完整藏文原文 · 德格版页 当前仅加载第 58 函德格 42b 版页；藏文 NFD、目录标记与异常页序保留在来源切片中，重复版页行以稳定序号区分。
སོ་སོར་རྟོག་པ་ནི་དགེ་བ་ཅི་ཞེས་ཚོལ་བའོ། །སྒྲུབ་པ་ནི་གཞན་ལ་རག་མ་ལུས་པར་ཡེ་ཤེས་རབ་ཏུ་ཐོབ་པའོ། །གཞན་ཡང་རྩོམ་པ་ནི་དགོན་པ་ལ་གནས་པའོ། །རྟུལ་བ་ནི་འདུ་འཛི་ལ་མི་དགའ་བའོ། །སོ་སོར་རྟོག་པ་ནི་དབེན་པར་གནས་པ་ལ་དགའ་བའོ། །སྒྲུབ་པ་ནི་
D152.058.0042b01.01ཉོན་མོངས་པ་མེད་པར་གནས་པའོ། །གཞན་ཡང་རྩོམ་པ་ནི་འདོད་པ་ཆུང་བའོ། །རྟུལ་བ་ནི་ཆོག་ཤེས་པའོ། །སོ་སོར་རྟོག་པ་ནི་དགང་སླ་བའོ། །སྒྲུབ་པ་ནི་རུང་བ་ལ་ཚོད་ཤེས་པའོ། །གཞན་ཡང་རྩོམ་པ་ནི་ལྷག་པའི་ཚུལ་ཁྲིམས་ལ་སློབ་པའོ། །རྟུལ་བ་ནི་ཚུལ་ཁྲིམས་མི་
D152.058.0042b02.01ལྷོད་པའོ། །སོ་སོར་རྟོག་པ་ནི་ལྷག་པའི་སེམས་ལ་སློབ་པའོ། །སྒྲུབ་པ་ནི་ལྷག་པའི་ཤེས་རབ་ལ་སློབ་པའོ། །གཞན་ཡང་རྩོམ་པ་ནི་སྦྱིན་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །རྟུལ་བ་ནི་བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་
D152.058.0042b03.01རོལ་ཏུ་ཕྱིན་པའོ། །སོ་སོར་རྟོག་པ་ནི་བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པའོ། །སྒྲུབ་པ་ནི་ཡེ་ཤེས་ཀྱི་ཕ་རོལ་ཏུ་ཕྱིན་པ་དང་། ཐབས་ལ་མཁས་པའི་ཕ་རོལ་ཏུ་ཕྱིན་པའོ། །གཞན་ཡང་རྩོམ་པ་ནི་སྦྱིན་པའོ། །རྟུལ་བ་ནི་སྙན་པར་སྨྲ་
D152.058.0042b04.01བའོ། །སོ་སོར་རྟོག་པ་ནི་དོན་བྱེད་པའོ། །སྒྲུབ་པ་ནི་དོན་འཐུན་པའོ། །གཞན་ཡང་རྩོམ་པ་ནི་བྱམས་པ་ཆེན་པོའོ། །རྟུལ་བ་ནི་སྙིང་རྗེ་ཆེན་པོའོ། །སོ་སོར་རྟོག་པ་ནི་དགའ་བ་ཆེན་པོའོ། །སྒྲུབ་པ་ནི་བཏང་སྙོམས་ཆེན་པོའོ། །གཞན་ཡང་རྩོམ་པ་ནི་ཞིང་ཡོངས་སུ་དག་པར་
D152.058.0042b05.01བྱེད་པའོ། །རྟུལ་བ་ནི་མཚན་དང་དཔེ་བྱད་བཟང་པོ་ཡོངས་སུ་རྫོགས་པར་བྱེད་པའོ། །སོ་སོར་རྟོག་པ་ནི་དམ་པའི་ཆོས་ཡོངས་སུ་འཛིན་པའོ། །སྒྲུབ་པ་ནི་སེམས་ཅན་ཡོངས་སུ་སྨིན་པར་བྱེད་པའོ། །གཞན་ཡང་རྩོམ་པ་ནི་ཕུང་པོའི་བདུད་ཡོངས་སུ་ཤེས་པའོ། །རྟུལ་བ་ནི་ཉོན་
D152.058.0042b06.01མོངས་པའི་བདུད་ལས་ཤིན་ཏུ་འདའ་བའོ། །སོ་སོར་རྟོག་པ་ནི་འཆི་བདག་གི་བདུད་རྣམ་པར་སྤོང་བའོ། །སྒྲུབ་པ་ནི་ལྷའི་བུའི་བདུད་ཕམ་པར་བྱེད་པའོ། །གཞན་ཡང་རྩོམ་པ་ནི་སྡུག་བསྔལ་ཡོངས་སུ་ཤེས་པའོ། །རྟུལ་བ་ནི་ཀུན་འབྱུང་བ་སྤོང་བའོ། །སོ་སོར་རྟོག་པ་ནི་ལམ་སྒོམ་
D152.058.0042b07.01