完整藏文原文 · 德格版页 当前仅加载第 62 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིད་ཡོངས་སུ་དག་པ་ལ་དགོད། ཚུལ་ཁྲིམས་དང་། དགེ་བའི་ཆོས་ཅན་ལ་དགོད། ཐེག་པ་ཆེན་པོ་ལ་ཞུགས་པའི་བྱང་ཆུབ་སེམས་དཔའ་རྣམས་དང་། ཐེག་པ་ཆེན་པོ་ཀློག་པ་རྣམས་དང་། ཐེག་པ་ཆེན་པོ་ཡོངས་སུ་འཛིན་པ་རྣམས་ལ་གུས་པ་དང་བཅས། ཞེ་ས་དང་
D202.062.0068b01.01བཅས་པར་བྱེད་ལ། དེར་གཞོལ། དེར་འབབ། དེར་བབ་ཅིང་དེ་དག་དང་ལྷན་ཅིག་ཏུ་གནས་ཏེ། དེ་དག་ལ་སྙེན་ཅིང་སྟེན་ལ་བསྙེན་བཀུར་བྱེད་ཅིང་དེ་དག་དང་ལྷན་ཅིག་ཏུ་འདྲིས་པར་བྱེད། ཀུན་ཏུ་སྤྱོད་ཅིང་ལོངས་སྤྱོད་པར་བྱེད་ལ། དེ་དག་དང་ཀུན་དགའ་ར་བའམ། གཙུག་
D202.062.0068b02.01ལག་ཁང་ངམ། འཆག་སར་སྤྱོད་ཡུལ་འཐུན་པར་གནས་པར་བྱེད། དེ་ཐེག་པ་ཆེན་པོ་ཡོངས་སུ་ཚོལ་ཞིང་སྡུད་ལ་འཆང་བར་བྱེད། མར་མེ་དང་། བདུག་པ་དང་། མེ་ཏོག་དང་། སྤོས་དང་། མེ་ཏོག་ཕྲེང་དང་། བྱུག་པ་དག་གིས་མཆོག་ཏུ་གུས་པ་དྲག་པོས་མཆོད་
D202.062.0068b03.01པར་བྱེད་དེ། ཐེག་པ་ཆེན་པོ་ཀློག་ཅིང་ཁ་ཏོན་བྱེད་ལ། གཞན་དག་ཀྱང་དགའ་བ་དང་། མཆོག་ཏུ་དགའ་བ་ཆེན་པོ་དྲག་པོས་ཀློག་ཏུ་འཇུག་ཅིང་ཁ་ཏོན་བྱེད་དུ་འཇུག །མ་བསླབས་པའི་བྱང་ཆུབ་སེམས་དཔའ་རྣམས་ལ་བརྙས་པའི་སེམས་མི་སྐྱེད་ལ། བྱང་ཆུབ་
D202.062.0068b04.01སེམས་དཔའ་གཞན་དག་ཀྱང་བསླབ་པ་དེ་ཁོ་ན་ལ་འགོད་པར་བྱེད། དེ་བཞིན་འཛུམ་ཞིང་གསོང་པོར་སྨྲ་ལ། གཞན་དག་ཀྱང་བཞིན་འཛུམ་ཞིང་གསོང་པོར་སྨྲ་བ་ལ་དགོད། དེ་ཚིག་མི་བརླང་། མི་གཏུམ། མི་རྩུབ་ལ། གཞན་དག་ཀྱང་བསླབ་པ་དེ་ཁོ་ན་ལ་
D202.062.0068b05.01དགོད་ཅིང་། དེ་དགའ་བ་དང་སྙན་པར་སྨྲ་ལ། སྲོག་གི་ཕྱིར་ཡང་ཐེག་པ་ཆེན་པོ་མི་སྤོང་ཞིང་། དེ་ཐེག་པ་ཆེན་པོ་ལ་ཞུགས་པའི་བྱང་ཆུབ་སེམས་དཔའ་རྣམས་དང་། ཐེག་པ་ཆེན་པོ་ཀློག་པ་རྣམས་དང་། ཐེག་པ་ཆེན་པོ་ཡོངས་སུ་འཛིན་པ་རྣམས་ལ་གུས་པ་དྲག་པོ་དང་།
D202.062.0068b06.01དགའ་བ་དང་། མཆོག་ཏུ་དགའ་བ་ཆེན་པོས་སྲི་ཞུ་བྱ་བའི་ཕྱིར་ཉེ་བར་གནས་ལ། གཞན་དག་ཀྱང་བསམ་པ་ཆེན་པོ་དང་། ལྷག་པའི་བསམ་པས་བསླབ་པ་དེ་ཁོ་ན་ལ་འགོད་པར་བྱེད། སུ་དང་ཡང་ལྷན་ཅིག་འགྱེད་པ་དང་རྩོད་པར་མི་བྱེད། དེ་སྔོན་མ་བྱུང་བ་དང་།
D202.062.0068b07.01