完整藏文原文 · 德格版页 当前仅加载第 51 函德格 296a 版页；藏文 NFD、目录标记与异常页序保留在来源切片中，重复版页行以稳定序号区分。
ནུར་གྱུར་པའི་སྤོབས་པ་ཐོས་སམ། གསོལ་པ། བཅོམ་ལྡན་འདས་ཐོས་ལགས་ཏེ། བཅོམ་ལྡན་འདས་བདག་ནི་བཅོམ་ལྡན་འདས་དང་འཇམ་དཔལ་གཞོན་ནུར་གྱུར་པའི་སྤོབས་པ་ཐོས་ཀྱང་ཅི་མ་རུང་སྙམ་སྟེ། དེའི་སླད་དུ་བདག་འདི་ན་མཆིས་ལགས་སོ། །དེ་ནས་བཅོམ་
D118.051.0296a01.01ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་ཚེ་དང་ལྡན་པ་ཤཱ་རིའི་བུ་ནང་དུ་མཆི་བར་མཛད་དུ་གསོལ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་དུ་ཤཱ་རིའི་བུ་ཁྱོད་གནས་ཁང་གི་ནང་དུ་ཤོག་ཅེས་བཀའ་སྩལ་ཏོ། །དེ་ནས་
D118.051.0296a02.01ཚེ་དང་ལྡན་པ་ཤཱ་རིའི་བུ་གནས་ཁང་དུ་འོངས་ནས། བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་པ་དང་། ཚེ་དང་ལྡན་པ་ཤཱ་རིའི་བུ་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་སྨྲས་སོ། །བཙུན་པ་ཤཱ་རིའི་བུ་ཁྱོད་དོན་གྱི་དབང་གང་
D118.051.0296a03.01མཐོང་བས་འདིར་འོངས། སྨྲས་པ། འཇམ་དཔལ་ཁོ་བོ་ནི་ཆོས་ཉན་པར་འདོད་པའི་ཕྱིར་འདིར་འོངས་ཏེ། འདི་ལྟར་གང་ན་བཅོམ་ལྡན་འདས་དང་། སྐྱེས་བུ་དམ་པ་ཁྱོད་ལྟ་བུ་གནས་པ་དེ་ན་བསྟན་པ་ཟབ་མོ་ཡང་དག་པར་ཕུལ་དུ་བྱུང་བ་ཡོད་དེ། དེའི་ཕྱིར་ཁོ་བོ་འོངས་སོ། སྨྲས་པ། བཙུན་པ་ཤཱ་རིའི་བུ་དེ་ནི་དེ་
D118.051.0296a04.01བཞིན་ཏེ་བསྟན་པ་འདི་ནི་ཟབ་བོ། །སྨྲས་པ། བཅོམ་ལྡན་འདས་ཉིད་དང་ཐབས་ཅིག་ཏུ་བརྩམས་པའི་ཆོས་བསྟན་པ་དེ་ཇི་ཙམ་དུ་ཟབ། སྨྲས་པ། དེ་ནི་བཙུན་པ་ཤཱ་རིའི་བུས་རྟོགས་པར་མི་འགྱུར་ཏེ། དགྲ་བཅོམ་པ་ཟག་པ་ཟད་པ་ནི་ཆོས་བསྟན་པ་འདིའི་སྣོད་མ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟར་ཆོས་
D118.051.0296a05.01བསྟན་པ་འདི་ནི་སོ་སོའི་སྐྱེ་བོའི་ཆོས་ལ་ཞུགས་པ་མ་ཡིན། དགྲ་བཅོམ་པ་ཉིད་ཀྱི་ཆོས་ལ་ཞུགས་པ་མ་ཡིན། རང་སངས་རྒྱས་ཀྱི་ཆོས་ལ་ཞུགས་པ་མ་ཡིན། དེ་བཞིན་གཤེགས་པའི་ཆོས་ལ་ཞུགས་པ་མ་ཡིན་པའི་ཕྱིར་རོ། །འདི་ནི་ཆོས་གང་དམིགས་པའི་ཕྱིར་ཡང་ཞུགས་པ་མ་ཡིན་ནོ། །འདི་ནི་གང་
D118.051.0296a06.01དུ་ཞུགས་པའམ་ལྡོག་པ་ཡང་མེད་དེ། ཆོས་ཐམས་ཅད་ཤིན་ཏུ་དབེན་པའི་ཕྱིར་རོ། །སྨྲས་པ། འཇམ་དཔལ་ཁྱོད་ཀྱིས་ཅི་ལས་བསམས་ཏེ། དགྲ་བཅོམ་པ་ཟག་པ་ཟད་པ་ཆོས་བསྟན་པ་འདིའི་སྣོད་མ་ཡིན་ཞེས་དེ་སྐད་སྨྲ། སྨྲས་པ། བཙུན་པ་ཤཱ་རིའི་བུ་དགྲ་བཅོམ་པ་ཉིད་ནི། འདོད་
D118.051.0296a07.01