完整藏文原文 · 德格版页 当前仅加载第 62 函德格 67b 版页；藏文 NFD、目录标记与异常页序保留在来源切片中，重复版页行以稳定序号区分。
བས་ལུང་འབོགས་པར་བྱེད། མ་བསླབས་པའི་བྱང་ཆུབ་སེམས་དཔའ་རྣམས་ལ་བརྙས་པའི་སེམས་མི་སྐྱེད། བཞིན་འཛུམ་པ་དང་གསོང་པོར་སྨྲ་ལ། ཚིག་མི་བརླང་མི་གཏུམ་མི་རྩུབ་པ་དང་། དགའ་བ་དང་སྙན་པར་སྨྲ་ཞིང་། དེ་སྲོག་གི་ཕྱིར་ཡང་ཐེག་པ་ཆེན་པོ་མི་སྤོང་
D202.062.0067b01.01ལ་དེ་ཐེག་པ་ཆེན་པོ་ལ་ཞུགས་པའི་བྱང་ཆུབ་སེམས་དཔའ་རྣམས་དང་། ཐེག་པ་ཆེན་པོ་ཀློག་པ་རྣམས་དང་། ཐེག་པ་ཆེན་པོ་ཡོངས་སུ་འཛིན་པ་རྣམས་ལ་ཅི་ནུས་ཅི་ལྕོགས་ཀྱིས་སྙིང་ནས་ལྷག་པའི་བསམ་པས་ཡོངས་སུ་འཛིན་པར་བྱེད་ཅིང་། དེ་སུ་དང་ཡང་ལྷན་ཅིག་འགྱེད་
D202.062.0067b02.01པ་དང་རྩོད་པར་མི་བྱེད་ལ། དེ་སྔོན་མ་བྱུང་བ་དང་མ་ཐོས་པའི་མདོ་སྡེ་རྣམས་ཚོལ་བའི་རང་བཞིན་ཅན་ཡིན་ཞིང་། གང་དག་ལས་ཐོས་པ་དེ་དག་ལ་སྟོན་པ་ལ་གུས་པ་དྲག་པོ་ལྟ་བུ་སྐྱེད་པར་བྱེད། བྱང་ཆུབ་སེམས་དཔའ་གཞན་བྱང་ཆུབ་སེམས་དཔའི་སྤྱོད་པ་ལ་མ་
D202.062.0067b03.01བསླབས་པ་དག་ལ་ཁྱད་དུ་གསོད་པར་མི་བྱེད། ཉེས་པ་བདེན་པ་དང་མི་བདེན་པས་གཞན་དག་ལ་གླེང་བར་མི་བྱེད་ལ། ཉེས་པ་གཞན་གྱི་འཁྲུལ་པ་ཡང་མི་ཚོལ་ཞིང་བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ལ་སློབ་པ་འདི་ནི་འཇམ་དཔལ་
D202.062.0067b04.01བྱང་ཆུབ་སེམས་དཔའ་ཉན་ཐོས་ཀྱི་རྫུ་འཕྲུལ་གྱིས་འགྲོ་བ་ལྟ་བུ་པ་ཡིན་པར་རིག་པར་བྱའོ། །འཇམ་དཔལ་ཇི་ལྟར་བྱང་ཆུབ་སེམས་དཔའ་དེ་བཞིན་གཤེགས་པའི་རྫུ་འཕྲུལ་གྱིས་འགྲོ་བ་ལྟ་བུ་པ་ཡིན་པར་རིག་པར་བྱ་ཞེ་ན། འཇམ་དཔལ་དཔེར་ན་མི་ལ་ལ་ཞིག་འཇིག་རྟེན་
D202.062.0067b05.01གྱི་ཁམས་དེ་དག་ཉིད་འདའ་བར་འདོད་ལ། དེར་ཡང་དེའི་བྱ་བ་དང་། བྱ་བ་ཆེན་པོ་དང་། དོན་དང་། དོན་ཆེན་པོ་དང་། ཆེད་ཆེ་བ་དང་། ཆེད་ཆེ་རབ་ཅིག་ཡོད་ནས་དེ་འདི་སྙམ་དུ་སེམས་ཏེ། བདག་གིས་རྫུ་འཕྲུལ་ཇི་ལྟ་བུ་ཞིག་གིས་འཇིག་རྟེན་གྱི་ཁམས་དེ་དག་མྱུར་
D202.062.0067b06.01དུ་འདའ་བར་བྱ་སྙམ་མོ། །དེ་ཡང་འདི་སྙམ་དུ་དཔྱོད་དེ། མ་ལ་བདག་གིས་འཇིག་རྟེན་གྱི་ཁམས་དེ་དག་འདའ་བར་བྱ་བའི་ཕྱིར་དེ་བཞིན་གཤེགས་པ་ལ་གསོལ་བ་གདབ་གོར་མ་ཆག་སྙམ་ནས། འཇམ་དཔལ་མི་དེ་ཡང་དེ་བཞིན་གཤེགས་པའི་ཐད་དུ་སོང་ནས་
D202.062.0067b07.01