完整藏文原文 · 德格版页 当前仅加载第 61 函德格 303b 版页；藏文 NFD、目录标记与异常页序保留在来源切片中，重复版页行以稳定序号区分。
སླད་དུ། །དཔའ་བོ་ཆེན་པོས་བཤད་དུ་གསོལ། །སངས་རྒྱས་ཀུན་གྱི་ཡོན་ཏན་འབྱུང་། །ཟབ་ཅིང་རྒྱ་ཆེན་ཕུན་སུམ་ཚོགས། །མདོ་སྡེ་དམ་པ་བློ་རབ་ཀྱིས། །སྨྲ་བའི་མཆོག་གིས་བཤད་དུ་གསོལ། །འཇིག་རྟེན་མགོན་པོའི་ཐུགས་སྐྱེས་སྲས། །གཅེས་འཛིན་
D200.061.0303b01.01མཆོག་ལ་བཀའ་སྩལ་པ། །རྩེ་གཅིག་སེམས་སུ་ཡིད་བྱོས་ལ། །ཉོན་ཅིག་ད་ནི་བཤད་པར་བྱ། །བློ་དང་ལྡན་པས་ཡོན་ཏན་ཞུས། །དེ་བཞིན་གཤེགས་པས་བཀའ་སྩལ་པ། །ཆོས་སྨྲ་སེམས་ཅན་མཆོག་རྣམས་ཀྱིས། །ཆོས་ཉིད་དེ་ནི་མཉན་པར་གྱིས། །དེ་བཞིན་
D200.061.0303b02.01གཤེགས་རྣམས་དཔག་མེད་ལས། །རང་སངས་རྒྱས་ནི་ཐམས་ཅད་དང་། །ཉན་ཐོས་དག་གིས་རྣམ་ཀུན་ཏུ། །རྫོགས་པའི་སངས་རྒྱས་བསགས་པ་ན། །དེ་བཞིན་གཤེགས་པ་སྤྲོས་མེད་ལ། །བྱིས་པ་སྤྲོས་པ་སྤྱོད་པ་ཡི། །སེམས་ཅན་ཀུན་གྱིས་རྒྱལ་བ་རྣམས། །རིག་
D200.061.0303b03.01པར་མི་ནུས་སྨོས་ཅི་དགོས། །སངས་རྒྱས་ཀྱིས་ནི་སངས་རྒྱས་དང་། །སངས་རྒྱས་ཆོས་ཉིད་གང་ཡིན་དང་། །རང་བྱུང་སྐུ་ཐུགས་ཅི་འདྲ་དང་། །ཤེས་རབ་ཅི་འདྲ་རབ་ཏུ་མཁྱེན། །འཇིག་རྟེན་དུ་ནི་འཇིག་རྟེན་སྒྲོན། །རྣམ་པར་འདྲེན་པ་རྣམས་བྱུང་ཡང་། །འཇིག་
D200.061.0303b04.01རྟེན་དང་ནི་འདྲེས་མེད་ལ། །འཇིག་རྟེན་དུ་ཡང་སྣང་བ་སྟོན། །སྐུ་དང་སྐུ་ཡི་ཕྲིན་ལས་དང་། །གསུང་གིས་གང་དག་བརྗོད་པ་དང་། །ཡིད་དང་ཡིད་ཀྱི་རྣམ་རྟོག་རྣམས། །རྒྱལ་བའི་ཐམས་ཅད་འཇིག་རྟེན་འདས། །འཇིག་རྟེན་ན་ནི་ཐུགས་བརྩེ་བས། །འཇིག་རྟེན་མགོན་
D200.061.0303b05.01པོ་འོད་མཛད་པ། །འཇིག་རྟེན་ཇི་ལྟར་རྟོགས་པ་བཞིན། །སེམས་ཅན་རྣམས་ལ་ཆོས་སྟོན་ཏོ། །འཇིག་རྟེན་འདས་པའི་སྤྱོད་རྣམས་ཀྱིས། །སངས་རྒྱས་ཐམས་ཅད་ཡང་དག་འཕགས། །དེ་དག་ཕྲིན་ལས་འཇིག་རྟེན་འདས། །རྣམ་པར་སྨིན་པ་བླ་ན་མེད། །གལ་ཏེ་
D200.061.0303b06.01འཇིག་རྟེན་རྣམ་འདྲེན་རྣམས། །འཇིག་རྟེན་འཐུན་པར་མི་འཇུག་ན། །སངས་རྒྱས་ཆོས་ཉིད་གང་ཡིན་དང་། །སངས་རྒྱས་སུས་ཀྱང་ཤེས་མི་འགྱུར། །འཇིག་རྟེན་ཀུན་ལ་ཕན་བཞེད་པ། །སྐྱོབ་པ་རྫུ་འཕྲུལ་ལྡན་པ་པོ། །རང་བྱུང་སྡིག་པ་མི་མངའ་བ། །དེ་དག་གཡོ་
D200.061.0303b07.01