完整藏文原文 · 德格版页 当前仅加载第 61 函德格 307a 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་ནི་མྱ་ངན་འདས། །ཚིག་གི་ལམ་གྱིས་རབ་ཏུ་ཕྱེ། །སངས་རྒྱས་ཡེ་ཤེས་མཐའ་ཡས་ཏེ། །ཆོས་ཀྱི་དབྱིངས་ལས་བྱུང་ཡིན་ཡང་། །སངས་རྒྱས་ཞིང་ནི་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །རྫོགས་པའི་
D200.061.0307a01.01སངས་རྒྱས་བསམ་མི་ཁྱབ། །དེ་བཞིན་གཤེགས་པ་བསམ་མི་ཁྱབ། །སེམས་ཅན་འདུལ་བའི་དོན་གྱི་ཕྱིར། །འདི་ནི་འཇིག་རྟེན་འཐུན་འཇུག་ཡིན། །ཟག་མེད་ཡོད་པ་མ་ཡིན་ཡང་། །དེ་བཞིན་གཤེགས་པ་ཉན་ཐོས་ལ། །ཟག་པ་མེད་པ་ཉིད་གསུང་
D200.061.0307a02.01བ། །འདི་ནི་འཇིག་རྟེན་འཐུན་འཇུག་ཡིན། །མཁྱེན་པས་དེ་དག་གཉིས་མིན་ཡང་། །དུས་གསུམ་དག་ནི་རྣམས་གཟིགས་ཤིང་། །གཉིས་ཀྱི་འདུ་ཤེས་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །སངས་རྒྱས་ཆོས་ཉིད་གང་ཡིན་དང་། །
D200.061.0307a03.01སངས་རྒྱས་རིག་པར་སུ་འདོད་པ། །དེ་ནི་ཆོས་དབྱིངས་ཞུས་ཤིག་པ། །འདི་ནི་འཇིག་རྟེན་འཐུན་འཇུག་ཡིན། །སྐྱེ་བ་མེད་པ་བཟོད་བསྟེན་པ། །རྟག་ཏུ་ཡང་དག་རབ་ཏུ་མཁྱེན། །མཁྱེན་ནས་རབ་ཏུ་སྟོན་མཛད་པ། །འདི་ནི་འཇིག་རྟེན་འཐུན་འཇུག་
D200.061.0307a04.01ཡིན། །རྟག་ཏུ་ཆོས་ཀྱི་དབྱིངས་མཚུངས་ཏེ། །འཇུག་པ་མེད་ཅིང་འབྱུང་མེད་ཀྱང་། །འགྲོ་བ་གནས་པ་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །མི་སྐྱེ་བ་ལ་གཅིག་པ་འམ། །མང་པོ་ཡོད་པ་མ་ཡིན་ཡང་། །སྣ་ཚོགས་
D200.061.0307a05.01རིམ་པ་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །དེ་དག་ཐ་དད་སྐུ་མེད་ཀྱང་། །སངས་རྒྱས་ཞིང་རྣམས་དཔག་མེད་དུ། །སྐུ་ལུས་དག་ནི་སྤྲུལ་མཛད་པ། །འདི་ནི་འཇིག་རྟེན་འཐུན་འཇུག་ཡིན། །སྟོང་གསུམ་བྱེ་བ་བརྒྱ་བགྲངས་
D200.061.0307a06.01པ། །སངས་རྒྱས་ཞིང་དུ་བརྗོད་བྱ་བ། །དེར་ནི་སྐྱེ་བ་སྟོན་མཛད་པ། །འདི་ནི་འཇིག་རྟེན་འཐུན་འཇུག་ཡིན། །དེ་བཞིན་གཤེགས་པས་དུས་ཀུན་ཏུ། །ཆོས་ནི་གནས་པར་རབ་མཁྱེན་ཀྱང་། །ཆོས་ཀྱི་འཁོར་ལོ་རབ་སྐོར་བ། །འདི་ནི་འཇིག་རྟེན་
D200.061.0307a07.01