完整藏文原文 · 德格版页 当前仅加载第 58 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་པ་དང་མ་བྱུང་བར་སོ་སོར་རྟོག་པ་འདི་ནི་དེའི་ཤེས་རབ་ཀྱི་ཕ་རོལ་ཏུ་ཕྱིན་པའོ། །གང་གི་ཚེ་སྙིང་རྗེ་ཆེན་པོ་སྔོན་དུ་བཏང་བའི་སེམས་ཀྱིས་འདུས་མ་བྱས་སུ་མི་ལྟུང་ཞིང་འབྲས་བུ་ཐོབ་པར་ཡང་མི་བྱེད་པ་འདི་ནི་དེའི་ཐབས་ལ་མཁས་པའོ། །བློ་གྲོས་རྒྱ་མཚོ་
D152.058.0087a01.01གཞན་ཡང་གང་གི་ཚེ་བྱང་ཆུབ་སེམས་དཔའ་དུས་གསུམ་མཉམ་པ་ཉིད་ཀྱི་ཕྱིར་ཐ་དད་དུ་བྱ་བའི་ཆོས་གང་ཡང་མི་མཐོང་སྟེ། ཆོས་ཀྱི་དབྱིངས་ཀྱི་མཉམ་པ་ཉིད་གང་ཡིན་པ་དེ་སེམས་ཅན་གྱི་ཁམས་ཀྱི་མཉམ་པ། སེམས་ཅན་གྱི་ཁམས་ཀྱི་མཉམ་པ་གང་ཡིན་པ་དེ་མྱ་ངན་ལས་འདས་
D152.058.0087a02.01པའི་དབྱིངས་ཀྱི་མཉམ་པ་མྱ་ངན་ལས་འདས་པའི་དབྱིངས་ཀྱི་མཉམ་པ་གང་ཡིན་པ་དེ་ཆོས་ཀྱི་དབྱིངས་ཀྱི་མཉམ་པ་སྟེ། ཆོས་ཀྱི་དབྱིངས་ལ་འཇུག་པས་མཉམ་པ་ཉིད་ལ་འཇུག་པ་འདི་ནི་དེའི་ཤེས་རབ་ཀྱི་ཕ་རོལ་ཏུ་ཕྱིན་པའོ། །གང་གི་ཚེ་སེམས་ཅན་གྱི་ཁམས་གཅིག་ཏུ་རབ་ཏུ་ཤེས་
D152.058.0087a03.01ཤིང་མྱ་ངན་ལས་འདས་པའི་དབྱིངས་ཀྱང་མངོན་སུམ་དུ་མི་བྱེད་ལ། སེམས་ཅན་གྱི་ཁམས་ལ་ལྟ་བས་ཆོས་ཀྱི་དབྱིངས་ལ་མི་ལྟ་བར་ཡང་མི་འགྱུར་བ་འདི་ནི་དེའི་ཐབས་ལ་མཁས་པའོ། །རིགས་ཀྱི་བུ་གཞན་ཡང་སྦྱིན་པ་དག་པ་ནི་ཤེས་རབ་བོ། །ཡོངས་སུ་བསྔོ་བ་དག་པ་ནི་
D152.058.0087a04.01ཐབས་སོ། །ཚུལ་ཁྲིམས་དང་བཟོད་པ་དང་བརྩོན་འགྲུས་དང་བསམ་གཏན་དག་པ་ནི་ཤེས་རབ་བོ། །ཡོངས་སུ་བསྔོ་བ་དག་པ་ནི་ཐབས་སོ། །མདོར་བསྡུ་ན་དགེ་བའི་རྩ་བ་ཐམས་ཅད་དག་པ་ནི་ཤེས་རབ་བོ། །ཡོངས་སུ་བསྔོ་བ་དག་པ་ནི་ཐབས་སོ། །བློ་གྲོས་རྒྱ་མཚོས་
D152.058.0087a05.01གསོལ་པ། བཅོམ་ལྡན་འདས་བྱང་ཆུབ་སེམས་དཔའི་དགེ་བའི་རྩ་བ་ཡོངས་སུ་དག་པ་ནི་གང་ལགས། ཡོངས་སུ་བསྔོ་བ་དག་པ་ནི་གང་ལགས། ཤེས་རབ་དག་པ་ནི་གང་ལགས། ཐབས་དག་པ་ནི་གང་ལགས། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་རྒྱ་མཚོ་
D152.058.0087a06.01དགེ་བའི་རྩ་བ་དག་པ་ནི་གང་བདག་དང་། སེམས་ཅན་དང་། སྲོག་དང་། གསོ་བ་དང་། སྐྱེས་བུ་དང་། གང་ཟག་ཏུ་ལྟ་བ་དང་བྲལ་བར་དགེ་བའི་རྩ་བ་དེ་དག་སོགས་པའོ། །ཡོངས་སུ་བསྔོ་བ་དག་པ་ནི་གང་སྟོང་པ་ཉིད་དང་མཚན་མ་མེད་པ་དང་སྨོན་པ་མེད་པ་ཡོངས་སུ་འདྲིས་
D152.058.0087a07.01