完整藏文原文 · 德格版页 当前仅加载第 63 函德格 84a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་ཏེ། དེ་ལྟར་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་འདི་ཡང་འབྱུང་བར་འགྱུར་རོ། །དེ་ལ་མ་རིག་པ་འགགས་པས་འདུ་བྱེད་འགག །འདུ་བྱེད་འགགས་པས་རྣམ་པར་ཤེས་པ་འགག །རྣམ་པར་ཤེས་པ་འགགས་པས་མིང་དང་གཟུགས་འགག །མིང་
D221.063.0084a01.01དང་གཟུགས་འགགས་པས་སྐྱེ་མཆེད་དྲུག་འགག །སྐྱེ་མཆེད་དྲུག་འགགས་པས་རེག་པ་འགག །རེག་པ་འགགས་པས་ཚོར་བ་འགག །ཚོར་བ་འགགས་པས་སྲེད་པ་འགག །སྲེད་པ་འགགས་པས་ལེན་པ་འགག །ལེན་པ་འགགས་པས་སྲིད་པ་འགག །སྲིད་པ་འགགས་པས་སྐྱེ་བ་
D221.063.0084a02.01འགག །སྐྱེ་བ་འགགས་པས་རྒ་ཤི་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་འགག་པར་འགྱུར་ཏེ། དེ་ལྟར་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་འདི་ཡང་འགག་པར་འགྱུར་རོ། །རྒྱལ་པོ་ཆེན་པོ་
D221.063.0084a03.01དེ་ལྟ་བས་ན། འདོད་ཆགས་ཀྱིས་མ་ཆགས་པ་དང་། ཞེ་སྡང་གིས་མི་སྡང་བ་དང་། གཏི་མུག་གིས་མ་རྨོངས་པ་དང་། རྒྱལ་སྲིད་ཀྱི་དབང་ཕྱུག་དང་། དབང་གི་དྲེགས་པ་མེད་པར་ཆོས་ཁོ་ནས་རྒྱལ་སྲིད་གྱིས་ཤིག །ཆོས་མ་ཡིན་པས་ནི་མི་བྱའོ། །ཁྱོད་ཆོས་དང་འཐུན་པར་གྱིས་
D221.063.0084a04.01ཤིག །ཆོས་མ་ཡིན་པ་དང་འཐུན་པར་ནི་མི་བྱའོ། །དེ་ཅིའི་ཕྱིར་ཞེ་ན། རྒྱལ་པོ་ཆེན་པོ་འདོད་པ་རྣམས་ཀྱི་རྙེད་པ་དང་། རབ་ཏུ་རྙེད་པ་དང་། ངོམས་པར་མི་འགྱུར་བའི་བར་དུང་སྨྲ་སྟེ། རབ་ཏུ་ངོམས་པར་མི་འགྱུར་རོ། །ཞེས་ང་སྨྲའོ། །གང་དག་འཕགས་པའི་ཤེས་རབ་ཀྱིས་ངོམས་
D221.063.0084a05.01པར་གྱུར་པ་དེ་དག་ནི་ངོམས་སོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །མི་ཉིད་འདི་ནི་འགྲོ་བར་འགྱུར། །འཆི་བདག་རབ་ཏུ་མི་བཟད་འོང་། །ཁྱོད་ཀྱི་ཚེ་འདི་མི་བརྟན་གྱིས། །རྒྱལ་པོ་བག་མེད་མ་བྱེད་ཅིག །ནོར་ནི་གཏང་གི་ལུས་ནི་
D221.063.0084a06.01བསྲུང་བར་བྱ། །ཡན་ལག་གཏང་གི་སྲོག་ནི་བསྲུང་བར་བྱ། །ནོར་དང་ཡན་ལག་རྣམས་དང་དེ་བཞིན་སྲོག །ཐམས་ཅད་གཏང་གི་འདིར་ནི་ཆོས་བསྲུང་ངོ་། །ཆོས་སྤྱོད་པ་ནི་ཆོས་ལ་སྲུང་བར་བྱེད། །དཔེར་ན་དབྱར་དུས་གདུགས་ཆེན་བསྲུང་བ་བཞིན། །ཆོས་སྤྱོད་པ་ཡི་ཕན་ཡོན་འདི་
D221.063.0084a07.01