完整藏文原文 · 德格版页 当前仅加载第 59 函德格 311b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཀྱང་ཚོགས་པའི་དབང་གིས་འབྱུང་། ཚོགས་པ་དང་བྲལ་བས་འགགས་ཏེ། འདི་ལ་ཆོས་གང་ཡང་གང་ནས་ཀྱང་འོང་བའམ། གང་དུ་ཡང་འགྲོ་བ་མེད་དོ། །སྲིང་མོ་འདི་ལྟ་སྟེ། མིག་དང་གཟུགས་ལ་བརྟེན་ནས། མིག་གི་རྣམ་པར་ཤེས་པ་བྱུང་ཡང་མིག་གི་རྣམ་པར་ཤེས་པ་དེ་ལ་སྐྱེད་པར་བྱེད་པ་ཡང་
D171.059.0311b01.01མེད། འགགས་པར་བྱེད་པ་ཡང་མེད། གང་དུ་ཡང་སོགས་པ་མེད། ཕུང་པོ་གང་ལས་ཀྱང་འོང་བའམ། འགྲོ་བ་ཡང་མེད་ལ། གང་གི་རྣམ་པར་ཤེས་པའི་རྐྱེན་གྱིས་ལས་མངོན་པར་འདུས་བྱས་ནས་ཁམས་གསུམ་དུ་འབྲས་བུ་རྣམ་པ་གསུམ་གྱིས་འབྲས་བུ་ཉེ་བར་སྟོན་ཏེ། འབྲས་བུ་དེ་ཡང་སྟོང་པ། འོང་བ་
D171.059.0311b02.01མེད་པ། འགྲོ་བ་མེད་པ། སུས་ཀྱང་མ་བསྐྱེད་པ། སུས་ཀྱང་མ་བཀག་པ་སྟེ། སྲིང་མོ་ཆོས་ཐམས་ཅད་ནི་རང་བཞིན་གྱིས་འགགས་པའོ། །དེ་བཞིན་དུ་རྣ་བ་དང་། སྒྲ་དང་། སྣ་དང་། དྲི་དང་། ལྕེ་དང་། རོ་དང་། ལུས་དང་། རེག་བྱ་དང་། ཡིད་དང་། ཆོས་རྣམས་ལ་རྟེན་ནས་ཡིད་ཀྱི་རྣམ་པར་ཤེས་པ་བྱུང་ཡང་ཡིད་ཀྱི་རྣམ་པར་ཤེས་པ་
D171.059.0311b03.01དེ་ལ་སྐྱེད་པར་བྱེད་པ་ཡང་མེད། འགགས་པར་བྱེད་པ་ཡང་མེད། གང་ཡང་སོགས་པ་ཡང་། ཕུང་པོ་གང་ལས་ཀྱང་འོང་བའམ། འགྲོ་བ་ཡང་མེད་ལ། ཡིད་ཀྱི་རྣམ་པར་ཤེས་པའི་རྐྱེན་གྱིས་ལས་མངོན་པར་འདུ་བྱས་ནས་ཁམས་གསུམ་དུ་འབྲས་བུ་རྣམ་པ་གསུམ་གྱིས་འབྲས་བུ་ཉེ་བར་སྟོན་ཏེ། འབྲས་
D171.059.0311b04.01བུ་དེ་ཡང་སྟོང་པ་འོང་བ་མེད་པ་འགྲོ་བ་མེད་པ། སུས་ཀྱང་མ་བསྐྱེད་པ། སུས་ཀྱང་མ་བཀག་པ་སྟེ། སྲིང་མོ་ཆོས་ཐམས་ཅད་ནི་རང་བཞིན་གྱིས་འགགས་པའོ། །སྲིང་མོ་འདི་ལྟ་སྟེ་དཔེར་ན། ཤིང་དང་། པགས་པ་དང་། དབྱུག་གུ་ལ་ཡང་བརྟེན། དེ་སྐྱེད་པའི་མིའི་རྩོལ་བ་ལ་ཡང་བརྟེན་ནས་རྔའི་སྒྲ་འབྱུང་སྟེ། རྔའི་སྒྲ་དེ་
D171.059.0311b05.01འདས་པ་ཡང་སྟོང་། མ་འོངས་པ་ཡང་སྟོང་། ད་ལྟར་བྱུང་བ་ཡང་སྟོང་སྟེ། སྒྲ་ནི་ཤིང་ལ་ཡང་མི་གནས། པགས་པ་ལ་ཡང་མི་གནས། དབྱུག་གུ་ལ་ཡང་མི་གནས། མིའི་ལག་པ་ལ་ཡང་མི་གནས་མོད་ཀྱི། འོན་ཀྱང་དེའི་རྐྱེན་གྱིས་སྒྲ་འདོགས་ཏེ། གང་སྒྲ་དེ་འདོགས་པ་དེ་ཡང་སྟོང་པ། འོང་བ་མེད་པ། འགྲོ་བ་མེད་པ།
D171.059.0311b06.01སུས་ཀྱང་མ་བསྐྱེད་པ། སུས་ཀྱང་མ་བཀག་པ་སྟེ། སྲིང་མོ་ཆོས་ཐམས་ཅད་ནི་རང་བཞིན་གྱིས་འགགས་པའོ། །སྲིང་མོ་དེ་བཞིན་དུ་ཆོས་ཐམས་ཅད་ནི་རྐྱེན་གྱི་ཁོ་ན་ལ་རག་ལས་པ་སྟེ། འདི་ལྟར་མ་རིག་པ་དང་། སྲེད་པ་དང་། ལས་དང་། རྣམ་པར་ཤེས་པའོ། །ཆོས་དེ་དག་ཡོད་ན་འཆི་འཕོ་དང་། སྐྱེ་བ་འདོགས་ཏེ།
D171.059.0311b07.01