完整藏文原文 · 德格版页 当前仅加载第 66 函德格 21a 版页；藏文 NFD、目录标记与异常页序保留在来源切片中，重复版页行以稳定序号区分。
བར་ཡང་གྱིས་ཤིག །བྱོལ་བར་བྱ་བ་རྣམས་ལ་ནི་བྱོལ་ཅིག །བསྡད་པར་བྱ་བ་རྣམས་ལ་ནི་སྡོད་ཅིག །གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་ལ་མི་གདའ་བ་ཡང་ལགས། ཇི་ལྟར་ན་ཐམས་ཅད་དུ་གདའ་བ་ཡང་ལགས།
D244.066.0021a01.01ཇི་ལྟར་ན་བྱོལ་བར་བགྱི་བ་རྣམས་ལ་བྱོལ་བ་ལགས། ཇི་ལྟར་ན་བསྡད་པར་བགྱི་བ་རྣམས་ལ་སྡོད་པར་བགྱིད་པ་ལགས། བཀའ་སྩལ་པ། མི་སྣང་བར་བྱ་བ་ནི་ལྟུང་བ་དང་འཁྲུལ་པ་ཐམས་ཅད་ལས་ཡང་དག་པར་འདས་པར་བྱ་བའོ། །ཐམས་ཅད་དུ་སྣང་བར་ཡང་བྱ་བ་ནི་བྱང་
D244.066.0021a02.01ཆུབ་ཀྱི་ཕྱོགས་ཀྱི་ཆོས་ཡང་དག་པར་བསྒྲུབ་པའི་ཕྱིར་རོ། །བྱོལ་བར་བྱ་བ་རྣམས་ལས་འབྱོལ་བ་ནི་འཐབ་མོ་དང་རྩོད་པ་རྣམས་ལས་སོ། །བསྡད་པར་བྱ་བ་རྣམས་ལ་སྡོད་པ་ནི་སེམས་ཅན་ཚོགས་པར་བྱ་བའི་ཕྱིར་ཏེ་དེ་ནི་ཚུལ་ལོ། །རིགས་ཀྱི་བུ་དག་དེ་ལྟ་བས་ན་མ་བྱས་པ་
D244.066.0021a03.01རྣམས་ལའང་གནས་པར་གྱིས་ཤིག །བྱས་པ་རྣམས་ལའང་གནས་པར་གྱིས་ཤིག །བྱས་པ་དང་མ་བྱས་པ་རྣམས་ལའང་སེམས་མཉམ་པར་གྱིས་ཤིག །གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་མ་བགྱིས་པ་རྣམས་ལའང་གནས་པ་
D244.066.0021a04.01ལགས། ཇི་ལྟར་ན་བགྱིས་པ་རྣམས་ལའང་གནས་པ་ལགས། ཇི་ལྟར་ན་བགྱིས་པ་དང་མ་བགྱིས་པ་རྣམས་ལའང་སེམས་མཉམ་པ་ལགས། བཀའ་སྩལ་པ། མ་བྱས་པ་རྣམས་ལ་གནས་པ་ནི་དགེ་བའི་རྩ་བ་ཡང་དག་པར་བསྒྲུབ་པའི་ཕྱིར་རོ། །བྱས་པ་རྣམས་ལ་གནས་
D244.066.0021a05.01པ་ནི་དགེ་བའི་རྩ་བ་བྱས་པ་དེའི་གོང་མའི་ཆོས་དང་སྦྱར་བར་བྱ་བའི་ཕྱིར་རོ། །བྱས་པ་དང་མ་བྱས་པ་རྣམས་ལ་སེམས་མཉམ་པར་བྱ་བ་ནི་ཚུལ་ཁྲིམས་དང་ལྡན་པ་དང་། ཚུལ་ཁྲིམས་འཆལ་པ་རྣམས་ལ་བྱེ་བྲག་མེད་པའི་འདུ་ཤེས་སུ་བྱ་བ་སྟེ་དེ་ནི་ཚུལ་ལོ། །རིགས་ཀྱི་བུ་དག་དེ་
D244.066.0021a06.01ལྟ་བས་ན་སྙིང་པོ་མེད་པ་ལས་ཀྱང་སྙིང་པོ་ཚོལ་ཅིག །སྙིང་པོ་ལ་ཡང་སྙིང་པོ་མེད་པའི་འདུ་ཤེས་སྐྱེད་ཅིག །སྙིང་པོ་དང་སྙིང་པོ་མེད་པ་ལ་ཡང་སྤྱོད་ཅིག །གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་སྙིང་པོ་མ་མཆིས་པ་ལ་སྙིང་པོ་ཚོལ་བ་ལགས།
D244.066.0021a07.01