完整藏文原文 · 德格版页 当前仅加载第 58 函德格 145a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་གཉི་ག་ལས་ཞི་བ་ཞེས་བྱའོ། །འདི་ན་སྡུག་བསྔལ་དང་། ཀུན་འབྱུང་བ་དང་། འགོག་པ་དང་། ལམ་ཞེས་བྱ་བ་གང་ཡིན་པ་དེ་དག་ནི་དེ་བཞིན་གཤེགས་པ་དཔལ་སྲུང་གི་སངས་རྒྱས་ཀྱི་ཞིང་སྨད་དུ་མེད་པའི་འཇིག་རྟེན་གྱི་ཁམས་ན། རྩ་བ་དང་། རྩ་
D153.058.0145a01.01བའི་རྗེས་སུ་འགྲོ་བ་དང་། རྩ་བ་ཟད་པ་དང་། རྩ་བ་ཞི་བར་འགྱུར་བ་ཞེས་བྱའོ། །འདི་ན་དྲན་པ་ཉེ་བར་གཞག་པ་རྣམས་ཞེས་བྱ་བ་གང་ཡིན་པ་དེ་དག་ནི་གཞན་དག་ན་གནས་པ་རྣམས་ཞེས་བྱའོ། །འདི་ན་ཡང་དག་པར་སྤོང་བ་རྣམས་ཞེས་བྱ་བ་གང་ཡིན་པ་དེ་དག་ནི་གཞན་དག་ན་
D153.058.0145a02.01ཁྱད་པར་དུ་གྲོལ་བ་རྣམས་ཞེས་བྱའོ། །འདི་ན་རྫུ་འཕྲུལ་གྱི་རྐང་པ་རྣམས་ཞེས་བྱ་བ་གང་ཡིན་པ་དེ་དག་ནི་གཞན་དག་ན་ཕྱོགས་སུ་འགྲོ་བ་རྣམས་ཞེས་བྱའོ། །འདི་ན་དབང་པོ་རྣམས་ཞེས་བྱ་བ་གང་ཡིན་པ་དེ་དག་ནི་གཞན་དག་ན་རབ་ཏུ་ཤེས་པ་རྣམས་ཞེས་བྱའོ། །འདི་ན་སྟོབས་རྣམས་
D153.058.0145a03.01ཞེས་བྱ་བ་གང་ཡིན་པ་དེ་དག་ནི་གཞན་དག་ན་བསྟན་པ་རྣམས་ཞེས་བྱའོ། །འདི་ན་བྱང་ཆུབ་ཀྱི་ཡན་ལག་རྣམས་ཞེས་བྱ་བ་གང་ཡིན་པ་དེ་དག་ནི་གཞན་དག་ན་རྗེས་སུ་འགྲོ་བ་རྣམས་ཞེས་བྱའོ། །འདི་ན་ལམ་ཞེས་བྱ་བ་གང་ཡིན་པ་དེ་དག་ནི་གཞན་དག་ན་སྒྲོལ་བ་ཞེས་བྱའོ། །འདི་ན་སོ་
D153.058.0145a04.01སོ་ཡང་དག་པར་རིག་པ་ཞེས་བྱ་བ་གང་ཡིན་པ་དེ་དག་ནི་གཞན་དག་ན་མངོན་སུམ་གྱི་སྒོ་ཞེས་བྱའོ། །འདི་ན་ཆོས་ཀྱི་སྦྱིན་པ་ཞེས་བྱ་བ་གང་ཡིན་པ་དེ་ནི་གཞན་དག་ན་ལེགས་པར་སྡུད་པ་ཞེས་བྱའོ། །འདི་ན་ཞི་གནས་དང་། ལྷག་མཐོང་ཞེས་བྱ་བ་གང་ཡིན་པ་དེ་དག་ནི་གཞན་
D153.058.0145a05.01དག་ན་ཉེ་བར་ཞི་བ་དང་། རྣམ་པར་ལྟ་བ་ཞེས་བྱའོ། །འདི་ན་རྣམ་པར་ཐར་པ་ཞེས་བྱ་བ་གང་ཡིན་པ་དེ་དག་ནི་གཞན་དག་ན་དོན་ཡོད་པ་ཞེས་བྱའོ། །འདི་ན་བསོད་ནམས་ཞེས་བྱ་བ་གང་ཡིན་པ་དེ་ནི་གཞན་དག་ན་ཕན་པ་ཞེས་བྱའོ། །འདི་ན་ཡེ་ཤེས་ཞེས་བྱ་བ་གང་ཡིན་པ་དེ་ནི་
D153.058.0145a06.01གཞན་དག་ན་རྟོགས་བྱེད་ཅེས་བྱའོ། །འདི་ན་རབ་ཏུ་འབྱུང་བ་ཞེས་བྱ་བ་གང་ཡིན་པ་དེ་ནི་གཞན་དག་ན་ལམ་གྱི་རྗེས་སུ་འགྲོ་བ་ཞེས་བྱའོ། །འདི་ན་བསྙེན་པར་རྫོགས་པ་ཞེས་བྱ་བ་གང་ཡིན་པ་དེ་ནི་གཞན་དག་ན་འདའ་བར་མི་བྱ་ཞེས་བྱའོ། །འདི་ན་མྱ་ངན་ལས་འདས་པ་ཞེས་བྱ་བ་
D153.058.0145a07.01