ་པ། བཅོམ་ལྡན་འདས་སྤྱོད་ཡུལ་མ་ལགས་པ་ཞེས་བགྱི་བ་དེ་ནི་ཡང་དག་པའི་མཐའི་ཚིག་
D118.051.0291b06.01{བླ་དགས་,བླ་དྭགས་}ལགས་སོ། །བཀའ་སྩལ་པ། འཇམ་དཔལ་ལམ་སྒོམ་པ་ཞེས་བྱ་བ་དེ་གང་གི་ཚིག་{བླ་དགས་,བླ་དྭགས་}ཡིན། གསོལ་པ། བཅོམ་ལྡན་འདས་ལམ་བསྒོམ་པ་ཞེས་བགྱི་བ་དེ་ནི་ལམ་སྒོམ་པ་མ་མཆིས་པའི་ཚིག་{བླ་དགས་,བླ་དྭགས་}ལགས་སོ། །བཀའ་སྩལ་པ། འཇམ་དཔལ་
D118.051.0291b07.01