完整藏文原文 · 德格版页 当前仅加载第 63 函德格 79b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། བྱི་རུ་དང་། ས་ལེ་སྦྲམ་དང་། དངུལ་དང་། གོས་དང་། རྒྱན་དང་། ནོར་དང་། འབྲུ་དང་། བང་བ་དང་། མཛོད་ལ་སོགས་པ་དེ་དག་ཐམས་ཅད་བོར་ནས་འགྲོ་དགོས་སོ། །དེ་དག་ཐམས་ཅད་ཀྱང་མི་རྟག་པ། མི་བརྟན་པ། ཡིད་བརྟན་དུ་མི་རུང་བ། འགྱུར་བའི་ཆོས་ཅན། ཡུན་ཐུང་
D221.063.0079b01.01བ། མི་གནས་པ། གཡོ་བ། འགུལ་བ། འཇིག་པ། སྐད་ཅིག་པ། མཐར་སྡིག་པ། ཟད་པ་དང་། དེངས་པའི་སྒོ། མཐར་འཇིག་པའི་ཆོས་ཅན། མཐར་འགྱེས་པ། འཇིགས་པ་དང་བཅས་པ། གནོད་པ་དང་བཅས་པ། མྱ་ངན་དང་། འཁྲུག་པ་མང་བ། འདྲུལ་བ། འབྲུལ་
D221.063.0079b02.01བ། འཆད་པ། འབྱེ་བ། འཇོམས་པ། རྣམ་པར་འཇིག་པའི་ཆོས་ཅན་ཏེ། རྒྱལ་པོ་ཆེན་པོ་དེ་ལྟ་བས་ན་མི་རྟག་པར་ལྟ་ཞིང་ཟད་པ་དང་དེངས་པའི་སྒོ་ཡིན་པར་བལྟ་བར་བྱ་སྟེ་འཆི་བས་འཇིགས་སྐྲག་པར་བྱའོ། །རྒྱལ་པོ་ཆེན་པོ་ཁྱོད་ཆོས་ཁོ་ནས་རྒྱལ་སྲིད་གྱིས་ཤིག །ཆོས་
D221.063.0079b03.01མ་ཡིན་པས་ནི་མི་བྱའོ། །ཁྱོད་ཆོས་དང་འཐུན་པར་གྱིས་ཤིག །ཆོས་མ་ཡིན་པ་དང་འཐུན་པར་ནི་མི་བྱའོ། །དེ་ཅིའི་ཕྱིར་ཞེ་ན། རྒྱལ་པོ་ཆེན་པོ་འདི་ལྟ་སྟེ་དཔེར་ན་ཤིང་རྣམས་ལས་མེ་ཏོག་དག་བྱུང་ནས་འབྲས་བུ་རྣམས་འབྱུང་བར་འགྱུར་རོ། །འབྲས་བུ་དག་ཏུ་གྱུར་ནས་འབྲས་བུ་དག་ཀྱང་ཡལ་
D221.063.0079b04.01བར་འགྱུར་རོ། །ལོ་མ་སྔོན་པོར་གྱུར་པ་ལས་སེར་པོར་འགྱུར་རོ། །སེར་པོར་གྱུར་ནས་ཡང་ཐམས་ཅད་དུ་མེད་པར་འགྱུར་རོ། །རྒྱལ་པོ་ཆེན་པོ་འདི་ལྟ་སྟེ་དཔེར་ན་མེའི་ཕུང་པོ་ཆེན་པོ་འབར་བ། རབ་ཏུ་འབར་བ། ཀུན་ཏུ་རབ་ཏུ་མཆེད་ཅིང་འབར་བ་མེ་ལྕེ་གཅིག་ཏུ་གྱུར་པ་ཇི་ལྟར་ཡུན་རིང་ཡང་
D221.063.0079b05.01འབར་ནས་ཞི་བར་འགྱུར་རོ། །ཉི་མ་དང་ཟླ་བ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ། འདི་ལྟར་དབང་ཆེ་བར་གྲགས་པ། རང་གི་གཟི་བརྗིད་ཀྱིས་རྣམ་པར་མཛེས་པ་འདི་གཉིས་ཀྱང་འཇིག་རྟེན་འདི་སྣང་བར་བྱས་ནས་ནུབ་པར་འགྱུར་རོ། །ལྷའི་བུ་སྤྲིན་སྡུད་དམ། ཆར་འབེབས་
D221.063.0079b06.01པ་དག་འབྲུག་བསྒྲགས། སྒྲ་ཕྱུང་སྟེ། ནམ་མཁའ་ཁེབས་པར་བྱས་ནས་ཆར་གྱི་རྒྱུན་ཕབ་ཀྱང་ཆར་པ་ཐ་མར་མི་སྣང་བར་འགྱུར་རོ། །རྒྱལ་པོ་ཆེན་པོ་དེ་བཞིན་དུ་རྒྱལ་སྲིད་ཀྱི་བདེ་བ་དང་། རྒྱལ་པོའི་དབང་ཕྱུག་གི་བདེ་བ་དང་། འདོད་པའི་བདེ་བ་དང་། འདོད་པའི་ལོངས་སྤྱོད་ཀྱི་བདེ་བ་
D221.063.0079b07.01