完整藏文原文 · 德格版页 当前仅加载第 54 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་མྱ་ངན་ལས་འདས་ནས་ལོ་བརྒྱ་ཕྲག་གཉིས་པ་ལ་ནི་བསྟན་པ་ལ་རྣམ་པར་གྲོལ་བའི་སྙིང་པོ་ཅན་དུ་འགྱུར་རོ། །ཉན་ཐོས་རྣམས་ཀྱང་ང་ལ་སྟོན་པར་རྟོག་ཅིང་སྟོན་པར་མཁས་པར་བྱེད་པར་འགྱུར་རོ། །ཀུན་དགའ་བོ་ང་ཡོངས་སུ་མྱ་ངན་ལས་འདས་ནས་ལོ་བརྒྱ་ཕྲག་གསུམ་པ་ལ་ནི་བསྟན་པ་
D121.054.0151b01.01ལ་བསྒྲུབ་པ་སྙིང་པོར་བྱེད་པར་འགྱུར་རོ། །ངའི་ཉན་ཐོས་རྣམས་ཀྱང་གཉིས་ཀའི་ཆ་ལས་རྣམ་པར་གྲོལ་བར་འགྱུར་བའི་ལུས་ཀྱིས་མངོན་སུམ་དུ་བྱེད་ཅིང་མཐོང་བར་ཐོབ་པ་དང་ཤེས་རབ་ཀྱིས་རྣམ་པར་གྲོལ་བར་འགྱུར་རོ། །ཀུན་དགའ་བོ་ང་ཡོངས་སུ་མྱ་ངན་ལས་འདས་ནས་ལོ་བརྒྱ་ཕྲག་བཞི་པ་ལ་
D121.054.0151b02.01ནི་བསྟན་པ་ལ་རྣམ་པར་དབེན་པའི་སྙིང་པོར་བྱེད་པར་འགྱུར་རོ། །ངའི་ཉན་ཐོས་རྣམས་ཀྱང་ནང་དུ་ཡང་དག་འཇོག་ལ་དགའ་བར་འགྱུར་རོ། །ཀུན་དགའ་བོ་ང་ཡོངས་སུ་མྱ་ངན་ལས་འདས་ནས་ལོ་བརྒྱ་ཕྲག་ལྔ་པ་ལ་ནི་བསྟན་པ་ལ་ཆོས་བླ་མར་བྱེད་པར་འགྱུར་རོ། །ངའི་ཉན་ཐོས་རྣམས་ཀྱང་ཆོས་ཀྱི་
D121.054.0151b03.01ཀུན་དགའ་ར་བ་ལ་མངོན་པར་དགའ་བར་འགྱུར་རོ། །ཀུན་དགའ་བོ་ང་ཡོངས་སུ་མྱ་ངན་ལས་འདས་ནས་ལོ་བརྒྱ་ཕྲག་དྲུག་པ་ལ་ནི་བསྟན་པ་ལ་ཀློག་པ་དང་འདོན་པ་ལ་མངོན་པར་དགའ་བར་འགྱུར་རོ། །ངའི་ཉན་ཐོས་རྣམས་ཀྱང་བརྩོན་འགྲུས་རྩོམ་པར་འགྱུར་རོ། །ཀུན་དགའ་བོ་ང་ཡོངས་སུ་
D121.054.0151b04.01མྱ་ངན་ལས་འདས་ནས་ལོ་བརྒྱ་ཕྲག་བདུན་པ་ལ་ནི་བསྟན་པ་ལ་མཆོད་པ་སྙིང་པོར་བྱེད་པར་འགྱུར་རོ། །ལྷ་དང་ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་རྣམས་བསྟན་པ་ལ་བསྙེན་བཀུར་
D121.054.0151b05.01བྱེད་ཅིང་བླ་མར་བྱེད་པར་འགྱུར་བ་དང་། རྗེད་པར་འགྱུར་བ་དང་། མཆོད་པར་འགྱུར་རོ། །ངའི་ཉན་ཐོས་རྣམས་ཀྱང་རྙེད་པ་དང་བཀུར་སྟི་དང་ཚིགས་སུ་བཅད་པ་ལྷུར་ལེན་པར་འགྱུར་རོ། །ཀུན་དགའ་བོ་ང་ཡོངས་སུ་མྱ་ངན་ལས་འདས་ནས་ལོ་བརྒྱ་ཕྲག་བརྒྱད་པ་ལ་ནི་བསྟན་པ་ལ་ཞལ་ཏ་བྱེད་པར་
D121.054.0151b06.01འགྱུར་རོ། །ངའི་ཉན་ཐོས་རྣམས་ཀྱང་ཕན་ཚུན་གནོད་པ་བྱེད་པར་འགྱུར་ཞིང་ཡི་གེ་ལ་སེམས་པར་ལྟ་བ་ལ་མཁས་པ་དང་། མཁན་པོ་དང་སློབ་དཔོན་ལ་མ་གུས་པ་དང་། ཤེས་བཞིན་མེད་པར་གནས་པར་འགྱུར་བ་དང་། སྒྱུ་དང་ལྡན་ཞིང་རང་ཉིད་སྐྱེས་བུ་ངན་པའི་ཚིག་ཏུ་སྨྲ་བ་དང་། དགེ་འདུན་དང་
D121.054.0151b07.01