完整藏文原文 · 德格版页 当前仅加载第 59 函德格 311a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཀྱིས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འདུག་སྟེ། བུད་མེད་དེས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས།
D171.059.0311a01.01བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སྐྱེ་བ་གང་ནས་མཆིས། རྒ་བ་གང་ནས་མཆིས། གང་དུ་མཆི། བཅོམ་ལྡན་འདས་ན་བ་གང་ནས་མཆིས། འཆི་བ་གང་ནས་མཆིས། གང་དུ་མཆི། བཅོམ་ལྡན་འདས་གཟུགས་གང་ནས་མཆིས། ཚོར་བ་དང་། འདུ་ཤེས་དང་འདུ་བྱེད་
D171.059.0311a02.01རྣམས་དང་། རྣམ་པར་ཤེས་པ་གང་ནས་མཆིས། གང་དུ་མཆི། བཅོམ་ལྡན་འདས་སའི་ཁམས་གང་ནས་མཆིས། ཆུའི་ཁམས་དང་། མེའི་ཁམས་དང་། རླུང་གི་ཁམས་དང་། ནམ་མཁའི་ཁམས་དང་། རྣམ་པར་ཤེས་པའི་ཁམས་གང་ནས་མཆིས། གང་དུ་མཆི། བཅོམ་ལྡན་འདས་མིག་གང་ནས་
D171.059.0311a03.01མཆིས། རྣ་བ་དང་། སྣ་དང་། ལྕེ་དང་། ལུས་དང་། ཡིད་གང་ནས་མཆིས། གང་དུ་མཆི། བཅོམ་ལྡན་འདས་ཀྱིས་བཀའ་སྩལ་པ། སྲིང་མོ་སྐྱེ་བ་གང་ནས་ཀྱང་མི་འོང་། རྒ་བ་གང་ནས་ཀྱང་མི་འོང་། གང་དུ་ཡང་མི་འགྲོའོ། །སྲིང་མོ་ན་བ་གང་ནས་ཀྱང་མི་འོང་། འཆི་བ་གང་ནས་ཀྱང་མི་འོང་། གང་དུ་ཡང་མི་འགྲོའོ། །སྲིང་མོ་གཟུགས་གང་
D171.059.0311a04.01ནས་ཀྱང་མི་འོང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་གང་ནས་ཀྱང་མི་འོང་། གང་དུའང་མི་འགྲོའོ། །སྲིང་མོ་སའི་ཁམས་གང་ནས་ཀྱང་མི་འོང་། ཆུའི་ཁམས་དང་། མེའི་ཁམས་དང་། རླུང་གི་ཁམས་དང་། ནམ་མཁའི་ཁམས་དང་། རྣམ་པར་ཤེས་པའི་ཁམས་གང་ནས་ཀྱང་མི་
D171.059.0311a05.01འོང་། གང་དུ་ཡང་མི་འགྲོའོ། །སྲིང་མོ་མིག་གང་ནས་ཀྱང་མི་འོང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་གང་ནས་ཀྱང་མི་འོང་། གང་དུ་ཡང་མི་འགྲོའོ། །སྲིང་མོ་འདི་ལྟ་སྟེ། དཔེར་ན་གཙུབ་ཤིང་དང་། གཙུབ་སྟན་ལ་ཡང་བརྟེན་ལ། དེ་བསྐྱེད་པའི་མིའི་རྩོལ་བ་ལ་ཡང་བརྟེན་ན་མེ་འབྱུང་སྟེ། མེ་དེ་ཡང་
D171.059.0311a06.01རྩྭ་དང་ཤིང་དེ་བསྲེགས་ནས་རྒྱུ་མེད་པ་དང་ཤི་བར་འགྱུར་རོ། །སྲིང་མོ་འདི་ཅི་སྙམ་དུ་སེམས། མེ་དེ་གང་ནས་འོང་། གང་དུ་སོང་། གསོལ་པ། བཅོམ་ལྡན་འདས་ཞུགས་དེ་ནི་ཚོགས་པའི་དབང་གིས་བྱུང་། ཚོགས་པ་དང་བྲལ་བས་འགགས་ཏེ་འགུམ་མོ། །བཀའ་སྩལ་པ། སྲིང་མོ་དེ་བཞིན་དུ་ཆོས་ཐམས་
D171.059.0311a07.01