完整藏文原文 · 德格版页 当前仅加载第 58 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
བསོད་ནམས་གཟི་བྱིན་ཡིན།། །།བམ་པོ་བདུན་པ་སྟེ་ཐ་མ། རྒྱལ་པོ་ཆེན་པོ་དེ་ནས་འཁོར་ལོས་སྒྱུར་བའི་རྒྱལ་པོ་ལྷས་བཙའ་དེས་ཚིགས་སུ་བཅད་པ་འདི་གཉིས་ཐོས་ཏེ། དེའི་མཚན་མོ་འདས་ནས་གཡོག་འཁོར་དང་བཅས་ཏེ། བཅོམ་ལྡན་
D153.058.0187b01.01འདས་དེ་བཞིན་གཤེགས་པ་འོད་རྣམ་པར་དག་པའི་འོད་ཟེར་རྒྱལ་པོ་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ཏེ། ལན་གསུམ་བསྐོར་བ་བྱས་ནས་སྲོག་ཆགས་བརྒྱད་ཁྲི་བཞི་སྟོང་དང་ལྷན་ཅིག་ཏུ་བཅོམ་ལྡན་འདས་དེའི་
D153.058.0187b02.01སྤྱན་སྔར་འཁོད་དེ། ཐལ་མོ་སྦྱར་ནས་ལྷག་པའི་བསམ་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །གཟུགས་ལ་བརྐམ་དང་སྒྲ་ལ་རྟེན་པ་དང་། །དྲི་དང་རོ་དང་རེག་ལ་གནས་པ་
D153.058.0187b03.01དང་། །འདོད་ལ་བརྐམ་དང་བདེ་བ་དགའ་བ་ཡིས། །བྱང་ཆུབ་མཆོག་འདི་རྟོགས་པར་མི་ནུས་སོ། །ལེ་ལོ་ཅན་དང་དམའ་ལ་བརྩོན་པ་དང་། །སེར་སྣ་ཅན་དང་ཚུལ་ཁྲིམས་མ་བསྡམས་དང་། །སྡང་བའི་སེམས་དང་བློ་ནི་འཁྲུལ་པ་ཡིས། །བྱང་ཆུབ་མཆོག་འདི་
D153.058.0187b04.01རྟོགས་པར་མི་ནུས་སོ། །རང་གི་བདེ་བ་ཐམས་ཅད་སྤངས་པ་དང་། །འགྲོ་བའི་སྡུག་བསྔལ་ཐམས་ཅད་བཟོད་པ་དང་། །བརྩོན་འགྲུས་བརྩམས་ཤིང་རྟག་ཏུ་ཆོས་འདོད་གང་། །དེ་ནི་འཇིག་རྟེན་དེ་འདྲའི་སངས་རྒྱས་འགྱུར། །སངས་རྒྱས་བྱང་ཆུབ་ལ་ནི་བདག་
D153.058.0187b05.01ཞུགས་པ། །སངས་རྒྱས་རྣམས་དང་ལྷ་རྣམས་དཔང་བཙུགས་ཏེ། །ཅི་ནས་བདག་ཚིག་ལོག་པར་མི་འགྱུར་བ། །དེ་ལྟར་སྨན་སླད་སྤྱོད་པ་སྤྱད་པར་བགྱི། །བྱང་ཆུབ་སེམས་ནི་བདག་གིས་རྨི་ལམ་ཐོས། །ཐོས་ནས་བདག་ནི་བྱང་ཆུབ་མཆོག་ལ་ཞུགས། །
D153.058.0187b06.01དེ་ཡི་སླད་དུ་སངས་རྒྱས་མི་ཡི་མཆོག །ཡེ་ཤེས་ལྡན་པ་དེ་འདྲ་བདག་གིས་བགྱི། །རྒྱལ་པོ་ཆེན་པོ་དེའི་ཚེ་དེའི་དུས་ན་འཁོར་ལོས་སྒྱུར་བའི་རྒྱལ་པོ་ལྷས་བཙའ་ཞེས་བྱ་བར་གྱུར་པ་དེ་གཞན་ཞིག་ཡིན་སྙམ་དུ་ཁྱོད་སོམ་ཉིའམ། ཡིད་གཉིས་སམ། ཐེ་ཚོམ་ཟ་
D153.058.0187b07.01