完整藏文原文 · 德格版页 当前仅加载第 56 函德格 186b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ལ་རྟོག་པ་མང་ཞིང་ཁེ་དང་གྲགས་པ་ཚོལ་ཏེ། ནོར་རྫས་དང་། ལོངས་སྤྱོད་ལ་ཆགས་ཤིང་། ཆོག་མི་ཤེས་པ་དང་། ཆོས་སྟོན་པའི་བཤད་མཁན་ཞིག་ཡིན་ན་ཡང་སངས་རྒྱས་ཀྱི་ཆོས་སྟོན་པ་ཡང་ཁྲི་ཙམ་ལ་གཅིག་ཙམ་ཡང་ཐོག་ཏུ་མི་ཕེབས་ཏེ། འཁོར་མང་པོ་དང་འགྲོགས་ནས་གྲོང་རྒྱུ་
D137.056.0186b01.01ཞིང་ཁྱིམ་པའི་ཁྱིམ་དུ་ཞུགས་ནས་ཁྱིམ་པ་ལ་ཆོས་སྟོན་པ་ཡང་ཁེ་དང་གྲགས་པའི་ཕྱིར་ཏེ། ལོངས་སྤྱོད་མང་དུ་སོགས་ཤིང་ཤན་པ་དང་འདྲའོ། །ཤ་དང་ཆང་ལ་མི་སྤྱོད་པ་དག་གིས་དགེ་སློང་དག་ཁྱེད་ནི་བཙུན་པ་ཁྱིམ་ནས་ཁྱིམ་མེད་པར་རབ་ཏུ་བྱུང་བ་ཡིན་ན། སྙིང་རྗེའི་སེམས་ཀྱང་མེད་དེ། འདི་
D137.056.0186b02.01ལྟར་ཆོས་མ་ཡིན་པ་མང་དུ་སྤྱོད་པས་ཁྱེད་ནི་ཤན་པ་དང་འདྲའོ་ཞེས་སྤྱོ་ཞིང་བརྒྱད་པར་འགྱུར་རོ། །དགེ་སློང་དེ་དག་དེ་སྐད་ཅེས་གཤེ་བ་ཐོས་ནས་ཀུན་ལོག་སྟེ། དེ་ལ་རྡེག་པ་དང་། གཤེ་བ་དང་། བརྒྱད་བཀག་སྟེ། གཅིག་ལ་གཅིག་འདི་སྐད་དུ་སྨྲའོ། །དེ་བཞིན་གཤེགས་པ་བཞུགས་པའི་ཚེ་
D137.056.0186b03.01ན་ནི་ངེད་ཤ་དང་ཆང་འཐུང་བ་མ་གནང་སྟེ། ད་ངེད་དེ་བཞིན་གཤེགས་པ་མྱ་ངན་ལས་འདས་ནས་ད་ནི་ཅི་ཡང་གནང་བས་ངེད་ཤ་དང་ཆང་འཐུང་བ་ཡིན་ནོ། །ཁྱིམ་པ་དང་བྲལ་བའི་འོག་ཏུ་དེ་དག་གཅིག་ལ་གཅིག་བདག་ཅག་གིས་ཤེས་པ་ནི་སངས་རྒྱས་ཀྱི་ཞལ་ནས་གསུངས་པ་དང་འདྲའོ་ཞེས་སྨྲ་ཞིང་ལ་
D137.056.0186b04.01ལ་ནི་ཚིག་ཀྱལ་པ་དང་། དོན་མེད་པའི་ཚིག་དང་། འགྲན་དོར་གྱི་ཚིག་དང་། འཁྲུལ་པའི་ཚིག་ཏུ་གཏམ་སྨྲ་ཞིང་དཔེར་ན། དམུས་ལོང་ཞིག་མཛུབ་མོ་གཉིས་ཉི་མ་ལ་བཙུགས་ཏེ། ཉི་མ་ཡ་གི་ནི་བྱིན་ཆུང་ངོ་། །ཡངས་སོ། །དོག་གོ་ཞེས་སྨྲ་བའམ། མི་འོན་པ་ཞིག་བདག་གིས་གནམ་གྱི་སྟེང་ན་
D137.056.0186b05.01ཆོས་འཆད་པའི་སྒྲ་ཐོས་སོ་ཞེས་ཟེར་བ་དང་འདྲ་བར་དམུས་ལོང་མང་པོ་ཚོགས་ཏེ། འཇིག་རྟེན་ན་འཇམ་དཔལ་དང་འོད་སྲུང་ཆེན་པོ་ལ་སོགས་པ་སྤྲུལ་ཏེ། དེའི་ནང་ན་བཞུགས་ཀྱང་ཀུན་གྱིས་རྡེག་ཅིང་གཤེ་སྟེ། དེ་ནས་སྐྲོད་ཅིང་འདུག་ཏུ་མི་སྟེར་རོ། །གཞན་ཡང་དཔེར་ན་སེང་གེ་ནི་སྤོས་ཀྱི་རི་ལ་གནས་ཏེ།
D137.056.0186b06.01{རི་དགས་,རི་དྭགས་}དང་། གཅན་གཟན་གང་ཡང་གནས་དེར་ཉེར་མི་བཟོད་དོ། །སེང་གེ་རི་དེ་ལས་བྱུང་སྟེ་སོང་བའི་འོག་ཏུ་ནི་གཅན་གཟན་གདུག་པ་ཁྲོ་བོ་ལ་སོགས་པ་གཅིག་གིས་གཅིག་བོས་ཏེ། སྤོས་ཀྱི་རི་ལ་ལྷགས་ནས་འབྲས་བུ་ཞིམ་པོ་ཟ་ཞིང་ཆུ་མིག་ལ་འཐུང་ངོ་། །དེ་ལྟར་ཟ་ཞིང་འཐུང་བ་ལས་ཐམས་ཅད་སྐམས་
D137.056.0186b07.01