完整藏文原文 · 德格版页 当前仅加载第 54 函德格 152b 版页；藏文 NFD、目录标记与异常页序保留在来源切片中，重复版页行以稳定序号区分。
པོར་འགྱུར་ཞིང་ལོ་བརྒྱར་བསྲུང་བར་བྱ་བའི་ཕྱིར་ཚུལ་ཁྲིམས་ཀྱང་མྱུར་དུ་འདོར་བར་འགྱུར་རོ། །འདི་ལྟ་སྟེ་སྡིག་པ་ལ་ངེས་པར་སེམས་ཤིང་འདྲེས་པས་སྡིག་པ་དང་ཡིད་མི་བདེ་བ་ལ་སོགས་པས་དེ་བཞིན་དུ་ལོ་བརྒྱར་བསགས་པའི་དགེ་བའི་རྩ་བ་རྣམས་ཀྱང་མྱུར་དུ་འཇིག་པར་བྱེད་པར་འགྱུར་རོ། །ཀུན་
D121.054.0152b01.01དགའ་བོ་ང་ཡོངས་སུ་མྱ་ངན་ལས་འདས་ནས་ལོ་སྟོང་ཆིག་བརྒྱ་ན་དགེ་སློང་ཚུལ་ཁྲིམས་འཆལ་པ་རྣམས་འབྱུང་བར་འགྱུར་བ་ནི་འཁོར་དང་གཡོག་མང་བར་འགྱུར་རོ། །ཚུལ་ཁྲིམས་དང་ལྡན་པ་རྣམས་ནི་འཁོར་ཉུང་ཞིང་གཡོག་ཉུང་བར་འགྱུར་རོ། །དེ་ནས་ཚེ་དང་ལྡན་པ་ཀུན་དགའ་བོ་སྡུག་བསྔལ་བ་དང་
D121.054.0152b02.01ཡིད་མི་བདེ་བར་གྱུར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་འདུལ་བ་འདི་ལ་སྙིང་པོར་གྱུར་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དྲན་པ་ཉེ་བར་གཞག་པ་བཞི་དང་། ཡང་དག་པར་སྤོང་བ་བཞི་དང་། རྫུ་འཕྲུལ་གྱི་རྐང་པ་བཞི་དང་། དབང་
D121.054.0152b03.01པོ་ལྔ་དང་། སྟོབས་ལྔ་དང་། བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་ལག་བརྒྱད་པ་དང་། ཞི་གནས་དང་། ལྷག་མཐོང་དང་། རྣམ་པར་ཐར་པའི་སྒོ་གསུམ་སྟེ། ཀུན་དགའ་བོ་འདི་དག་ནི་ཆོས་འདུལ་བ་འདི་ལ་སྙིང་པོ་ཡིན་ནོ། །ཀུན་དགའ་བོ་དགེ་སློང་ཚུལ་ཁྲིམས་འཆལ་པ་རྣམས་ཀྱིས་
D121.054.0152b04.01དགེ་སློང་ཚུལ་ཁྲིམས་དང་ལྡན་པ་རྣམས་ལ་གཤེ་ཞིང་མཚང་འདྲུ་བར་འགྱུར་ཏེ། དེ་དག་ཐམས་ཅད་ནི་ལུས་དང་བྲལ་ཞིང་ཤི་བའི་འོག་ཏུ་ངན་འགྲོ་ངན་སོང་དུ་རྣམ་པར་ལྷུང་ནས་སྡུག་བསྔལ་བར་འགྱུར་རོ། །དེའི་ཚེ་གང་ཞིག་ཁྲོ་བ་མེད་པར་གྱུར་པ་དེ་དག་ཐམས་ཅད་ནི་བདེ་འགྲོ་རྣམས་སུ་སྐྱེ་བར་འགྱུར་རོ། །
D121.054.0152b05.01བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་ཚེ་དང་ལྡན་པ་ཀུན་དགའ་བོ་དང་། དགེ་སློང་དེ་དག་དང་། ཐམས་ཅད་དང་ལྡན་པའི་འཁོར་དེ་དག་དང་། ལྷ་དང་། མི་དང་། ལྷ་མ་ཡིན་དང་། ནམ་མཁའ་ལྡིང་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་
D121.054.0152b06.01ལ་མངོན་པར་བསྟོད་དོ། །འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ་རྫོགས་སོ།། །།རྒྱ་གར་གྱི་མཁན་པོ་ཀ་མ་ལ་གུཔྟ་དང་། ཞུ་ཆེན་གྱི་ལོ་ཙྪ་བ་དགེ་སློང་རིན་ཆེན་བཟང་པོས་བསྒྱུར།། །།
D121.054.0152b07.01