完整藏文原文 · 德格版页 当前仅加载第 66 函德格 25b 版页；藏文 NFD、目录标记与异常页序保留在来源切片中，重复版页行以稳定序号区分。
བགྱིད་པ་ལགས། ཇི་ལྟར་ན་མ་གྲོལ་བ་རྣམས་ཀྱི་རྗེས་སུ་འབྲང་བ་ལགས། བཀའ་སྩལ་པ། བཅིང་བས་བཅིངས་པར་བྱ་བ་ནི་བསླབ་པའི་བཅིང་བས་སོ། །བཅིངས་པ་འགྲོལ་བ་ནི་སྲེད་པའི་བཅིང་བ་ལས་སོ། །གྲོལ་བ་རྣམས་ལ་བསྙེན་བཀུར་བྱ་བ་ནི་ཉན་ཐོས་དང་རང་སངས་
D244.066.0025b01.01རྒྱས་རྣམས་ལའོ། །མ་གྲོལ་བ་རྣམས་ཀྱི་རྗེས་སུ་འབྲང་བར་བྱ་བ་ནི་བྱིས་པ་སོ་སོའི་སྐྱེ་བོ་རྣམས་ཡོངས་སུ་སྨིན་པར་བྱ་བ་སྟེ་དེ་ནི་ཚུལ་ལོ། །རིགས་ཀྱི་བུ་དག་དེ་ལྟ་བས་ན་འདོད་པར་བྱ་བ་རྣམས་ལ་ནི་འདོད་པར་གྱིས་ཤིག །འདོད་པར་མི་བྱ་བ་རྣམས་ལ་ནི་འདོད་པར་མ་
D244.066.0025b02.01བྱེད་ཅིག །འདོད་པ་དང་བྲལ་བར་ཡང་གྱིས་ཤིག །གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་འཚལ་བར་བགྱི་བ་རྣམས་འཚལ་བ་ལགས། ཇི་ལྟར་ན་འཚལ་བར་མི་བགྱི་བ་རྣམས་མི་འཚལ་བ་ལགས། ཇི་ལྟར་ན་འཚལ་བ་དང་བྲལ་བ་
D244.066.0025b03.01ལགས། བཀའ་སྩལ་པ། བྱང་ཆུབ་སེམས་དཔའི་འདོད་པར་མི་བྱ་བ་ནི་ཉན་ཐོས་དང་རང་སངས་རྒྱས་ཐམས་ཅད་དེ། དེ་དག་ལ་འདོད་པར་མི་བྱའོ། །ལྷ་དང་བཅས་པའི་འཇིག་རྟེན་གྱི་འདོད་པར་བྱ་བ་ནི་སངས་རྒྱས་བཅོམ་ལྡན་འདས་རྣམས་ཏེ། དེ་དག་ལ་འདོད་པར་བྱའོ། །འདོད་
D244.066.0025b04.01པ་དང་བྲལ་བར་བྱ་བ་ནི་བརྒྱ་བྱིན་དང་ཚངས་པར་སྐྱེ་བ་ལ་ལྟ་སྟེ་དེ་ནི་ཚུལ་ལོ། །རིགས་ཀྱི་བུ་དག་དེ་ལྟ་བས་ན་ཇི་ཙམ་དུ་ཆུང་བའི་ས་བོན་ལ་འདམ་བརྙས་ཤིག །ཞིང་ཚད་མེད་པ་ལ་ཡང་མོས་པར་གྱིས་ཤིག །འཐོབ་པ་ཆེན་པོ་ནི་མ་སྒྲུབས་ཤིག །གསོལ་པ། བཅོམ་ལྡན་
D244.066.0025b05.01འདས་ཇི་ལྟར་ན་བྱང་ཆུབ་སེམས་དཔའ་རྣམས་ཇི་ཙམ་དུ་ཆུང་བའི་ས་བོན་ལ་ཡང་བརྙས་པར་མི་བགྱིད་པ་ལགས། ཇི་ལྟར་ན་ཞིང་ཚད་མ་མཆིས་པ་ལ་མོས་པ་ལགས། ཇི་ལྟར་ན་འཐོབ་པ་ཆེན་པོ་མི་སྒྲུབ་པ་ལགས། བཀའ་སྩལ་པ། ཇི་ཙམ་དུ་ཆུང་བའི་ས་བོན་ཞེས་བྱ་བ་ནི་ཇི་ཙམ་དུ་ཆུང་
D244.066.0025b06.01བའི་དགེ་བའི་རྩ་བ་སྟེ། དེ་ལ་བརྙས་པར་མི་བྱའོ། །ཞིང་ཚད་མེད་པ་ལ་ཡང་མོས་པར་བྱ་བ་ནི་སངས་རྒྱས་ལ་ཕུལ་བའི་སྦྱིན་པ་ཚད་མེད་པ་ལ་མོས་པར་བྱ་བའོ། །འཐོབ་པ་ཆེན་པོ་མི་སྒྲུབ་པ་ནི་སེམས་ཅན་ཐམས་ཅད་ལ་སྦྱིན་པའི་ཕྱིར་ཏེ་དེ་ནི་ཚུལ་ལོ། །རིགས་ཀྱི་བུ་དག་དེ་ལྟ་
D244.066.0025b07.01