完整藏文原文 · 德格版页 当前仅加载第 56 函德格 179b 版页；藏文 NFD、目录标记与异常页序保留在来源切片中，重复版页行以稳定序号区分。
བསྐོར་བ་བྱས་ནས་ཚིགས་སུ་བཅད་པ་འདི་དག་གིས་མངོན་པར་བསྟོད་དོ། །ཤིན་ཏུ་ལེགས་སོ་ཆོས་ཀྱི་རྗེ། །ཏིང་ངེ་འཛིན་ལ་ཞི་བར་བཞུགས། །འཁོར་གྱི་དཀྱིལ་འཁོར་མང་པོ་རྣམས། །ཐམས་ཅད་ཐེ་ཙོམ་སྐྱེས་པར་གྱུར། །ཤིན་ཏུ་ལེགས་སོ་ཉི་ཟླའི་འོད། །ཅང་མི་གསུང་བར་
D137.056.0179b01.01སྣང་མི་མཛད། །ཤིན་ཏུ་ལེགས་སོ་རིན་ཆེན་གཏེར། །དབུལ་ཕོངས་རྣམས་ལ་སྦྱིན་མི་མཛད། །ཤིན་ཏུ་ལེགས་སོ་མི་ཡི་རྒྱལ། །ཏིང་ངེ་འཛིན་ལས་བཞེངས་སུ་གསོལ། །ཤིན་ཏུ་ལེགས་སོ་ཀླུ་ཡི་རྒྱལ། །བདུད་རྩིའི་ཆར་པ་དབབ་ཏུ་གསོལ། །ཤིན་ཏུ་ལེགས་སོ་ལྷ་ཡི་མཆོག །
D137.056.0179b02.01མྱུར་དུ་ཆོས་རྣམས་བསྟན་དུ་གསོལ། །ཤིན་ཏུ་ལེགས་སོ་སེམས་ཅན་ལ། །ཐེག་པ་གཅིག་དོན་བསྟན་དུ་གསོལ། །དེ་ནས་བཅོམ་ལྡན་འདས་ཏིང་ངེ་འཛིན་དེ་ལས་བཞེངས་ནས་འཁོར་མང་པོ་རྣམས་ལ་འདི་སྐད་ཅེས་བཀའ་སྩལ་ཏོ། །ང་ལ་རིན་པོ་ཆེ་བླ་ན་མེད་པའི་ཡེ་ཤེས་མང་དུ་ཡོད་པ་ཁྱོད་
D137.056.0179b03.01ལ་ཕན་པ་དང་བདེ་བར་མཛད་ཅིང་དབུལ་ཕོངས་པ་དང་བྲལ་བར་བྱ་བ་ཡོད་ཀྱིས་ཐེ་ཙོམ་མ་བྱེད་པར་ཅི་དང་ཅི་འདོད་པ་དྲིས་ཤིག །དེ་ནས་དགའ་བོ་སྟན་ལས་ལངས་ཏེ་སངས་རྒྱས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ནི་མང་དུ་ཐོས་པས་བླ་ན་མེད་པའི་བྱང་ཆུབ་མྱུར་དུ་འཐོབ་
D137.056.0179b04.01སྙམ་ན་མདོ་སྡེ་དག་ལས་བཤད་པ་ཐོས་པ་ལྟར་ན་མང་དུ་ཐོས་ཤིང་ཤེས་རབ་རྣོ་བའི་དབང་པོ་དང་ལྡན་པ་ནི་བྱང་ཆུབ་ཐོབ་པ་ཤིན་ཏུ་དཀའ་སྟེ་བགེགས་བརྒྱད་དུ་ཞེས་འབྱུང་ན། བདག་གིས་ཇི་ལྟར་བླ་ན་མེད་པའི་བྱང་ཆུབ་ཐོབ་པར་འགྱུར། བཅོམ་ལྡན་འདས་ཀྱིས་དགའ་བོ་ལ་བཀའ་
D137.056.0179b05.01སྩལ་པ། དགའ་བོ་མང་དུ་ཐོས་པ་ལ་སེམས་རྣམ་པ་གཉིས་ཏེ། གང་ཞེ་ན། ཏིང་ངེ་འཛིན་གྱི་སེམས་དང་། འཁྲུལ་པའི་སེམས་སོ། །སེམས་ཏིང་ངེ་འཛིན་ལ་གནས་ན་ནི་མང་དུ་ཐོས་པས་ཀྱང་གནོད་པ་མེད་དོ། །སེམས་འཁྲུལ་པ་ལ་གནས་ན་ནི་མང་དུ་ཐོས་པས་
D137.056.0179b06.01ཀྱང་ཕན་པ་མེད་དེ། གང་གིས་ཏིང་ངེ་འཛིན་དང་ཤེས་རབ་དང་ཤིན་ཏུ་ལྡན་ན་མྱུར་དུ་བླ་ན་མེད་པའི་བྱང་ཆུབ་ཐོབ་པར་འགྱུར་རོ། །དགའ་བོས་གསོལ་པ། བཅོམ་ལྡན་འདས་ཅིའི་སླད་དུ་མདོ་ཀུན་ལས་ཏིང་ངེ་འཛིན་དང་། ཤེས་རབ་ནི་མཆོག་དམ་པའོ་ཞེས་བསྟོད། བཅོམ་ལྡན་འདས་ཀྱིས་
D137.056.0179b07.01